Unicode
ငိုနေသူကိုပွေ့ကာရင်ခွင်ထဲထည့်ပြီးဆိုဖာမှာထိုင်နေတာ မိနစ်အနည်းငယ်ကြာနေပြီဖြစ်သည်။ ရင်ခွင်ထဲက ဠုယျာကသူ့ရင်ဘတ်ကိုမျက်နှာအပ်ထားပြီး အခုတော့ငိုသံမထွက်တော့။ ရင်ခွင်ထဲထည့်ထားရင်း ဠုယျာခေါင်းလေးကိုနမ်းရတာလဲသူ့မှာတစ်လုပ်။ ပွေ့ထားတဲ့ရင်ခွင်ထဲကသူကလှုပ်လာပြီး သူ့ကိုမကြည့်ပဲမျက်နှာလွှဲကာ
"ဖယ်!"
သူ့လက်တွေဆွဲဖြုတ်ပြီး အခန်းထဲဝင်သွား၏။ သူနောက်ကလိုက်သွားတေ့အိပ်ခန်းထဲမှာမရှိ ရေချိုးခန်းထဲမှာဖြစ်လောက်သည်။ ရေချိုးခန်းတံခါးသွားလှည့်ကြည့်တော့ အထဲကလော့ချထား၏။ နေပါအုန်းရေချိုးခန်းထဲဝင်တာ လော့ချစရာလိုလို့လား ဒီမှာသူတို့နှစ်ယောက်ပဲရှိတာလေ။ သူမျက်ခုံးတွေတွန့်ချိုးသွားပြီး ရှေ့တည့်တည့်မှာရပ်စောင့်နေလိုက်၏။
ချပ်~
တံခါးပွင့်ကာထွက်လာသူက မျက်နှာသစ်လိုက်ပုံရ၏။ ကြည်လင်နေပြီးဖြူဥနေတာ အခုဏငိုထားတာကြောင့် မျက်ခွံလေးတွေမို့နေကာနှာခေါင်းထိပ်လေးကရဲနေသေးသည်။ သူ့ကိုတွေ့တော့ ရှေ့လာမယ့်ခြေလှမ်းကခဏရပ်တန့်သွား၏။ သူ့ဆီအကြည့်တစ်ချက်ပို့ကာ ကျော်သွား၏စကားလဲမပြော။ သူနောက်ကလက်ကိုလှမ်းဆွဲတော့ခါချသည်။ သူမျက်မှောင်ကျုတ်လိုက်ကာအပြင်ထွက်သွားသူနောက်လိုက်ပြီး
"ဠုယျာ!"
"ပြန်တော့လေ ဘာလုပ်နေတာလဲ"
"ဠုယျာ.."
ပေတေတေနဲ့သူခေါ်တာကိုကြည့်နေ၏။ တကယ်အသဲယားဖို့ကောင်းပြီး ဆွဲကိုက်ချင်လာသည်အထိပင်။ သူရောက်ထဲကငြိမ်နေပြီး အခုမှဘာထဖောက်လဲမသိ။
"ဠုယျာ မောင်.."
"ဘာကိုမောင် မင်းနဲ့ငါဘာဆိုင်လို့လဲ"
"ဘယ်လို!"
"ဟုတ်တယ်လေ group တစ်ခုထဲမှာ အလုပ်လုပ်နေတဲ့စီးပွားဖက် မင်းမှာလဲဇနီးလောင်းနဲ့"
"ဟာကွာ ဠုယျာမောင့်ကိုနောက်နေတာလား"
"မနောက်ပါဘူး အမှန်ပဲလေ"
ပေတေတေစောင်းတောင်းတောင်းနဲ့ဠုယျာကတကယ်စိတ်ရှိတိုင်းလုပ်လိုက်ရင်လဲ နာအုန်းမယ်။ သူရှေ့တိုးကာလက်ကိုလှမ်းဆွဲမလို့လုပ်တော့ လက်တွေကိုနောက်ကိုဖွက်ပစ်၏။
YOU ARE READING
နေဝင်ချိန် (Complete) Rebirth Uni & Zawgyi
Fantasyထင်ရိုင်းနောင် + စိုင်းဠုယျာ 5th Creation Start : 31.3.2022 End : 24.4.2022 ကိုယ်ရေးသော fic များသည် မည်သူတစ်ဦးတစ်ယောက်ကိုမျှ ထိခိုက်စေလိုချင်းမရှိပါ။ တိုက်ဆိုင်မှုရှိခဲ့လျှင် ကြိုတင်တောင်းပန်အပ်ပါသည်။ Hsu ထင္ရိုင္းေနာင္ + စိုင္းဠုယ်ာ ကိုယ္ေရးေသာ fic...
