His Star-သူ့ကြယ် [Complete]

အပိုင်း(၁)

WARNING ❗️

(Unicode)

မဲနက်နေသော BMW Latest series ဖြစ်သည့် ၊  M340i ကားလေးသည် High Way လမ်းမကြီးဆီ မှ တအိအိနှင့် ၊ မောင်းနှင်လာပြီး ရန်ကုန်မြို့အဝင် Zero Mile အနီးရှိ ခြံဝန်းကျယ်ကြီးတစ်ခုထဲအရောက်၌ ရပ်တန့်သွားသည်။

အိမ်နှင့်တူသည်ဟူ၍ ၊  ဂိုထောင်သာသာ Store house ကြီးတစ်ခုသာရှိသော ပေ ၁၅၀ပတ်လည်ခန့်ရှိသည့် ၊ ခြံဝန်းကြီးသည် ညအမှောင်၏ အကူအညီဖြင့် သွေးပျက်အဖွယ်အတိ တိတ်ဆိတ်နေသည်မှာ သာမန်လူအဖို့ အနားပင်ကပ်ရဲစရာမရှိ။

M340iထဲမှ အသက်(၂၀)ဝန်းကျင်အရွယ်ရှိ အမျိုးသားတစ်ဦးထွက်လာသည်။ ထိုအမျိုးသားဝတ်ထားသော ချည်ပုဆိုးနှင့်Shirtအင်္ကျီသခွားရောင်ကဲ့သို့၊  သာမန်ဆန်လွန်းလှသည့် အဝတ်အစားတို့သည် ၎င်းစီးလာသည့် ကားနှင့် လားလားမျှ မအပ်စပ်။ ထိုမအပ်စပ်ခြင်းတို့ထက် ၎င်းချည်ပုဆိုး၊Shirtအင်္ကျီနှင့်အမျိုးသားသည် ရန်ကုန်မြို့သာမက နယ်စပ်မြို့များရှိ ဥပဒေနှင့် မလွတ်ကင်းသော အလုပ်မှန်သမျှကို ဦးစီးနေခဲ့သည်မှာ ပို၍ပင် မဖြစ်နိုင်သေးသည်။

၎င်းတွင် အေးချမ်းသည့်အသွင်ရှိသည့် လေးကိုင်းသဏ္ဍာန် မျက်ဝန်းတို့ရှိသည်။ထိုမျက်ဝန်းတို့အတွင်းရှိ မဲနက်နေသော မျက်ဆန် တို့မှာမူ တည်ကြည်လေးနက်မှုတို့ကို သာ၍ ထင်ဟပ်နေစေသည်။
အရပ်အားဖြင့် ၆ပေနီးနီးရှိပြီး အသားအရည်မှာ ဖြူသည်ထက် ဝင်းဝါ၍ကြည်လင်သောအရောင်ရှိသည်။ နှုတ်ခမ်းတို့မှာ ၊ ဆေးအကူရှိထားသည်လားမသိ။ ထိုသို့တွေးထင်ရအောင် နီဆွေးဆွေးဖြစ်လို့နေသည်။ သို့သော် ထိုလူ့ပုံစံမှာ ကွမ်းစားတတ်သည့် ပုံစံမပေါက်။ ခြုံငုံကြည့်ရလျှင်ပင် အပေါ်ယံ အသွင်ပြင်အရ ဓမ္မစကူးလ်မှ ဆရာကလေးနှင့်ပင် တူကာနေသေးသည်။

ထိုအမျိုးသား၏ နောက်တွင်မူ အနောက်တိုင်း Suit အပြည့်နှင့် လူ၅ယောက်ခန့်မျှ ထပ်၍ထွက်လာသည်။ ၎င်းတို့ကား ထိုအမျိုးသားအား ကျိုးနွံဟန်ပြုကြသည်။ ၎င်းတို့ မျက်နှာရှိ လေးနက်မှုနှင့် သားရဲဆန်သော မျက်နှာထားတို့ကို ကြည့်၍ ပင်။  ၎င်းတို့သည် အလုပ်တစ်ခုကိုလုပ်ရာတွင် တိကျပြတ်သားမှုရှိပြီး နောက်ပြန်မလှည့်တတ်သူများဟု သိနိုင်သည်။ ၎င်းတို့သည် ချည်ပုဆိုးနှင့် အမျိုးသား၏ နောက်မှ ထက်ကြပ်မကွာ လိုက်ရင်း ဂိုထောင်၏ တစ်‌‌ေနရာ အရောက်တွင် ထိုအမျိုးသား၏ နောက်အစီအရီဖြင့် ၊ တုန့်ခနဲရပ်လိုက်ကြသည်။ ၎င်းတို့ကား သခင့်အားသစ္စာစောင့်သိတတ်သော အသွင်အပြည့်နှင့်ဖြစ်သည်။ရုပ်တည်ကာ ကြမ်းတမ်းခက်ထန်သောပုံစံရှိသည့် ထိုသူတို့သည် ချည်ပုဆိုးနှင့်အမျိုးသားအား ကြည့်ရာတွင်မူ လေးစားကြောက်ရွံ့သော အကြည့်များဖြင့်သာ။