His Star-သူ့ကြယ် [Complete]

အပိုင်း(၁၃)

(Unicode)

လူသူအသွားအလာပြတ်လတ်နေသော လမ်းမကျယ်ကြီးဘေးတွင် Corvette အပြာရောင်ကားလေးသည် ငြိမ်သပ်စွာ ရပ်နေခဲ့၏။

ထိုကားပေါ်တွင်ကား လူးသုံးဦး ခေါင်းချင်းဆိုင်လျက် ,

"မင်းတို့နှစ်ယောက်ထဲက တစ်ယောက်တော့ ငါ့အတွက်လုပ်ပေးမှ အဆင်ပြေမယ်၊ ဒီလိုကိစ္စကို ငါ ဘယ်လိုမှလုပ်နိုင်မှာ မဟုတ်ဘူး"

သခွားစိမ်းရောင် တိုက်ပုံနဲ့ကောင်လေးက ငြူစူစွာ ငြီးတွားရင်း သူ့ရှေ့မှ ကောင်လေးနှစ်ယောက်အား အကူအညီတောင်းသလိုပြောသည်။

ထိုကောင်လေးနှစ်ယောက်အနက် အဖြူရောင် T-shirt နှင့် အမဲPantကို လိုက်ဖက်စွာဝတ်ထားသော ကောင်လေးက,

"ဒီကိစ္စတော့ ငါရှောင်မယ်,ငါ အခု  ချယ်စီလင်းနဲ့ တွဲနေတာ ဘယ်လိုလုပ် ဒီကောင်လေးကို သွားရောလို့ ဖြစ်မလဲ၊ ကိုကို! ဒါတော့ ကိုကိုတာဝန်ယူဗျာ"

ထိုကောင်လေးကလည်း မလုပ်ချင်ဟန် ခေါင်းရှောင်ပြန်တော့ coffeeရောင်color ကို ဆံပင်Highlight ဖောက်ထားသော ကိုကိုဟုအခေါ်ခံရသူကောင်လေးက,

"မိတ်ဆွေဖွဲ့ရုံပဲမလား၊ သူငယ်ချင်းပေါင်း ပေါင်းရမှာ လင်ယူရမှာမှ မဟုတ်တာ နန္ဒမင်းမောင် ၊ ဟိုမိန်းမ အကြောင်းပြ ဒီမိန်းမအကြောင်းပြနဲ့"

"လင်ယူရမှာမဟုတ်ဘူးဆိုလည်း ကိုကိုသွားရောလေ၊ အဲ့ကောင်က Gayတဲ့ !"

"မင်းဟာလေ ဘယ်ခေတ်မှာနေလဲ ဟမ်!
သူ့ဘာသာ Gay Gay မGay Gay သူ့အကြောင်းပဲလေ "

ရုပ်ချင်းခွဲမရအောင်တူနေသော ကောင်လေး နှစ်ယောက် ငြင်းခုန်နေ၏။!

ဝတ်စားဆင်ယင်ပုံ၊စကားပြောဆိုပုံတင်မက,စိတ်နေစိတ်ထားနှင့်အယူအဆတွေပါ ကွဲလွဲနေသော ကောင်လေးနှစ်ယောက် ။

"မင်းတို့ငြင်းမနေကြနဲ့ ဘယ်သူ ကူညီမှာလဲ ဆုံးဖြတ် !!"

"ဒီကောင်က ဆင်ခြေ၊ဆင်လက်၊ဆင်နားရွက်တွေနဲ့ဆိုတော့ ငါပဲလုပ်မယ် ၊ မင်းမောင်ကို ဘေးမဲ့သာပေးထားလိုက်ပါတော့ "

"ကောင်းတယ်!ဒါမျိုးစကားကို နန္ဒမင်းမောင်က စောင့်နေတာ ၊ ဒီလကုန်ရင် ချယ်စီက သူ့မိဘတွေရှိတဲ့ သြစီကိုသွားမယ်တဲ့ ငါ့ကိုလည်း သူ့အသိုင်းဝိုင်းမှာ Introduce လုပ်ပေးချင်နေတာကွာ  အဲ့မှာ ၁နှစ်လောက်တော့ အောင်းရမယ်ထင်တယ်"