"كلانا تاب بالآخر"
بقلم :وردة الــــخُــزام
البارت (1)
اترف من چفافي المهر قندول ما ضايك شكر
يا حلو يا جرة كحل
يا حلو يا بوسة سهر
يا حــلو يا يزي قهر
في احدى مناطق العراق النائية والبعيده عن العين في الوقت نفسه ..هنا سوف تُخلق قصة حُب غريبه من نوعها، فريده في وصفها .. قصة اصبحت مثال في مجتمعهم في الوفاء والتضحيه لأجل الحبيب، ولكن السؤال هو كيف لها ان تصمد رغم كل العراقيل التي تواجه هُم؟!
تعالوا معي احبتي لكي اروي لكم قصة ابطالي الذين ذُبت في كل تفصيله من حياتهم .. والآن انا سوف اختفي من امامكم واترككم لكي تقرروا هل قصتهم تستحق السرد والذكر لكي تكون انموذجا جميلا عن الحب الصادق؟ قُرائي الاعزاء ها انا فتحتُ لكم النافذة لتطلوا منها على مايجري معهم على امل ان التقي بكُم وانا قد اتممت تلك الرواية وحينها سوف اخذ بيدكم وانا ونقفل تلك النافذة ونخرج من حياتهم متمنين لهم كل الخير ..
غادة:يلا لج گومي لبسي ودخلي عليهم تره وصلوا وگاعدين منتظرين
ترفه : اووف والله مالي خلگ تعاي رگصي وذولة يرادلهم خلگ واجاريهم واخذ وانطي
غاده:گومي لج خلصينا ماالهه خلگ، واحنه شوكت نمشي ع مزاجنه نروح نرگص الهم وشارگين الحڵـڱ متر وحياتنه بالظيم كله حتى نحصل جم فلس ونسد جوعنا ونعيش مثل العالم ..
ترفه :اگوم امري لله ،شوكت نخلص من هالشغلة ونشتغل شي براسه خير مثل الناس؟ ..تره والله نفسي لعبت
غادة:عمري الي مثلنا ميگدر يغير شغله ولا يسوي شي لأن انخلقنا واحنه هاي حياتنا وهذا شغلنا
ترفه : اي بس اذا نحاول صدكي نگدر نلكه شي، زين انتي متفكرين تعيشين مثل هالناس؟
غاده:جنت مثلج هم هيج افكر، بس بعدين اقتنعت انو هاي حياتنه ومستحيل تتغير وتأقلمت وهسه عاجبتني اصلا ...ف تتعودين عمري
ترفه : بنفسي مقابله ع كلامها بس شسوي فعلا مااكدر اسوي شي ع الاقل هالفتره بلكي الگه احد يساعدني ويطلعني مـــِْن هالمكان الوصخ
ام ترفه (صبوحة):هاي شكو لسه گاعدات؟!! ..صارلهم سَـآعــهْْ ينتظروج ست ترف شوكت تشرفين!!!
ترفه : اي يمة اجيت اجيت خلي البس البدلة واجي ..
صبوحه: يلا بسرعه
گمت للغرفة بدلت ملابس الرگص الي تكون مغرية حتى اجذب نظر هذوله الزلم الي يجون ويذبولي فلوس، ...ياربي اني مااريد هالعيشة شلون شوكت اخلص منـِْهـ♡ـِْا؟ !!
هو صح شي حلو لمجرد تركص وتتونس وتحصل فلوس بس مااعرف شبيه ابد معاجبتني مو لانه كاتلني الدين، لا ..بس مااعرف ماارتاحلها، وهاي امي اذا مااطلع تلعب جوله حتى تضربني، واصلا حقها جا شلون نعيش هي هاي حياتنه وهذا شغلنا، بـ؏ـد اني شبيه؟
أنت تقرأ
كلانا تابَ بالآخر
Romanceرواية من الزمن الجميل ❤️ تتحدث عن رجل تحدى الاعراف والعادات ليحصل على محبوبته ،رغم اختلاف البيئات والعار الذي يلاحقها... لَـگِنْ ياترى هل سينتصر بالحصول عليها؟ ام ان تلك العوائق ستقف في طريقهما؟!! . . ستصادفنا عدة شخصيات بين طيات هذه الرواية من هم و...
