"كلانا تاب بالآخر"
بقلم: وردة الخُزام
يچذبني
و اچذّبه
و بالعشگ نحلف
و فنَّه الگال احبك دون ما يرجف ❤️
''''''''''''''
البارت (42)
اكل ع السريع وعيني عليها ماادري شلون خملت عنها، باوعت ارجوان ماكوو!
تخبلت شمرت اللفه من ايدي وعيوني تدور عليها بالمطعم مالها اثر ابد!!
يمه احس روحي راحت كمت اتعثر اني ورزان بحضني، من الخوفه الخفتها يمكن حتى لو كدامي مااشوفها .. المطعم كله دورته ماكو، الرجال الواكف ع المقبلات سألته كال ماادري مامنتبه. كلت هاهيه طلعت للشارع وانسحگت لو خطفها احد ..
ركضت للباب وجان اشوف المنظر الي رجعني سنيين ليوره!!
ارجوان واكفه اباب المطعم ويمها مره لازمتها من ايدها تريد تدخلها للمطعم وبين ماتمشي وياهه جاي تسأل بيها، بس مو هنا الصدمه .. الصدمه المره الي تحجي وي ارجوان هي خالتييي!
شجابها؟ شوصلها لهنا؟ والاهم من هذا كله شعرفها ارجوان بنتيي؟!!
عمري مااتوقعت راح اشوف احد بيهم او حتى المحه؟!
بالنهايه صلتي مكطوعه بيهم ومااعرف اي شي عنهم، بس يا الله ع الصدف الي تقرب البعييد ولو جان بآخر الدنيا..
جانت تمشي وايدها بأيد ارجوان وكل شوي تدنك راسها مدري شتحجي وياهه فجأة رفعت راسها وباوعت بأتجاهي، اباوع ملامحها تغيرت كلها وضلت واگفه بمكانها وعيونها عليه !!
اول شي جنت متوقعه تعرف هاي بنتي بس بعد الي صار كدامي هسه تأكدت هي مصدومه حالها حالي .. ومجان هاللقاء غير صدفه، بس يا ترى هالصدفه راح تكون بصالحي لو راح تتسبب بتعكير صفو حَــيآتـي؟؟
صحت من صفنتها وكملت طريقها بأتجاهي، بس وصلت يمي انرسم شريط حياتي الماضيه كله گدامي، اصلي شنو؟ وشلون جنت وشلون هسه صرت؟!
من وحده مخلصه يومها بالدك والركص ل انسانه تصوم وتصلي وتخاف الله بكل خطوه تخطيها ..
من انسانه لبسها فاضح ومغري ل انسانه ملتزمه بالحجاب والعباة وميطلع ولو شعرايه منها!
من انسانه جانت عايشه وي عائله تتكون من ام واخو واخوات بس عمرها ماحسبت روحها منهم، عمرها ماحست بالراحه وياهم لو حست بشعور العائله الوحده والانتماء .. الى انسانه عدها عائله بس زوج وبنتين بس مالين عليها الدنيا واليوم الي يخلص وياهم مايتعوض بكنوز الدنيا!
من انسانه عدها ام عدها خوات عدها اهل بس مايوم حستهم يحبوها لذاتها؟ كلهم جانوا يريدوها وياهم لمصحه معينه مو حبا بيها .. الى انسانه عدها شخص يحبها حب يعادل حب امها الها !! لدرجه باع كلشي في سبيل يشتريها، سمعته اسمه وكلشي قربان لحبي وحبه الي لو عرف بي كاتب او مخرج على ثقه ما راح يتردد ولو لحظة بتوثيف وتخليد قصه هالحب الغريبه والفريده من نوعها.
أنت تقرأ
كلانا تابَ بالآخر
Romanceرواية من الزمن الجميل ❤️ تتحدث عن رجل تحدى الاعراف والعادات ليحصل على محبوبته ،رغم اختلاف البيئات والعار الذي يلاحقها... لَـگِنْ ياترى هل سينتصر بالحصول عليها؟ ام ان تلك العوائق ستقف في طريقهما؟!! . . ستصادفنا عدة شخصيات بين طيات هذه الرواية من هم و...
