"كلانا تاب بالآخر"
بقلم: وردة الــخُــزام
وصبرت اعله الجرح
حدما خذآني الشيب
وتحملت السنين وضكت ماضكته
الحنضل
والعسل
والزين
والموزين
(كـلهن جـربتهن وانته ذاااك انـــتـه )❤️
♪♪♪♪♪♪♪♪♦ ♪♪♪♪♪♪♪♪♪♦ ♪♪♪♪♪♪
الحلقة (35)
شهد:
علاقتي وي مشعل جانت مااعرف شلون اوصفها .. يعني هوه بالبدايه جان يحبني ع اساس واني حجيتله شكد صعب ننجمع بسبب الثارات الي بين اهلنا بس هو بوقتها ضل يلح ومافك عني ،لحد ماني بديت اميل الا نوعا ما عبن هو حلوو ومابي شي عيب .. بس اخذ فتره هو گطع عني ولا يطلع بوجهي ف توقعت خلص هو فهم هالشي وابتعد .. بس شو من صارت خطوبتي وي عزام وراهه بفتره لنه هم راجع عليه ويطلع بطريقي واني احبج واريدج ومن هذا الحجي .. صديته وگتله انه مخطوبه لبن عمي وكلها جم شهر ونعرس، گال ابد انه احبج ومااخلي ياخذج لو شيصير .. سكتت عنه بس جنت اميل اله تقريبا وجان يعجبني شلون يحبني ومستعد يعارك علمودي .. وهم اني جنت ماحابه عزام كلش ورفضت بالبدايه رفض قاطع بس هو معروفه رفضي مايقدم ولا يأخر اني اول وتالي لواحد من فروخ عمي ..
المهم .. فتره خطوبتنا تأخرت شويه واني بعد لا شفت عزام ولا ادري عنه ،ومشعل جان طول هالفتره يلاحكني ويحاول ف انطيته مجال وصارت بينه علاقه، وجنت دوم من اروح للحشيش نتلاكه هناك ونضل نسولف ويكعد يتغزل بيه واني طاايره بجلماته وغزله .. بس ماجنت ادري ثمن هالغلطة راح يكون جبييير!!
ماجنت ادري عملتي هاي راح نضل مشردين طول عمرنا؟!!
ولا جنت ادري ثمن هالشي ضياع مستقبل واحد من اخواني والحكم عليه بالسجن طول عمره!!
طالت فتره علاقتنه وتطورت بهذا الوقت .. وبيوم رحنه للمكابر ومرينا ابيت عمي وهناك حددوا موعد عرسنا انه وعزام بعد شهر!
ماحجيت شي ابدد ولا اعترضت كدامهم ..بس اني اول مارجعت رحت بحجه الحشيش وتلاكينه هناك، وكتله كلشي ع سالفه العرس .. وضل يحجي ويگول محد ياخذج غيري واسوي مااسوي .. انه كتله اهلي يذبحوني مااكدر اوگف بدربهم
جان يگولي چا نشرد سوه انه وياج!!
تسودنت من سمعته! ،گبل صيحت عليه وكتله لو ادري اموت مااسوي هالشي وانزل راس ابوي وعمامي ... ضل يقنع بيه ابد كتله .. بوكتها هو كال جا هاهيه انتهى كلشي بينا وانتي الي حكمتي على حبنا بالموت!
ماحجيت شي وهو خله وراح .. بس اني حتى لو احبه وتعلقت بي لا يمكن اسوي هالسوايه وادنس راس ابوي واهلي ..
من يومها بعد هو لا التقه بيه ولا شفته .. ومر الشهر الي حددوا .. واجه يوم عرسي ماجنت فرحانه ولا حزنانه شعوري ماادري شنهو جان؟!
لدرجه ضليت صافنه جا شنهي مشاعري وي مشعل!
اذا انه مازعلت من اخذت غيره؟
أنت تقرأ
كلانا تابَ بالآخر
Romanceرواية من الزمن الجميل ❤️ تتحدث عن رجل تحدى الاعراف والعادات ليحصل على محبوبته ،رغم اختلاف البيئات والعار الذي يلاحقها... لَـگِنْ ياترى هل سينتصر بالحصول عليها؟ ام ان تلك العوائق ستقف في طريقهما؟!! . . ستصادفنا عدة شخصيات بين طيات هذه الرواية من هم و...
