كلانا تابَ بالآخر

Part 10

#كلانا تاب بالآخر

بقلم:وردة الخُزام 

البارت  10

‏يا امل روحي الگيت ايامي بي
يالعقد حبك على روحي انعرض
گلبي وقعلك عقد لا رجعه فِيَه
ردت اشوفه يوقع لغيرك رفض

ايهاب المالكي

ابو نمر:

كملت شغلي ومر اليوم طبيعي ورجعت للبيت وموضوع شهد بعد ماانفتح وماعرفت ابو مشعل شسوه وي ابنه؟
وتوجهت لكربلا ...
همه كبلها جانوا بالديوانيه ومسكنهم الاصلي بيها بس مدري شلون جاييين لهناا وضالين بـ؏ـد..

وصلت لبيتهم لن هاي امها شو  ماترضى اطب وتصيح عليه !!
وجفينا شرك واذا ماتطلع اصيح والم الوادم عليك، شووف هاي المصدگة روحها على اساس هساعه الوادم ماملتمه عليهم والله يا الله هي مسويه البيت لبالك ملهى وجايه تسولف  ،هزيت ايدي ورديت عليها ..

- هااي شبيج تسودنتي؟شنهوو تلمين عليه الوادم شكو؟

- كلشي ماكو بس مااريدك اتطب بيتي شنو گوة مثلا؟!

- شنهوو هالحجي جديد

-اي جديد ومنا ورايح تنسالي ترفه ولا تراويني وجهك بعد، مالي خلك مشاكل اني

- مشاكليش هاي؟ احنه موش اتفقنه اني وياج بعد شنهوو الصاير

- ماصاير شي بس هيج طخت براسي وبطلت عندك ماانع

-جنت مطول وياهه بال بس من ردت عليه هيج واني هجمت عليها ..شنهوو شنهو عيدي بله شگلتي؟
جا طخت براسج موش؟ ارد اشوف شلون راسج هذا يتصرف بكيفه ودفعت الباب بكل قوتي وطبيت . لاگاني محمد سد عليه الطريق، شوف هذا الخيخة هم مگلوب عليه زلمه اليوم لا يايلكعبه !!!

لزمته من ازياكة وشمرته لهنااك، هو ضعيف كلش بس تنفخه يطير وي ما دفعته راح لنهايه الصاله.. خليته وكملت طريقي متوجه لغرفه ترفه، وصلت كريب من غرفتها لكيتها واكفه بالباب، صرررخت بيها

تعاي وراي للغرفةةة

وذيج مستمره تركض وراي وتصيح تَعال اگلك اطلع انت شنو ماتسمع واني امشي بطريقي ومنطيها الاذن الطرشه ..

دخلت للغرفه اجت ترفه وراي، سديت الباب ودرت وجهي عليها ..

- اي سولفيلي شنهو الصاير وراي،شبيها امج متسودنه وماترضه اتطببني للبيت؟

- اول شي انت ليش تأخرت، مو كلت اكل لأخوي واردلج خبر بسرعه؟

- هساعه شنهو تجاوبيني بسؤال انتي؟واخوي حاجيته وماهو راضي نفس قراره مايرضه بيج ..

- وانت شنو رئيك؟ يعني راح ترضح لقراره لو شنوو؟

- ماادري اموري كلها مليوصه ماادري شسوي تعبت واني اقنع بي بس ماكوو كل فايده ..
_ هساعه كليلي امج شبيها ؟ماتحجين شبييج اجر الكلام منج جررر