كلانا تاب بالآخر "
بقلم: وردة الخُزام
عزيزتي
تُحبين القراءة
وأُجيد الغزل
فهل لي أن أغازلك في كتابٍ من صنعي ؟!
تقرأينه في الصباح..
لتجديني أخبرك " صباح الخير يا أجمل الفاتنات ! "
''''''''
البارت 45
واگفة بزاويه الغرفه وارجف كلي بس أمنت عود مراح يلگاني مدري شجان يفكر عقلي يعني وياه بنفس الغرفه والباب مانفتح وين رحت مثلا؟!!
مرت بال 5 دقايق تقريبا امنت شويه، بس فجأة وحسيت خطواته اقتربت مني!
گمت احشك روحي بالحايط بلكي مايشوفني وگلبي احسه وكع من الخوف، اخر شي غطيت وجهي بثنين اديه كل عقلي ميشوفه وافلت منها ... واني ضامة وجهي بأيدي ومسويتلي فتحة زغيرونه بين اصابعي شفته وصل يمي اول ما استغرب وگفتي هنا بعدين شفته ابتسم وهز راسه وكانه يكولي والله بطرانه لشوكت تضلين خاتلة!!
جان مبدل ولابس تراك خفيف، اخذلة صفنه عليه وهو حاط اديه ثنينهن ع خصره حسيته يگول لروحه " هاي بله شتصرف وياهه هسه! "
بعدها مد ايده وهو يسحبني ويگول بضحكه …
- ههههه كل عقلج يعني مراح الگاج بهالمكان؟
- وجهي احسه صار طماطة خجل على خوف على ارتباك على فشلة ولسه ماخذه وضع الخرسه مافتحت حلكي لوما هو شايفني وحاجيه وياه قبل چا گال خرسه مابيها مجال!
اخذني گعدني على الجربايه واجه گعد بصفي حجه…
- ليش لسه مابدلتي؟
- توني اريد ارد عليه واطلع من وضع الخرساء لانه لْـۆ طولت شوي بعد يبدل اسمي من عفراء ل خرساء واني منطيته الاذن الطرشه. اندكت الباب، راح هو يفتحها واني ضليت على گعدتي ،طلع العشه جابوا ..
خلاه هو على صفحه واجه يمشي بأتجاهي .. خاف قبل شويه اطمئنيت شوي من شفته ضحك، هسه رجعتلي الرجفه والخوف اضعاف واني اشوفه يتقدم وينزع بالتيشيرت وشمره بالگاع، اني بسرعه كمت وگفت.
هو شمر التيشيرت واجه كبل شمرني ع الجربايه، هنا عاد اني بـ؏ـد انطيت الاذن لصوتي بالابداااع ونطقت اول صوت من دخلت هاي الغرفه لسه بس مجان صوت عادي لاااا ! صوت من صوووت
بس شفته شمرني واني صحتت ولج يمةةةةةةةة تعااااي شوفي مدري شيريد يسوووي بيةةةةة يباووووووووو
هو كام يحط ايده ع حلكي بس يريدني اسكت، ةاني اوخر ايده واصرخ صووت اقوه من الي قبلة والدموع تصب والجسم يرجف رجففف لدرجه لشتي بـ؏ـد مااسيطر عليها، هو گام متفاجئ من تصرفي وبنفس الوقت ودة يحطني ويكتلني كتلة تسوه ؏ـمري ع اثر الباب الي بلش يندگ وهمه يگولوله …
- هاا يمة شهوومي شجرالكم؟
- عرفته هذا صوت امة، هو ماحجه شي بس ابتعد عني ويأشرلي حتى اسكت، شويه وسمعت صوت امي من ورة الباب …
أنت تقرأ
كلانا تابَ بالآخر
Romanceرواية من الزمن الجميل ❤️ تتحدث عن رجل تحدى الاعراف والعادات ليحصل على محبوبته ،رغم اختلاف البيئات والعار الذي يلاحقها... لَـگِنْ ياترى هل سينتصر بالحصول عليها؟ ام ان تلك العوائق ستقف في طريقهما؟!! . . ستصادفنا عدة شخصيات بين طيات هذه الرواية من هم و...
