"كلانا تاب بالآخر"
بقلم: وردة الخُزام
؏ــيـوني انتوا اول متبدون لتنسون التصويت ❤️+ التعليق بين الفقرات +متابعه لحسابي 🤍.
تره العاكول من ضيمه صبح
عاگول لو مرتاح چااا وررد
عريان السيد خلف
""""""""""""""🦋""""""""""""""""""
البارت (27)
شهد:
اليوم عمي صگر يمنه،اعتقد على سالفه ابوي جاي لان السالفه طشت والوادم واحد يبشر الثاني ابو نمر ماخذله كاوليه.اول مااجه ماحجه شي هو بس مبين مغثوث موش مثل كل مره يجي وجهه يضحك، طبـ؏ـاً هذا عمي بطبعه دوم بشوش ومبتسم ف تقريبا هو اكثر اخوانه محبوب بين الناس ..
سويناله غده وكملوا وانوب گعدنه كلنا ونشرب چاي، سولفوا هواي سوالف ومختلفه ساعه ع السياسه سَـآعــهْْ مدري عليمن لمن اخر شي عمي فات بالمهم ..
- ايي هذال شنهو هاي السالفه الطالعه عليك؟
- يا سالفه؟
- لا تتلاوت وياي ولك انه وانت نعرف شقصد انه،شنو هاي السالفه الطاشه وكلها تصيح هذال ماخذله كاوليه، انه اجيت بدون مااكول لواحد حتى الزمك بالجرم المشهود، بس شو كلشي ماشفت
- هههههههههه والله ضحكتني يا بو حسام، گلت جاي تلزمني بالجرم المشهود؟
- وشنهو يعني انت ماتهاب واحد عود؟وحگ هو علي لو موش ولدك بطولك امدك هساعه هنا وانعنع عظامك
- ابوي گوة كاتم ضحكته، هو هذا عمي يصير اكبر من عمي برزان الله يرحمه واكبر من ابوي .. بس هو يصير گصيروني اليشوفه يكول ابوي هو الاكبر .
رد عليه ابوي وهو يكوله ..
- لا خوويه محشوم مااقصد اتعاله عليك انه، انت اخوي وجبيرنا ولو شما ااكبر يضل احترامك ع راسي .
-غصبن عليك، لا تشوف روحك اطول مِڼـّي وعلي اطيح حظك
- ابوي ضحك بصوت عاالي وكلنه ضحكنه ع كلام عمي، وهو يحجي بحرگه وهذا ابوي مترهي ويضحك عاد اخر شي ماتحمل عااط بأبوي بصوت عالي وابوي سكتت ..
ورد نشد ابوي ..
- عود لبالك تاخذني بلسانك وضحكك وانسه السالفه؟ يلاا احجيلي
- هساعه شحجي ماتگلي شو انت جاي وتعرف السالفه كلها بعد شحجي؟
- انه الحجي السمعته من الوادم وماينعرف صدكهم من جذبهم، ولهالسبب انه ارد اسمع مـڼك انت!
-ابوي مارد عليه، والتفت حجه يسمعنه.. ماتگومن شنهو ماعدجن شغل انتن؟
- ردت عليه امي .. ماعدنه شي دنيا ظهر شغليش هذا بهالظهريه؟
- رد عليها بحده .. گوومن گعدن بالحجره الثانيه يلاا دوختنه
- عمي ماحجه شي، عرف ابوي طردنا حتى يستفرد بي ويحجيله، وانه طلعت وياهن بس خليتهن مشن ورديت اتصنت عليهم، ارد اعرف شنهو السبب الي يخلي ابوي ياخذ هيج وحده؟!!
أنت تقرأ
كلانا تابَ بالآخر
Romanceرواية من الزمن الجميل ❤️ تتحدث عن رجل تحدى الاعراف والعادات ليحصل على محبوبته ،رغم اختلاف البيئات والعار الذي يلاحقها... لَـگِنْ ياترى هل سينتصر بالحصول عليها؟ ام ان تلك العوائق ستقف في طريقهما؟!! . . ستصادفنا عدة شخصيات بين طيات هذه الرواية من هم و...
