كلانا تابَ بالآخر

Part 17+18

"كلانا تاب بالآخر"

بقلم: وردة الخُزام

اول متبدون لتنسون التصويت 🌝+ التعليق بين الفقرات +متابعه لحسابي 🤍.

وحـگ الـيوجعني بـكل هـلا متانيـك
أنـه بدونـك
مضيف أذنـوب
وجـواز السفر لــ توبـه تـتن يلـهث
طاح بشفـة المنـهوب

"""""""""""""""""""""""""""""""""""""""""""""""

البارت  17+18

(هاي الاحداث انروَت على لسان صاحب الشيخ ابو تكليف )

الفجر وي الاذان صلينا  وتريگنا  وطلعنا  وعلى نفس خطتنا  ناس تلهي السيطرة وناس تعبر الشلب. بس الي صااااار؟! بوكتها عطلت سيارة ابو نمر وجماعته الي المفروض يروحون ويلهوون السيطرة حتى ماينتبهون و انه الشيخ  كملنا  طريقنا  كل ظنه هذوله وصلوا گبلنا  وسووا شغلهم، تفاجئنه  من وصلنه  السيطرة جماعتنه  ماااكو!!

والاتعس من هذا كله اليوم موجود بالسيطرة ضابط يكره الشيخ وآل مزيهر قاطبةً وكأنو يدرون اليوم راح يجي الشيخ ومتحضرين ..

المهم وصلنه  السيطرة وكفو الشيخ  ..

- وين رايحين؟

- للسوگ

- وهذا شنو الي بالبدي؟

- هيج علف

- حجه الضابط، هاا گتلي علف مو؟!

- اكدر اطلع اذا خلصتوا

- له له شيخ صدك جذب وين تطلع، دخول الحمام موش زي خروجه، ويرفع حاجبه ويحجي بأستهزاء

- انزززل بسررعه وشيل هذا الي مغطي بي العلف گولتك، خلي نتأكد

- محمل شلب وابن امه اليگدر يوگف بوجهي، وشخط السياره وطلع

- هذوله كاموا واحد يربد الثاني، بسرعه صاح بيهم الضابط الي يكره الشيخ وبس يريد يلزم لزمه عليه وكأنه الله جابهه اله ..

- بسررررعة لحگوووووه، جيبووو الي لْـۆ يطيرررر

راحوا وراه والشيخ داس للسياره بكل سرعتها صار يمشي بين السما والگاع والشرطه وراه ..

انه جنت وره سيارته مباشرتا امشي من شفته ابطه يسولف وياهم عرفته كشفوه عاد خليت ورجعت بسيارتي ونويت الحگهم اشوفهم خاف يكتلوه عاد اكون يمه وارمي عليهم احنه ماخذين احتياطنه وجايبين سلاح ويانه خاف كلشي يصير ..

درت سيارتي وطلعت وراهم ضلوا يصيحون وراي اوگفففف صاحوا رادوا ماوگفت ضليت امشي وره ذوله الي لحگوا الشيخ، همه هم ماهتموا كلش وياي بالهم كله يم الشيخ.

والله شفت سيارتهم گربت حيل من الشيخ وگاموا يرمون عليه ويصيحون اوكف ما اوگف وهو ولا يمهم اخر شي طلع سلاحه وكام يرمي عليهم صارت مواجهه بينهم، عاد انه هم طلعت سلاحي وگمت ارمي عليهم همه صاروا بالنص مناك ابو شهم يرمي عليهم ومن وراهم انه ارمي .. استمرينه ب الربع سَـآعــهْْ رمي، ومااشوفلك غير الشيخ وگع من طوله رموا عليه واجت بي بسرعه طاح عرفت جيلته چتاله.