"كلانا تاب بالاخر"
بقلم: وردة الــــخُــزام
لتنسون التصويت +تعليقاتكم الي تسويلي واهس ❤️🦋+متابعة لحسابي
أشبگني خل ازغر وارد انوب احبك
لمني خل يتشابگن گلبي وي گلبك
حسن الفضلي
^^^^^^^^^^^^^^^^^^^
البارت (30)
-هاي منهو ساد الباب ؟!! نادييية وينج بويه؟
-اسمع صوتها اجته، كالتله ها عمي
-وين ترفه؟ وهذا الباب ليش مسدود المغرب؟ مايصلح يا بوويه
- اني لازكه اذني بالباب واسمعلهم، ردته، هاا ء عمي انه رايحه عشاي راح يحترك
-ولج بوويه تگليلي وينها وروحي،حجه هيج ورجع يدك على الباب وهي راح صوتها يمكن كالت هيج وفلتت
- منهوو هنا ماتحجون؟
- سكت شويه وانوب شو كبل صاح بأسمي وهو يگول .. ولج ترفةة طلعي طلعي بسااااع اليوم اموتج هنا
- عزاا يمكن جان ناسي السالفه توه ذكر، صخام بوجهج ترفه، كمت ادك على خدودي واگمز بمكاني
- حجيت واني وره الباب، ماافتح والله ،تريد تبسطني ادري بيك كالتلي ناديه
- رجع حاجاني بصوت ناصي، حسيت وكأنما جاي يشاورني ،ترفه فتحي الباب بويه وصيري حبابه لا اكسر الباب
-رجعت حاجيته بنفس الهمس، حباب افتحلك وماتسويلي شي؟
توني كملت حجايتي وجفلت من الصوت الي اجانه!!
وصاحب الصوت اكيد ومن غير شك منوو؟
مرته "النواصة" حجت بصوت عالي ..
-هاا شمسويه گح** شنهو لگيتها وي واحد؟ اي جا شلبالك تصير شريفه عدك؟حيل بيك وبأبو زايد هاي شارتي بيك يهذاال ،عساهه ماتتعداك بجاه هاي المغربيةة
-هو صااح بيها بصووت من يمي كمت ارجف، تمشين عني يو وابو راس الحاااااار يالنواصه محددد يفكج مني
-اني جنت لازكه اذني لسه على الباب احسها كامت توش من صوته، انوب اني خاف جنت عايزه شوي وهسه بهذا صوته كمت ارجف من الخوف، هو كمل كلامه وياهه ورد انطه الباب دفره برجله وهو يگول ..
- وانتي الثانية تفتحييييين الباب يو لاااااا
- هذال بروح اخوك والڵـهٍ افتح بس لا تكتلني
-اللهم صبرج يارووح، اني اليوم بوجهمن متصابح
-اني عفت ام الموضوع وركزت بحجايته، شيقصد يعني اني صباحي فگر؟ اي هو اليوم نايم يمي وفتح عينه اني بوجهه، الصبح يتغزل بوجهي وهسه صار صباح اگشرر !
- تعال تعال شقصدك انت؟ يعني اني صباح شؤؤوم
- انت شجاي تخرطييين ولج؟ لطاام شوم شنهو
فتحي هالمهجوم هذاا يو اجي اكسره على راسج ورووح امي
بعدين اردف .. والا اكلج خلي لا تفتحين بلكت ولنه جايج الطنطل
أنت تقرأ
كلانا تابَ بالآخر
Romansaرواية من الزمن الجميل ❤️ تتحدث عن رجل تحدى الاعراف والعادات ليحصل على محبوبته ،رغم اختلاف البيئات والعار الذي يلاحقها... لَـگِنْ ياترى هل سينتصر بالحصول عليها؟ ام ان تلك العوائق ستقف في طريقهما؟!! . . ستصادفنا عدة شخصيات بين طيات هذه الرواية من هم و...
