"كلانا تاب بالآخر"
بقلم: وردة الخُزام
يا ناعسَ الطرفِ كم أشكو وتظلمني
رحماكَ يا ناعسَ العينينِ رحماكا
لو أن غيرَ فؤادي يشتكيكَ معي
لضجتِ الناسُ والدنيا بشكواكا .
'''''''''''''''''''''''''''''
||
[ التصويييت يولوو 🙊💚+ التعليق بين الفقرات +متابعة لحسابي ]
الحلقة(43)
الصياح ترس المكان هذال عاف عشاه وطلع يركض واني ضليت بمكاني اسمع للصياح الي كل ماجاله ويزيد ويقوى …
طلعت راسي من الباب اباوع للشارع واشوف هووسه والودام تتراكض اباب بيت آل رضوان!!
ضليت واكفه بمكاني وخايفه اخر شي گلت خلي اروح اشوف شصاير؟ اخذت بناتي ورديت الباب ورحت ..
من وصلت سألت الواكفين بالباب الجهال كلها ملتمه بالباب، كتلهم …
- شكوو خاله شعدهم ال رضوان؟
- رد عليه ولد حتى مااعرفه منين يمكن هم جاي يتفرج .. بتهم كاتلهه اخوها يگولون
- يمااا ،ياهي منهن ولك؟
- الجبيره يكولون
- لا يربي خطية بعدهي طفله عمرها 14 يمكن! ،عفتهم وطبيت جوة وجان اشوف امها وعماتها املخات ارواحهن والدنيا مگلوبه عليهم. سألت النسوان الواكفه، گالت وحده منهن ..
- خيه يكولون امها ماهياش بالبيت ولا ابوها وبس هي واخويتها ضالين وحدهم .. ومتعاركين هي واخيها ع التليفون مدري شني، واخوها عود يتغشمر وياهه ماشي مطلع مسدس ابوه يخوفها بي تالي بس دايس ع العگرب مالت المسدس طلعت منه طلقه اجت للبنية بالگلب فييت!
- اسم الله!
وهسه شنو ماتتت البنية؟
- ماادري خيه، يكولون من ماخذيها منتهيه. بس لساعه ماردوا خبر من المستشفى ..
- متتت قهر هي شلون ورده هالبنية شايله ادب واخلاق عجيبه والوجه ينور والله
- رحت قفلت البيت بسرعه ورجعت يمهم، همه مو غرب يصيرون كرايب هذال ... ضلينا ننتظر خبر منهم وامها موتتت روحها فوگ ضيمها وبنيتها كلها تلومها شلون طالعه وعايفتهم وحدهم بالبيت وهي تسمع وتسكت.
ساعتين احنه ننتظر وماكو خبر، تالي دك تليفون وحده منهن، ضلينا كلنا ننتظر الحجايه من حلگها بس شالته الوجه كله انگلب وكامت تدك وتلطم وشگت ثوبها. طلع عم البنية الي مخابرها وگايللها البنية راحت لربها.
بليلتها ماجابو البنيه غير وجه الصبح مغسليها ومكملين بس جابوها تشوفها امها ويدفنون .. ومن نزلوا التابوت سوت امها اضعاف الي سوته كبل لا تشوفها ... وماضل لا جار ولا بعيد ولا قريب مابجه على البنية كلها بجت زلم ونسوان. لان فعلا طفله بريئة لا مأذيه احد لا مسمعه احد حجايه. الله يرحمها ويصبر امها يارب.
أنت تقرأ
كلانا تابَ بالآخر
Romanceرواية من الزمن الجميل ❤️ تتحدث عن رجل تحدى الاعراف والعادات ليحصل على محبوبته ،رغم اختلاف البيئات والعار الذي يلاحقها... لَـگِنْ ياترى هل سينتصر بالحصول عليها؟ ام ان تلك العوائق ستقف في طريقهما؟!! . . ستصادفنا عدة شخصيات بين طيات هذه الرواية من هم و...
