"كلانا تاب بالآخر"
بقلم: وردة الخُزام
البارت 9
يـلـومـونـي واحـســك تكبــر بـروحــي ويـلـومـونـي
وانـا بلا شـوفـتــك شـيـنـفـعــن عـيــونــي
يـشـوفــي ورجـوتــي ودنـيـاي
دنـيـاتـي ولـوني
عذابــي وبـسـمـتــي وشَـكـواي وضـنـونــي
يَـخـي عـونـك عَـلـي وبـيـك خَـيـعـونــي
يَـواهـس تـضـحـك الـدنـيـا ؏ شـفـافـك
يَـبـو الـلـيـل الـحـلـو الـيـلـعـب ؏ چـتـافـك
يـلـومـونـي واحـســك تكبــر بـروحــي ويـلـومـونـي !
عريان السيد خلف
ترفه: مرت يومين على روحه ابو نمر والله شو اليوم الثالث وجان يجينا واحد اول مره اشوفه بس من هيئته واللبس مالته مبين شيخ اني جنت كاعده بوقتها بغرفتي جان الوقت تقريبا ضهريه هيج ب 2 يجوز، اي جنت گاعده واجتني اختي غاده وجها مخطوف گالت تعاي ولج شوفي منو اجانه،عزااا شجابه شوصله يمنه، رديت عليها ..
_ منو ولج وگعتي گلبي شبي وجهج مخطوف
_لج داده اخو ابو نمر الشيخ اجه لهناا ويهدد ويحجي شلون نريد ننطي مره
_عزاا وهسه وينه هو
_ هذا بعده هناا
_تعاي تعاي نروح نشوف
اجت وياي ورحنه نشوف شيصير جانوا كاعدين بالصاله، اني وغاده ضلينا واكفين على صفحه بعيده عنهم ونسمع لكلامهم هو گال ..
الشيخ: انه اجيت من الديوانية لهنااا وگاطع كل هالدرب الطوييل بس حتى احذرج من الي تردين تسويي، شفتي ابو نمر زنكيل وعده فلووس كلتي اي هاي صيده ماتتحصل موش؟
صبووحه :على كيفك عيونيي اكلتنا حاصل فاصل تره اني اصلا مارضيت على الزواجه من اساسها بس اخوك هو الي اصر عليه وحتى هددني
الشيخ: هاي سوالفج عبريهن على غيري موش عليه انه اعرف اشكالج كلش زين، وشلوون تردنها من الله على الله تحصلن واحد متمكن
صبوحه: كتلك اخوك هو الي لزك فرد لزكه والا انا بنتي مااريد انطيها، واذا تريد تحذر واحد فروح لأخوك ولا تخلي يوصل يمنا بعد وانه اضمنلك ماتصير كل زواجه
الشيخ: انه اخوي منعته بس مايمتنع ولهذا السبب اجيت احذرج واريد الرفض من يمج انتي
صبووحه: اي هذا هو منعه ميجي يمنا وخلص، والا غير هذا الحجي انه مااكدر عليه
الشيخ: انه هم ارد واحاجي بس يو سمعت منطيته مره وحگ هو علي ابن ابي طالب اهجج اخليج ماتعرفين هوى دارج
حجه هذا الكلام وخله وطلع واني اسودت الدنيا بعيني يعني خلص مستحيل اطلع من هناا بعد ،يعني خلص مراح اتزوج ابو نمر، ياربي والله بديت احبه واتعلق بي شلوون بيه، شلوون وهو الوحيد الي يگدر يطلعني منا، هو الوحيد الي متقبلني مثل مااني وراضي بحياتي.
أنت تقرأ
كلانا تابَ بالآخر
Romanceرواية من الزمن الجميل ❤️ تتحدث عن رجل تحدى الاعراف والعادات ليحصل على محبوبته ،رغم اختلاف البيئات والعار الذي يلاحقها... لَـگِنْ ياترى هل سينتصر بالحصول عليها؟ ام ان تلك العوائق ستقف في طريقهما؟!! . . ستصادفنا عدة شخصيات بين طيات هذه الرواية من هم و...
