كلانا تابَ بالآخر

Part 23

"كلانا تاب بالآخر"

بقلم: وردة الخُزام

؏ــيـوني انتوا اول متبدون لتنسون التصويت ❤️+ التعليق بين الفقرات +متابعه لحسابي 🤍.

‏عيناكَ لوحةُ عشق لفها السحرُ
‏يغفو ويصحو على أهدابها القمرُ
‏في رمشها ألّف العصفورُ أغنيةً
‏وبين أحداقها يُستعذب السّفرُ.🧡

""""""""""""""""""""""""""""""""""""

البارت  (23)

سلوى:

اليوم جنه كاعدين من وكت لان امي رادتنه انظف البيت، بس حسيت بيها عصبية وكله حجيها نتر وبس تريدلها واحد يحجي حجايه غلط حتى تعييط بي .. اول شي گعدنه نتريگ وراهه انظف عود، واحنه گاعدين نتريگ اجه ابو نمر صبح علينا بس اني وسهى ردينا السلام عليه .. هو سلم وراح يغسل، حجت امي..

- هذا شلون طلع عايش ها؟

- جاوبتها .. ماادري بس حسب الي فهمته من ترفه الرجال الي سولفلج طلع مخربط بينه وبين اخوه

- جا شعده جايني مو اخوه ميت؟

-يا يمه جا واذا اخوه ميت قابل يضل حاجر روحه دوم

- وانتي شبيييج تدافعليه هااا؟!
هم صرتيلي ترفه الثانيييةةةة

- هاي شبيج يمه وين مدافعه اني، تره سألتيني وجاي اجاوبج

- كااافي اتسممي واسكتي

- وحجت وي روحها بصوت ناصي، بسييطة اني اعلمك هذاال بسيطةة، كيفت كل هاي الفترة مااجيت گلت هاهية بعد مايريدها ،وذعت انت ميت تالي تردلي!

- اني سمعت كلامها وتخبلت معقووولة امي الهالدرجه كارهته حتى هيج تطلع اشاعه؟!!
زين وتررفه مافكرت بيها؟شهر هي ماتت عليه وكدام عيونها وهي ساكته ومستمره بتمثيلتها؟
انقهرت على ترفة كللش بوقتها، وحتى حقدت على امي ليش هيج ماتريد ترفه ترتاح مادام واحد يحبها ومستعد يتقبل ماضيها ويعرفه كلش زين.

هي جانت تحجي بصوت قريب للهمس بس اني اقرب وحده الها، كللش قريبه عليها سمعت شحجت، وهم جانت عصبيه ف نست روحها وهي تحجي ..
بس اني متأكدة غاده تعرف، هي ابد ماتضم عن غاده شي، واصلا غادة هم مثلها تكره ابو نمر، نوبات احسها مو بس تكرهه ،لا احسها تغار من ترفه شلون هيج شخص يحبها ومتقبلها .. ماادري بس هيج احسها.

غسل ابو نمر ورجع، جاي يمشي يكمل طريقه لغرفة ترفه بس اني گتلة ..

- تعال ابو نمر تريگ، مدام الريوك مصبوب والجاي حار .. حجيت هيج وصديت على امي واشوفها لْـۆ بيدها تگوم تحط راسي بطاوة البيض، يبوو الظاهر مجان لازم اصيحله

يلا بعد صحته شسويلها .. هو گال ..

-لا بالعافية هسه تگعد ترفه وتسويلي .