"كلانا تاب بالآخر"
بقلم: ورده الخُزام
ذكراكِ تسبیح و نهديك معبدُ
وانا التقي الراهب المتعبد
أنت الفريدة في الجمال
وإنني متصوف عف الجمان موحدُ
شلال شعرك والعيون الة شعري
وخمري نهدكِ المتمردُ
اهواكِ اهوى الحسن لحظاً قاتلاً
ف الموت في عشق العيون توحدُ 💛
''''''''''''''''''''''
[ لتنسون التصويت داداتي ❤️🙊+التعلييييييييق +متابعه لحسابي ]
الحلقة (41)
مديحة من لحظتها لمت ملابسها ووداها ابنها وهي حتى ماترفع عينها بوجه احد .. اما هذال ف رما يمين الطلاك عليها وطلع من البيت بكبره!
ضليت مصدومه بساعتها، يعني ولا فد يوم تصورت توصل للطلاك يعني هي مرة جبيره مچننه وبناتها بطولها شلون طلگها؟!
صحيح جانوا دوم مشاكل بس يعني مو مال تطلگ ابد.
هذال ماحجه شنو الصاير، ولا اني الي تجرأت اسأله واني اشوفه اعصاب ليل نهار وبس يريدله واحد يطلع حرگته بي ..
وره شهر من طلاك مديحة بدت سوالف القيل والقال هذا الي يگول بسبب مرته الزغيره طلگها هي مشيشته عليها ..
وهذا الي يگول متعاركات والهالسبب تلطلگت... اشكال اشكال الحجي طلع، والنسوان من تجي مسيره تضل تتسئل جا وين ام نمر؟
اول ايام جانن يگللها يم امها مريضه وراحت تداريها .. بس من طولت كامت النسوان ماتصدگ بالحجي وصار كلمن بكيفه يستنتج ويذيع ...
هنه البنات كلهن تزوجن ضلت بس ختام، بـ؏ـد ماراحت امها احسها صارت مكسوره ومالها علاقه بأحد عكس كبل جانت صاحبة مشاكل بعد ماادري جانت بتشييش من امها لو هي لان شافت روحها وحيده خافت وكعدت وسكتت..
اني وناديه من زمان ما بينا مشاكل متصافيين، وختام هم هدت وره روحت امها ف البيت صار هادي ومابي اي مشاكل .. شغل البيت متقاسمي كلمن تعرف شغلتها بدون هوسه ولا صياح .. بمرور الايام احس ختام تتقرب من ارجوان لدرجه صارت حتى الطفله تعودت عليها وبس تعوفها تضل تبجي .. كلش حبيت هالشي اني شريد قابل اريدهم يحبوها همه اخوتها ومالهه غيرهم .. هذال صارت روحه من الدنيا ارجوان يمووت عليها.
وره 3 اشهر من طلاگ مديحه اجانه خبر وفاة صباح ابن اختها!
ها كثرر انقهرت عليه جان دوم يجي يمنا يضل يحشش ويضحكنا هو دمه محبوب بسرعه ينحب وياخذ ع الواحد ... موته جان مفاجئ للكل!
سبب وفاته مسوي حادث هو وصاحبه وثنينهم ميتين بالمكان!
ع گد ماانقهرت وحزنت عليه، انقهرت اضعاف على امه فد فقييره ومن اهل الله من تشوفها مستحيل تصدك هاي اخت مديحة!!
فرق السما عن الگاع خطيه الها السان ياكل مايحجي، وهي هم ارمله وعايشة حياتها بالضيم انوب اجتها هاي زياده.
أنت تقرأ
كلانا تابَ بالآخر
Romanceرواية من الزمن الجميل ❤️ تتحدث عن رجل تحدى الاعراف والعادات ليحصل على محبوبته ،رغم اختلاف البيئات والعار الذي يلاحقها... لَـگِنْ ياترى هل سينتصر بالحصول عليها؟ ام ان تلك العوائق ستقف في طريقهما؟!! . . ستصادفنا عدة شخصيات بين طيات هذه الرواية من هم و...
