كلانا تابَ بالآخر

Part 16

"كلانا تاب بالآخر"

بقلم: وردة الخُزام

اول متبدون لتنسون التصويت 🙊+ التعليق بين الفقرات +متابعه لحسابي 🤍.

بعد لقائنا حين عدتُ الى البيت لم يحصل
معيِ شيء اثناء الطريق لكني كُنت اشعُر ،
بما تشعُر به الفراشة حيـن تعود من حديقة
بعيدة لا شيء في ملابسي غير عطره ♥️.

"""""""""""""""""""""""""""""""""""""""""""""

البارت  ( 16)

نعيمة: 

سويت مثل ماگالي ابو شهم ونضفنه وحدة من الحجر (الغرف)  وفرغنا شكو شي بيها وسديناهه وخليناهه بالحصاد نضم بيها الشلب عن الحكومه .. بنيي حبيبي كبر شويه وصار عمره اربع اشهر الا شويه، وبده الحصاد وضلينا نحصده بالليل ونضمه بهاي الغرفه وانوب نشتغله بالحجره  ونعبي بگواني الطحين وانصفطه بالحجره. وعود بعدين گال ابو شهم ياخذونه ويجرشونه وقسم منه يبيعونه بس هساعه مايگدرون عبن الحكومه مسويه سيطرات يعرفونه وكت حصاد وخاف الوادم تعبر زرعها ف همه يلزمونه ..

احنه هساعه بنهايه شهر 12 يعني اواخر الحصاد مو هواي هيّج وادم قليل بعدهي ماحاصده يو منهم ضاله توالي عدهم، احنه هم ضل شويه من زرعنا بيهن يومين حصاد واليوم بالليل ان شاء الله هم نكمل ومثل كل يوميه نحصده وبساع بساع نشيله للحجره كبل لا يحسون علينا وتعال خلص روحك منهم.

_ خالة جويه تعاي لزمي اخوج وضلي يمه لمن اروح اسوي عشاي من وكت على شوف العين.

رحت سويت عشاي وكملته من عصر استوة وتعشينه ويمنه جان ابو نمر هم تعشه ويانه.  انه طول فتره الحصاد كمت م‌ـــِْن وكت اكمل عشاي وشغلاتي كلها حتى بالليل نتفرغ للحصاد ومااتعطل عليهم ..

احنه الي نحصد، انه والشيخ وابو نمر ونمر وفهد ومديحه وبناتهه يضلن بس ختام وجوويه وي شهومي.

والله وي ما ضلمت الدنيا صلينا وتوجهنا للگاع ومثل كل يوم گمنا مجموعه يحصدون ومجموعه يلمون الزرع ويسوونا نگلات متوسطه بالحجم ونشيل ونودي للحجره وعلى هذا المنوال لمن انتهينا من التعب كللش، ضل بيهن شويه عاد كلنه لباجر..

الشيخ: انه حااس واحد جان يعاين علينه وشاف كلشي

ابو نمر: شمدريك، شنو شفته؟

_ لا ماشفته بس حسيت واحد مراقبنه

- ماادري انه هم اول ما طلعنا هيست حركه بس من درت وجهي شفت بزون

- يمكن صدك، بس هو ضل بس باجر ديروا بالكم وصيروا فطنين خلي نخلصها على خير.

- اااااه بوويه متتت من التعب وعلي

- اي واروح امي العلويه انتهيت انه

- يلا بوويه يلا گومنه لبيتنا تعبت كلش انه اريد اذب روحي وارتاح