"كلانا تاب بالآخر"
بقلم : وردة الخُزام
البارت (6)
انوي اكلك بس يسكتني الرجيف
انه احبك
الصبح
گعدت شفته بفراشه لسه نايم بقيت اباوع بوجهه يطلع عمره متوسط يعني يجوز نهاية الثلاثين او بالاربعين مااعرف بس هيج مبين عليه ..
وفد كشااخ ع ٱڅڑ حبه!! ،والعطر يفوح منه وايده اباوعلها فد صااافية ولا عبالك من الريف، الصراحه هو مگال من الريف ولا حاجيلي اي شي عن حياته بس من طريقه كلامه خمنت هو من الريف.
اخذتلي صفنه طوويله عليه بعدين كمت من فراشي وطلعت من الغرفه، رحت للمطبخ شفت امي گاعده ...
_ صباح الخير
صبوحه: صباح النور
رحت للقوري اصبلي جاي حجت هي ..
صبوحه: جا اليوم شنو ابو نمر بايت هنا؟
ترفه: اي
صبوحه: شعجب؟!
ترفه: ماادري بس گال يجوز يبقى يومين
صبوحه :هاا، اي على راحته
وطلعت من المطبخ ..بس هاي شنوو شو اسلوبها حلو اليوم؟ !!
صبيتلي جاي ردت اسوي ريوگ بس شو مااشتهي ف شربت بس الجاي ورجعت للغرفه، لگيته توه گاعد ...
_صباح الخير
ابو نمر: صباح العاافية بوويه
ترفه: شنو تريد اسويلك ريوك؟
ابو نمر: لا بوويه مااريدن، ؏ــنـدي شغل انا طالع ..
ترفه: مو گلت راح تبقى يومين هنا؟
ابو نمر: اي، بس هساعه ؏ــنـدي شغل بالليل اردن انشالله
ترفه :ها، بكيفك
لبس هدومه وشماغه وكمل وگال ..
ابو نمر: يلا بويه فيمالا
ترفه: الله وياك ... وطلع ..
طلعت من الغرفه تلگتني امها..
صبوحه: ها ابو نمر اليوم منورنا،شلونك
ابو نمر: هلا هلا صبيحه
صبوحه: اسمي صبووووحه مو صبيحه
ابو نمر: كله واحد ماكو فرق، يلا عمي صبوحه الشرشوحه
صبوحه: عوجت حلگها ماعاجبها، المهم هسه ماگتلي شو تأخرت هواي هالمره، وتره اني بقيت عد وعدي وانت هم لازم تدفع المووني بدل التزامي بكلامي
ابو نمر: مالج شغل فلوسج يجنج وزايدات ما ناگصات بس فكي شرج عنهاا، لا وهوو ابو راس الحاار تعرفين شتصرف وياااج
تره انه من ادفعلج افلوس موش لبالج خايف منج اگدر اسحك على راسج وفنج تحجين بس انه اسوي هيج عبن اريد اخلص من السانج هالزفرررر، حتى بنتج ماخلصت منج
أنت تقرأ
كلانا تابَ بالآخر
Romanceرواية من الزمن الجميل ❤️ تتحدث عن رجل تحدى الاعراف والعادات ليحصل على محبوبته ،رغم اختلاف البيئات والعار الذي يلاحقها... لَـگِنْ ياترى هل سينتصر بالحصول عليها؟ ام ان تلك العوائق ستقف في طريقهما؟!! . . ستصادفنا عدة شخصيات بين طيات هذه الرواية من هم و...
