كلانا تابَ بالآخر

Part 20

"كلانا تاب بالآخر"

بقلم: وردة الخُزام

اول متبدون لتنسون التصويت🤝🙊 + التعليق بين الفقرات +متابعه لحسابي 🤍.

عرفتك ماتضل جَي يمك ارتاحيت
عَيونك دنيا من تضحكلي جَذابة

علي مهدي

""""""""""""""""""""""""""""""""'"'"""""""""""""""

البارت  (20)

نعيمه:

مشت الحياة ومشة ؏ـمري وياهه سواء رضيت او لا هذا حال الدنيا .. وعايلة هذال استقروا ابيتنه ونقلوا كلشي يخصهم حتى حلالهم وكلشي يخصهم وعشنه سوه عادي انه مو دوم اطلع من حجرتي واكعد وياهم يعني مامتعودة هيج اگعد بنص زلم وزلمتي موش وياهم، ف اخلص شغلي او حاجاتي واطب حجرتي .

مشه تقريبا شهر ونص طبيعي وماكو شي، بس شو هاي مديحه معاملتهه اختلفت وياي صارت كله نتر حجيها وين مااشوفها تخازر بيه، غلست عن الموضوع ومادرت اله بال شعليه بيها ..

هاي بيوم اجه هذال يمنه لحجرتي يلاعب شهومي ويسولف وياه، بهذا الحجي شهم عمره عبر ال 7 اشهر وكام يگلب ويزحف شوي بس مو كلش ..

اي ف گاعدين اني وجويه على صفحه وهو يلاعب بشهومي وطبت علينه مديحه الوجه مصفور والشفايف ترجف، انه من شفتهه گلبي رجف كلت صاير شي .. وگفت بالباب وصرختتت ...

- هاي انت هناااا وانه گلبت البيت عليك؟!!

- انه ضليت صافنه ومصدومه هاي صدك تحجي؟!! شكلها يخوف جايه وكله علمود مدورته ومالاگيته؟ !! .. هو رد عليها ..

- وين رايح مثلاااا غير ابيتي؟ وبعدين تدورين عليه شمضيعه عندي؟

- وانت شعدك هناا، البيت شكبره مالاگلك غير تگعد هنا، والا كاتلك شهم كللش عود صيحه يجيك، تحجي وتعوج حلگها ماعاجبها ..

- انت شماالج ولج تسودنتي؟  مالاگلي اگعد غير هنا شنهوو

- والله انه ماادري انت انشد روحك

- انه اگول امشي وليي منا لا اهينج جدام فروخج وبناتج، تره مره شكبرج ماواجبتلج اهينج

- تهيني انه يبوو نمرررر، تهيني على حساب هاي؟!!

- هناا عاد انه ماكدرت اسكت بعد، احس روحي مثل الي بفلم وجابوا يمثل وخلوا بالمشهد وهو مايدري حتى على شنو تدور احداث الفلم .. شبيها هاي وياي؟ وشنهو هالحجي الماصخ الي تحجي؟  رديت عليها ..

- مديحه شمالج؟ تهيني على حساب هاي شنوو، انه ياهو مالتي انتي ورجلج ليش تخليني بالنص؟

- ابو نمر گالي .. تركيها يبوج تركيها هاي تسودنت موش بعگلها

- لا ابو نمر انه احترمك ومقامك جبير عندي، بس اسمحلي مااكدر اسكت على كلامها .. انه كلت هيج لْـۆ هاي گبت بوجهي ..