Chapter 7:မြေ့ယွန်းမြတ်နှင့်ဘီဝိုင်၏ အချိန်တစ်ခုကြာသတ်ပွဲ
ဘီရိုထဲကထွက်လာကာ ကော့ရှိုင်းကိုကြည့်ရင်းပြုံးနေသော ခွန်းသကြောင့် သူစိတ်သိပ်မကြည်ချင် ။
"ပြုံးမနေနဲ့ ဘယ်သူလဲမြင်လိုက်လား"
သူပြောလိုက်မှခွန်းသ၏ပြုံးနေသော မျက်နှာမှာချက်ချင်းတည်သွားရင်း ကော့ရှိုင်းထိုင်နေသော ကုတင်ဘက်သို့လျှောက်လာကာ နာမည်တစ်ခုကိုပြောလိုက်သည်။
"…ဒေါက်တာဘုန်းခတ်ရှိန်…"
ခွန်းသစကားကိုကြားသော်လဲ ကော့ရှိုင်း၏အမူအရာမှာ သိသိသာသာမပြောင်းလဲသွား နဂိုအတိုင်းပင် ဈာန်ဒီပါမှာတော့ ဘီရိုထဲမှထွက်လာကတည်းကပင် အခုထိပြုံးနေသည်မှာ မရပ်နိုင် …။
"မင်းမအံ့သြဘူးလား"
ကော့ရှိုင်းကကုတင်ပေါ်မှဆင်းကာ အဝတ်ဖြူကို သေချာခေါက်ရင်းဆိုလိုက်သည်။
"ငါထင်သားပဲ ဆေးရုံမှာစီးကရက်သောက်တာသူပဲရှိတာ"
"ငါတော့အလောင်းယူသွားတာသူလို့ပဲ ထင်တယ်ဟုတ်တယ်မလား"
ခွန်းသကဆိုရင်း ဈာန်ဒီပါဘက်ကို မေးငေါ့ပြတော့ ဈာန်ဒီပါကပြုံးပြုံးဖြင့်သာ ခေါင်းညှိတ်ပြရင်း …
"အင်း ကောင်လေးပြောတာဟုတ်တယ် သူကအလောင်းခိုးတဲ့သူမဟုတ်ရင် ဒီကအလောင်းအရေအတွက်ကိုသူ သိမှာမဟုတ်ဘူး ပြီးတော့သူကဝင်လာကတည်းက အလောင်းက၂၁လောင်းပြန်
ဖြစ်နေတာသိနေတယ် အဲ့ဒါကြောင့်ပဲ ဟန်ကော့ရှိုင်းလှဲနေတဲ့ဆီကို ရောက်လာပြီး တမင်တကာလုပ်သွားတယ်"
ဒီထဲဝင်လာကတည်းက ဈာန်ဒီပါဆီမှပထမဆုံးအကြိမ်အကြံပေးချက်ကြားရသည်မို့ ကော့ရှိုင်းစိတ်ထဲမှသူ့ကို အနည်းငယ် ချီးကျူးလိုက်သည် ။ခွန်းသကဆက်ကာ…
"သူကဘာလုပ်ဖို့ယူတာလဲ ချက်စားတာတော့မဟုတ်လောက်ဘူးမလား အပိုင်းပိုင်းခုတ်ထားတာဆိုတော့"
"ဖြစ်နိုင်တာကတော့ …"
ကော့ရှိုင်းစကားမဆုံးသေးအထဲသို့ ပြေးဝင်လာသော ဒါဒါဦးကို သူတို့အားလုံးလှည့်ကြည့်မိသည်။
"ဘာ…ဘာဖြစ်တာလဲ "
ဒါဒါဦးကအနဲငယ်မောနေဟန် ကြည့်ရတာသူမပြေးလာပုံပင်
"ဘီဝိုင်ဖုန်းဆက်တယ် မြေ့ယွန်းမြတ်ကထူးထူးဆန်းဆန်းဌာနအပြင်ဘက်ထွက်သွားလို့ သူလိုက်သွားနှင့်မယ်လို့ပြောတယ် လိုက်လာခဲ့ပါတဲ့"
YOU ARE READING
HORROR SYSTEM IN ROMANCE MODE
HorrorOWN CREATION/ OWN CHARACTERS BOY × BOY romance / horror / funny and others
