سوف تندم (مكتملة)

💞 الجزء 3💞

آلَهّمً صّلَ وٌسِلَمً وٌبًآرکْ عٌلَﮯ سِيَدٍنِآ مًحًمًدٍ وٌعٌلَﮯ آلَهّ وٌصّحًبًهّ آجّمًآعٌيَنِ

____________________________________

جاو عندي رجال هذاك سكولات وقفوني ودواوني عند هذاك لي راح يبيعوني ليه

كان راجل كبير شايب لوكان عطى ربي لوكان راهو يصلي ويعبد في ربي مش جاي يبيعني 😒
شاف فيا وبدا يكيل فيا ويضحك ومنعرف واش قال
لهذاك سكولات وضحكوا لزوج

لحق توسوستلهم يشوفوا فيا ويضحكوا
قلقوني وزيد راجل تاع سكولات حاكميني ويزيروا عليا

ياخي نورمالمو راح يبيعوني لازم يسايسوني
باش يحافظو على البضاعة صح ولا ني غالطة
وهذاك شايب مزالو يشوف فيا ويبتاسم ونضرتو معجبتنيش ااااه زاد فيها سي محمد
اصلا ياخي راح نموت راح نموت على
الاقل منبقاش ساكتة مالا قتلو
نتا مدرقش عليا سنيك منقبيل ونا
نشوف فيهم خير برك ولوكان غير جاو باهيين
وبيضين وحدة راكبة على ختها

سكولات هذاك بقا حال فمو ويخزر فيا
ونا كنت حاسة بالفخر قلت والله مانسكت راح
نتنمر عليهم حتى يقتلوني
نموت ونا دايرة حاجة نحبها وهي التنمر

وبقيت نخزر عند هذاك سكولات
انا نخزر وهو يخزر يايهبط عينو هو لول
يانقعد نخزر فيه هك

سمعت ضحكة هذاك شايب درت نشوف
فيه مزالو يضحك!
شايب: اووو شوفو شكون لي هدر
انا: علاش تحسب فيا عقونة ولا وش
شايب: ممم لسانك طويل
انا خرجتلو لساني وقتلو هيه راني خرجتهولك
باش تزيد تشوفو مليح

شايب دارو روحو مسمعنيش ودار عند هذاك سكولات وبتاسم
شايب: انا وسمي خالد
انا: مقتلكش قولي
خالد: انا بغيت نقول وبغيت نقولك ثاني
عندك لطاي شابة حوتة وانا
منقدرش نخليك هكا
انا: وش قصدك مفهمتش
خالد: فهمتي مليح واش بغيت
وغمزلي وبقا يشوف فجسمي شغل راح ياكلني
عراني

لا لا مستحيل مستحيل لي جا في بالي
هو لي بغاه

جاو رجال تاعو وداوني وهو كان مع سكولات
يتفاهمو على دراهم وكذا
قررت نهرب ومستحيل نخلي هذاك طحان
يقيسني ولا يقربلي نقتل روحي
شفت عند هذاك لي كان واقف فوق
راسي

وصحابو كانو يقسرو معا بعضاهم
انا: واش هو اسمك؟
هو: واش تحوسي عند اسمي
انا: سقسيتك بغيت نقصر معاك برك
هو: حسام
انا: حسام ارواح افتحلي ربطة وجعتني
حسام: .................
انا: افتحلي محنديرلك والو تخاف من طفلة!