سوف تندم (مكتملة)

💞 الجزء 4 💞

آلَلَهّمً صّلَِّ وٌسِلَمً عٌلَﮯ سِيَدٍنِآ مًحًمًدٍ وٌعٌلَﮯ آلَهّ وٌصّحًبًهّ آجّمًعٌيَنِ

______________________________________

خالد

وصلت الاجتماع وكي دخلت لقيتو مزال موصلش
اوووه الحمدلله مزية سلمت على لي كانو لثم
وقعدت جات فبالي هذيك طفلة منعرفش اسمها
حتى كنت راح نديها وندير واش نحب فيها
وتونسني ثاني بقيت نخمم فيها حتى دخل
وقعد وبدينا الاجتماع

جا خارج رحت عندو باش كشما نتقرب منو
علابالي مراكمش فاهمين
انا زعيم تاع مافيا بصح لمافيا تاعي مش
مشهورة بزاف وهذاك لي بغيت نتقرب منو
هو اكبر زعيم مافيا  مسيطر على تاع روسيا
وايطاليا ولمافيا كامل يجي هنا مرات بش
يشوف خدمتو تمشي نورمال ومكان حتى مشاكل
رحت تبعتو لطاكسي تاعو باش نستغل يحطني
تحت الحماية تاعو

فتحت عيني لقيتني فطاكسي ويديا مربوطين
لاحول ولاقوة الابالله يعني زدت تخطفت

اصلا انا كنت مشوكية من زهري وعلابالي
بلي زهري مقود بصح مش لدرجة هاذي تاع
نتخطف مرتين فنفس شهر وين صرات هاذي

نجرب نسيي نهرب كيما لمرة ليفاتت بلاك
تصلح وهاذ لخطرة منحبس حتى واحد نهرب وحدي

جربت نفتح لباب قادر يكون مسكر اوو تفتح نورمال
هبطت ونا ميتة بالسعادة حتى نطلع راسي وتخيلو
شكون شفت 🙂 هذاك زل ايه بصح شكون ثاني
هذاك شاايب لي هربت منو ياربي واش راه يدير هنا

كنت نحكي معاه حتى تفتحت طاكسي تاعو
وخرجت هذيك طفلة واش راهي دير عندو!
راح عاود دخلها وسكر طاكسي

خالد: ااا نعرفها هاذيي
ماثيو: وين تعرفها؟
خالد: شريتها من عند ايمن وهربتلي حوست عليها ملقيتهاش انت وين لقيتها
ماثيو:.......
خالد: رجعهالي
ماثيو: هاذي ضرك تاعي خمم برك تقيسها ولا
تخمم فيها برك نمحيك مدنيا
راح ركب طاكسي ومشى وخلاني

دخل وخبط لباب عليا دار عندي خزر فيا ومشى
ماسيليا: علاه خطفتني حتى انت واش بغيت ثاني
ماثيو: علاش شحال من خطرة تخطفتني
ماسيليا: مكان مدخلك وضرك علاش خطفتني؟
ماثيو: مكان مادخلك (بصوتها)
ماسيليا: حبس ضرك نهبط خيلنيي(بالعياط)
ماثيو: كي نحب نخليك راني نخليك وضرك بلعي فمك
بديت نعيط ونخبطلو لكوسالة ملور (هيه كنت
قاعدة وراه 🙄) ونبكي وحالتي حالة حبس طاكسي
جا وسكرلي فمي وقالي
تزيدي تخبطي لكوسالة نكسرلك رجلك
قالهالي بواحد صوت قريب نخرا تحتي وخزرتو
خوفتني بزاف حبست الله غالب خفت على رجليا
يعود يكسرهم صح من هدرتو يبان سيريو