سوف تندم (مكتملة)

💞 الجزء 5 💞

آلَلَهّمً صّلَِّ وٌسِلَمً عٌلَﮯ سِيَدٍنِآ مًحًمًدٍ وٌعٌلَﮯ آلَهّ وٌصّحًبًهّ أجّمًعٌيَنِ

______________________________________

دخلنا لطيارة هذيك وهو مزالو حاكم ومزير على يدي
وكانو لداخل رجال لابسين لكحل وزابطين وجهم ويتبعو فيه كانو بزاف توسوست زعما يكون زعيم مافيا 😍

بقينا ساكتين وهو يشوف غير فيا ويخزر، مقدرتش نقعد ساكتة لازم نهدر
ماسيليا: وين رانا رايحين؟
ماثيو:.......
ماسيليا: يخي راني نهدر معاك مش حناكلك اصلا انا مناكلش زبل😒 (بشوي)
ماثيو: واش قلتي اخر حاجة مسمعتش؟
ماسيليا: وين رايحين؟ نتا جبتني معاك ذراع على الاقل قولي وين رايحين
ماثيو: روسيا
ماسيليا: 😮 مكانش منها! صحا نسقسيك سؤال
ماثيو: متسقسيش وبلعي فمك صرعتيني
مسيليا: نسقسي. هيه نتا من المافيا؟
شاف فيا وطلع حاجبو 🤨
ماثيو: علاش شكون قالك انا من مافيا
ماسيليا: واحد مقالي وقول هيه ولا اها
علابالي راكم تقولو دصرتو وهو خطفني ونا نحكي معاه نورمال بصح وش حندير مثلا نطيش روحي من طيارة ولا نقعد نبكي مراح نستفاد والو مالا نحاول نتعرف علييه شوي ونعرف شكون هو وعلاش خاف منو لبوليسي هذاك باه نعرف نتصرف يعود يخرجلي قاتل متسلسل 😂
ماثيو: هيه انا زعيم مافيا وتزيدي كلمة نكسرلك فمك
كنت حاسة حلمي تحقق لمرة هاذي صح زعيم مافيا وزل وعندو دراهم كيما الرويات والافلام بعد 😍ااه اواه لازم نصيدو لازم هكا كنت نحلم هاذ هو فارس احلامي لي متاثرين بروايات يفهموني
مهم وصلنا وهبط ولقينا ليموزين تستنا فينا ركبنا وانا سعيدة طبعا 😀 وصلنا لبلاصة مهجورة وبعيدة على ناس حبس عند باب كبير وقدامو حراس بزااف تفتح ودخلنا مشينا شوي باش بان لقصر يهبل 😍
كبيير وشفت شغل فيلا صغيرة بعيدة عليه شوي حبست طاكسي قدام لباب

هبطني معاه وهو يكركر فيا ودخلنا للقصر هذاك داني ديراكت لفوق مخلانيش حتى نشوف لقصر هاذا مليح دخلني لشومبرة ثاني فارغة مافيها والو
ماثيو: اقعدي هنا حتى نجي ونتفاهم معاك على حكاية لبوليسي
خبط عليا لباب وسكرو بلمفتاح
تسما منساش حكاية لبوليسي😱 وانا نقول علاه يشنف عليا مصباح ... اصلا مكان مدخلو ومعندو ميدير

قاعد وحاط رجل على رجل ويخمم واش حيدير فيها هيا مسمعتش هدرتو ولازم يعاقبها يعني هاذي لبداية تاع انتقامو وسيطرتو يبداها بشوي ويخليها تتعذب بشوي خلاص.. يحس بالمتعة هكا وياخذ شوي من الثأر تاعو
قطع افكارو صوت دقديق على الباب
ماثيو: ادخل
زياد: وكتاه جيت ماثيو؟ علابالك رحت وخليتني وحدي جاتك نورمال
ماثيو: جبتها
زياد: هيا هيا مش غيرها؟
ماثيو: هيا هيا ماسيليا راهي هنا (مع ابتسامة شريرة)
زياد يكون صاحب ماثيو ملي كانو صغار وحاطو كي خوه وهو يدو اليمنى لي يعول عليه في كلشي
ويحبو بعضاهم بزاف(مش الوان اخاه حب اخوة برك 😂😂)