سوف تندم (مكتملة)

💞 الجزء 8 💞

لَلَهّمً صّلَِّ وٌسِلَمً عٌلَﮯ سِيَدٍنِآ مًحًمًدٍ وٌعٌلَﮯ آلَهّ وٌصّحًبًهّ أجّمًعٌيَنِ

______________________________________

جا الصباح قصدي الظهر رقدت حتى الظهر لبارح مقدرتش نرقد حتى الفجر وانا نخمم في واش صرا وهدرتو مزالها دور في راسي وزيد انا فارغة شغل حاليا يعني نرقد كيما نبغي واحد ميحاسبني هبطت لتحت ورحت للكوزينة نعرف غير بلاصة الكوزينة والصالة وشمبرتي برك منبعد نقرعج مليح ونشوف هاذ القصر كامل والفيلا لي قتلكم عليها كي جيت اول مرة
حطيت الماكلة ورحت الصالة وقفت عند الباب وسمعت ماثيو يحكي وعبد ثاني
زياد: راح نتزوج
ماثيو: مش زربت شوي
زياد: وانت كي تزوجت في يوم وش نقولو عليها
ماثيو: انت تعرف علاه تزوجت
زياد: انا ثاني عندي سبب ولازم تفرح لصاحبك
ماثيو: من بكري نفرحلك صاحبي
زياد: بقاو يومين على عرسي جيت نقولك
وخرج شاف فيا من لفوق لتحت وراح بصح واش قصد ماثيو يعني كاين سبب بش تزوجني اا تفكرت علاه باسكو حب يتزوجني وكي يحب يطيشني يشطيشني منيش مرتاحة لهاذ لحكاية خلاص، معليش مع الوقت نعرف نصبر شوي برك ويبان كلشي في وقتو
دخلت عندو
ماسيليا: نجي
ماثيو: وين تجي؟
ماسيليا: نجي للعرس تاع هاذا صاحبك
ماثيو: علاه تجي؟
ماسيليا: نبدل الجو ملي تزوجتك وانا هنا وثاني نافحتلي نجي وراح نجي وشفت فيه مطلعة حاجب تاع ميعارضنيش وهو مرجعليش يستما قبل مزية علابالي اعراسهم سامطين وكلاس بزاف بصح ميهمنيش مهم نخرج شوي تخنقت
رجع فليل وانا كنت نستنى فيه يجي نقولو نروحو نشرو حوايج كي شفت في خزانتي ملقيتش حوايج اعراس ولا مناسبات
ماسيليا: ماثيو باغية نشري حوايج تاع اعراس
شاف فيا مهدرش وراح طلع لفوق وانا وراه وشبيه هذا مرجعلي ني هيه ولا لا دخل شمبرتو جاية فلخر قريبة شوي لتاعي اوو عرفت وينهي كي نحب حاجة علابالي وين جاية خاطر قررت نكرهلو عيشتو ونتبهلل عليه شوي يشوف هذا الجزء من شخصيتي
لي خبيتو عليه... جا حيسكر لباب
ماسيليا: هنطق قول حاجة
ماثيو شاف فيا وسكر لباب مرجعليش ثاني والله نقعد هنا حتى يهدر
ماسيليا: ماثيو ماثيو ماثيو وندقدق على الباب
راح نقعد هكذا حتى يفتح وفتح وهو يسب فيا
ماسيليا: قتلك نشري حوايج وانت تجي معايا
ماثيو: علاه نجي؟
ماسيليا: باش تخلص انا نشري وانت تخلص
ماثيو: تزيدي تحطي يدك على الباب نكسرها
ماسيليا: صحا تجي معايا غدوا
خبط لباب في وجهي للمرة ثانية يعني هيه راح نعتابرو قال هيه
غدوا نضت صباح وعدلت روحي مليح هبطت لتحت وستنيتو يهبط وهبط احي كان زل يهبل لابس سروال بيض وتريكو رمادي فوقو فيستا كلاسيك كحلة وصباط كحل ومداير كاسكيطة بقيت نتامل جمالو
ماثيو: علاه لابسة؟
ماسيليا: كنت نستنى فيك نروح نشرو كيما تفاهمنا لبارح
ورحت مشيت قدامو وهو مقال والو رحنا للمول وشريت حوايج يهبلو وهو يخلص مع الاول ترددت كي شفتهم يبانو غاليين فيهم اصفار بزاف بصح خلص عادي، مصرات حتى حاجة مهمة غير انا نخير وهو ثاني خير معايا شوي وخاصة كي نحتار بين زوج هو كان يعاوني اوموا فيه فايدة عاوني 😂😂
كي جينا خارجين شفت صيدلية قدام المول رحت لثما وهو كان لداخل هدرت مع لي تبيع بالإنجليزية وقتلها تعطيني دوا تاع الحكة القاوي عندها وثاني تاع القولون منبعد تعرفو علاه شريتو وخرجت رحت عند طاكسي لقيتو مقلق حكمني وزير عليا
ماثيو: وين كنتي
ماسيليا: كنت هنا رحت شريت دوا تاع سطر
وجبت تاع القولون وعطيتهولو باش يصدقني وميشك في حتى حاجة
ماثيو: وعلاه مقتيليش
ماسيليا: شفتك لداخل مبغيتش نقلقك يخي راهي هنا برك
مهدر والو ورجعت لدار