سوف تندم (مكتملة)

💞 الجزء 10 💞

اللهم صلِّ وسلم وبارك على سيدنا محمد وعلى آله وصحبه أجمعين

______________________________________

فطنت الصباح جسمي كلو يوجع فاتت عليا ليلة البارح وش كنت نتوقع من وحش كيما هكاك
رفدت روحي بسيف وجع قتلني مشيت بشوي وروحت لدوش كان لاصق فشومبرة بعد
فتحت الما على جسمي ودموعي يهبطو اثار تاعو مزالهم على جسمي وإهانتو ليا مزالها دور في راسي مكنتش متوقعة اول ليلة من عرسي راح يصير فيها هاذ شي نغتاصب وعلى يد شكون راجلي ولا لي يسموه راجلي انا مش مستعرفة بيه على اساس انو راجلي

رجعت لشومبرة ولقيتو قاعد لثم
زياد: صباح الخير مرتي
مرجعتلوش ودموعي عاودو هبطو ناض وجا حكمني من رقبتي وبدا يزير
زياد: كي نحكي معاك تجاوبي
نيفيا: صباح الخير
زياد: صاحيتي

بدا يلصق جسمو في جسمي ويشوف في عينيا المعمرين بدموع..... رماني على سرير وجا فوقي
نيفيا: زياد لا لا تعيش جسمي كلو يوجع
زياد: ششش منحبش نسمع صوتك

عمل عملتو وانا غير نبكي ونحاول فيه يحبس بصح لا حياة لمن تنادي
كمل وناض وراح دوش بعدها رجع
زياد: نوضي وجديلي الفطور
مرجعتلوش مش قادرة نفتح فمي حتى جا وشدني من شعري وهبطني لتحت
زياد: قتلك وجديلي الفطور.. لكان نجي ونلقاهش مكانش متلومي غير رووحك

نضت وجدتو وانا ساكتة منقدرش نرد عليه نخافو
وجدتو وحطيتو جا قعد وانا جيت راح نقعد حتى
زياد: ابقاي واقفة كي نبغى حاجة جيبيها
منطقتش وبقيت واقفة وانا نبكي، كمل وراح

بعد ساعة رجع ودخل عليا وحكمني من شعري وقعد يضرب فيا
نيفيا: واش درت حتى تضربني
زياد: كي نبغي نضربك نضربك مكان مدخلك نتي

وهكا كانت حالتي صباح يضربني ويسبني من غير سبب وفليل يغتاصبني وبعد ميكمل يعطيني دوا بش منحبلش ... كرهني في حياتي وفي روحي وفي كلشي

عندو يومين مضربنيش وانا كنت مشوكية منو
وثاني كنت نحمد في ربي
زياد: وجدي روحك وحوايجك
نيفيا: علاه بخوف
زياد: عندي شغل ومش حنخليك وحدك هنا راح نخليك عند مرت صاحبي ماسيليا
طرت من الفرحة واخيرا راح نرتاح منو ومن ضربو واغتصابو وراح نتونس مع ماسيليا

____________________

طلعت الفوق ومقلت والو راهو يتمسخر بيا مستحيل بابا راهو حي وهو لي قتل ماما منيش مصدقاتو حاجة متدخلش للعقل ههههه وقال راح ينتاقم مني عليها تزوجني

فاتو يامات وانا مزدتش حكيت ولا شفت فيه كنت نتجنبو على قد منقدر حتى مرة كنت قاعدة في امان ربي حتى جا لعندي ومعلومة برك يدي مزالها مكسرة ومزالها توجع طول باش تبرى كسري خشمي وزاد يدي
ماثيو: راح نغيب سمانة وراح تجي مرت زياد تقعد معاك
اووو الحمدلله راح نتهنى من خليقتو سمانة وزيد شكون راح يجي عندي
ماسيليا: وكتاه تجي بحماس
ماثيو: غدوا صباح