سوف تندم (مكتملة)

💞 الجزء 16 💞

آلَلَهّمً صّلَِّ وٌسِلَمً عٌلَﮯ سِيَدٍنِآ مًحًمًدٍ وٌعٌلَﮯ آلَهّ وٌصّحًبًهّ أجّمًعٌيَنِ

قبل منبداو صوتو في النجمة لي تحت ومتنساوش تعطوني رايكم في البارت 😍❤

______________________________________

طق طق طق
يدرا شكون جا فهاذ الوقت
يوليا: ماثيوو
خليها مفهمتش واش جاية دير عند مرا وراجل راقدين مع بعضاهم صباح ربي احم متفهموش بالغالط علابالي يروح تخمامكم بعيد
يوليا: ماثيو افتح نحتاجك بدلع

درت عند ماثيو لقيتو راقد ولا يلعب فيها راقد  نضت ورميت فراشي تحت سرير وطلقت شعري وعوجت تريكو تاعي شوي بش نعتلها هاذ لفعة لعوريانة

فتحت نص لباب وشفت فيها من الفوق لتحت
ماسيليا: واش جاية ديري عند مرا وراجل راقدين مع بعضاهم
يوليا: بعدي على وجهي نتي... ماثيو ارواح

دزتني وجات حتدخل وقفت في وجها
ماسيليا: وين داخلة اوسمك،
يوليا: ونتي واش دخلك بعدي قتلك
ماسيليا: ااا بغيتي ماثيو...  ماثيو راهو راقد تعبنا بزاف لبارح ولازم يرتاح ...  وضرك اقلبي خليقتك خير منفزدهالك

شافت عندي بصدمة، خبطت الباب في وجها ايي سعات تحيرني منين راهي تخمم
حتى حسيت عبد ورايا ونفس على وذني
ماثيو: مالا تعبنا بزاف البارح
ماسيليا: ههه.... مش قصدي هكاك...  شوف ضرك نفهمك انا حلمت بلي كنا نجرو نجرو نجرو بزاف وحنا نجرو وتعبنا من الجري علابالك جرينا بزااف
وانا قلتلها وهي فهمت غالط شفت تخمامها خامج
وانا كان قصدي من الجري قتلك جرينا

شفتو يضحك وغست في ضحكتو اه عندو غمازة وسنيه بيضين ومعدولين على حياتكم خاطر انا حياتي مش معدولة
ماثيو: وجدي روحك ماسيليا
ماسيليا: علاش نوجد روحي
ماثيو: هيا عندي مفاجأة ليك

خرج وخلاني في تخمامي يدرا وين حيديني علابالي كاش تعذيب ولا وليت منديرش فيه ثقة خلاص وزعما حتجي معانا هذيك
رحت دوشت ولبست سروال جين ضيق وتريكو كحل قصير وصباط بيض لميت شعري ذيل حصان وخرجت

لقيتو قاعد فطابلة ويوليا قاعدة قدامو وتشوف فيا دقول راح تاكلني
ماثيو: ماسيليا ارواحي تفطري
راني بديت نتوسوس طاحت عليه الحنانة فجأة هكذا منيش مرتاحة للموضوع

رحت وقعدت قدام ماثيو و مقابلة يوليا ونخزر فيها وهيا تلعب في روحها كيوت قدامو 
ماثيو: ماسيليا هيا
ماسيليا: راني نفطر تبالي
ماثيو: منبعد تفطري فطيارة
اوو راح نركب فطيارة بصح وين حنروح زعما....
اي ميهمنيش مهم راح نخرج من هاذ القصر بصح راني خايفة ليخرجلي بكاش خرجة