سوف تندم (مكتملة)

💞 الجزء 24 💞

اَلَهّمً صّلَِّ وٌسِلَمً عٌلَﮯ سِيَدٍنِآ مًحًمًدٍ وٌعٌلَﮯ آلَهّ وٌصّحًبًهّ آجّمًعٌيَنِ

______________________________________

خرجت من الشركة بكري منيش راح نروح فترة عندي شغل مع يوليا لازم نخلصو
بصح قبل رحت للقصر تاعي ولقيت ارون يستنى فيا
ارون: والله نيفيا عندها الحق ملي تزوجتي تبدلتي علينا
ماسيليا: غرتو انا تزوجت ونتوما بقيتو وحيدين
ارون: اسكتي متخربليش في الوتر الحساس
ماسيليا: ارون عندك مهمة
ارون: احكي راني نسمع

رجعت للقصر وراني متأكدة راح تنجح الخطة تاعي راني مقررة نخرج ماثيو من المافيا علابالي يموت عليها وراهو يحوس على الزعامة والسلطة بصح واش حتكون ردت فعلو كي يعرف بلي راح يتحاوز

دخلت وملقيتش يوليا سقسيت عليها قالولي خرجت للشوبينغ 
طلعت لشومبرتي ولبست بيجامة وهبطت لتحت فصالة نستنى في يوليا

جات يوليا اخيرا بعد مستنيتها ساعتين
ماسيليا: اهلا يوليا
شافت عندي من الفوق لتحت بتقزز وراحت
ماسيليا: يوليا....  يوليا
دارت روحها مسمعتنيش وانا اكثر حاجة تستفزني انو يسمطني واحد
رحت حكمتها من شعرها
يوليا: اطلقيني يالعقرب يا **  ***
ماسيليا: تزيدي كلمة متلومي غير روحك وراح نحاسبك على هاذ الهدرة
يوليا: واش بغيتي
بالبكا وانا مزالني شادة شعرها وهي حاطة يدها على يدي وتسيي تنحيها
ماسيليا: جيبيلي جو
يوليا: قولي للخدامة علاش تقوليلي ليا
ماسيليا: نتي خدامتي ولا نسيتي..  شوفي انا حنينة بزاف عليها راح نسامحك انو خرجتي عادي وضرك جيبيلي جو نحبو بارد

طلقتها وطلعت لشومبرتي ولبست سروال كحل مزير وتريكو حمر بلا ذرعين وصباط طالو بالعاني وهبطت لتحت
وقعدت نستنا في يوليا تجيبلي جو علاش طولت هكذا انا لبست وهيا لضرك مجاباتو حتى شفتها من بعيد جاية وتسيي تخبي ابتسامتها
درت روحي مشفتهاش كيفاش خبات ضحكتها

خبطت الكاس في الطابلة وجات خارجة
ماسيليا: ارواحي
هزيت الكاس وطلقتو طاح تكسر وجي في كل بلاصة
ماسيليا: ارواحي امسحي
يوليا: نتي...
ماسيليا: ارواحي امسحي يوليا
جات وهبطت تمسح وانا عفست على يدها حتى بدات تعيط وتبكي
ماسيليا: كي نقولك جيبي حاجة متزيديش تخبطي عليا ولا نكسرلك يدك هذا اول واخر انذار ليك
كنت نهدر ونظغط كثر على يدها وهيا تعيط تفكرت هذاك نهار لي خلاتني نمسح وعفست على يدي وضرك راهي تفوت بنفس الموقف
ماسيليا: سمعتي؟ بالعياط
يوليا: هيه بالبكا
ماسيليا: تحبي تخرجي تشاوريني سع اذا قتلك هيه تخرجي واذا قتلك لا تقعدي هنا.. تخدمي مع الخدامات وشومبرتك معاهم  ونهدر معاك وترجعيلي الهدرة تكسرلك فمك وانا عند كلمتي منهددش برك وضرك اقلبي عليا وجهك