سوف تندم (مكتملة)

💞 الجزء 20 💞

لَلَهّمً صّلَِّ وٌسِلَمً عٌلَﮯ سِيَدٍنِآ مًحًمًدٍ وٌعٌلَﮯ آلَهّ وٌصّحًبًهّ أجّمًعٌيَنِ

______________________________________

فقت صباح بنشاط تعرفو فضول وخوف ونشاط كلشي مخلط مع بعضاه
بزاف راني متحمسة بش نخرج منا وتبدا المتعة

أنوشكا: البسو حوايج تاع تدريب
لبست سروال كحل وتريكو كريمي ولميت شعري كوتشيفال (ذيل حصان)

ونيفيا ثاني لبست وهبطنا نتبعو في أنوشكا وتمارة
وصلنا لواحد ساحة كبيرة فيها لعباد بزاف
وقفنا وقعدنا نستناو
ماسيليا: واش رانا نستناو
أنوشكا: في المدرب لي حيدربنا.. كل فريق لي يتكون من خمس عباد عندو مدرب يتكفل بيه
ماسيليا: واحنا في اي فريق
تمارة: معانا
بتاسمتلها وكنت نستنى في الشخص الخامس والمدرب

جا راجل طويل وراح عند انوشكا وتمارة
أنوشكا: هذا اندريو معانا في الفريق... هاذي ماسيليا ونيفيا جاو جدد
جا عندي وعطاني يدو وصافحتو وراح عند نيفيا ثاني

جاز الوقت والمدرب لضرك لجا شفت عند لفرق لخرين وشفتهم جاو غير تاعنا تسما انا نضت على الخمسة تاع صباح بش سي خونا يطول

حتى شفت عبد جاي منهيه جيهتنا ضخم ومعضل وجسمو بكل وشوم يخوف يبان كيما هذوك البوديقارد في لاطاي ووجهو فيه بزاف ندبات

ماسيليا: هذا هو لي حيدربنا
أنوشكا: لا لا مش هو
وصل عندنا وبتاسم ابتسامة تخوف
ديزولي على روطار
شفنا عندو وحنا هازين حاجبنا
ماسيليا: اسمعي تبالي هذا هو
أنوشكا: يختي مش هو... ولا اصبري بلاك بدلوه

انا هو المدرب جديد تاعكم المدرب القديم ميقدرش يدربكم يعني انا راح نكون في بلاصتو ومعاكم حتى تخرجو منا وراح تخرجو بكري
وضحك ضحكة ايما لا لا يبان بسيكوبات وهذيك الضحكة تخوف لا لا مش تخوف برك تخري ودير كلشي

لوكا: عرفوني عليكم
بداو يعرفو على رواحهم انوشكا بعدها تمارة واندريو لي عرفت عمرو 25 ونيفيا بعدها جات دالتي
ماسيليا: مش مليحة تطلب نعرفو رواحنا وانت معرفتش بروحك

شاف عندي وضحك
لوكا: انا اسمي لوكا برك مليح هكا.. تقدري تعرفي على روحك
ماسيليا: وانا ماسيليا برك وضحكتلو ضحكة صفرا
لوكا: نبداو تدريب مالا

شفت عند الفرق لخرا لقيتهم قاعدين
لوكا: دورو على الفناء ومتحبسوش حتى نقولكم حبسو
واش تدريب هذا عبالكم حاسة روحي فسيام كي نقراو حصت صبور واستاذ تاعنا يليكيدي فينا يوقولنا اجرو بش يكحل على الاساتذة تاع الموسيقة لي متشبه لوالو