سوف تندم (مكتملة)

💞 الجزء 13 💞

آلَلَهّمً صّلَِّ وٌسِلَمً عٌلَﮯ سِيَدٍنِآ مًحًمًدٍ وٌعٌلَﮯ آلَهّ وٌصّحًبًهّ أجّمًعٌيَنِ

______________________________________

متكسلة في سرير ونخمم في مارك توحشتو بزاف ومنيش قادرة ننساه، كيفاش ننساه وهو حب طفولتي حبي الاول، مكانش حبيبي برك كان بابا وخويا ووليد خالتي هههه

حياتي مزالها كيما راهي صباح خدامة عند زياد وعشية يعذبني ويذلني اما فليل يغتاصبني وهاذي هيا حياتي.....

لازم نهرب ميهمني في حتى حاجة ضرك المهم انو نهرب ونتهنى ولا ننتاحر، منيش قادرة نصبر اكثر من هك خلاص وصلت للحد

لحق ليل وانا كنت نستنى فيه راح للشومبرة يستنى فيا كي العادة..... كل ليلة يروح للشومبرة يقعد يستنى فيا وانا نعطيلو جو تاعو بعدها يسبني ويذلني واخر حاجة يغتاصبني، يعطيني دوا ويروح

دخلت عندو وعطيتلو جو وكنت نسمع في سباتو وساكتة ومهبطة راسي... سكت مكانش صوتو ، بتاسمت رفعت راسي لقيتو في سبات هههه هاذي اول خطوة حطيتلو منوم في جو وضرك لازم نهرب

نجري وهازة عصا في يدي اذا حكمني نضربو بيها
منعاودش الغلطة تاع المرة لي فاتت ولازم ناخذ احتيطاتي

لحق الصباح وانا بعدت بزاف مستحيل يعرف بلاصتي، كنت في دار مارك نشم في حوايجو ونبكي على فراشو ليل كامل وانا هنا
جبت دراهم كان مخبيهم ونضت لازم نخرج منا طول نسافر لبلاصة مستحيل يعرفها

فتحت الباب صدمة، شوك واش يدير هنا وكيفاش عرف بلاصتي واقف وحاط يديه في جيبو ويشوف فيا نظرة خوفتني بدا يقرب وانا نرجع للور وهو يقرب، حكمني من شعري
زياد: تهربي يا** ضرك نعتلك ***
جبدت هذيك العصا وضربتو بيها عند راسو بقوة وهربت

صوت رصاص ااه كتفي درت لقيت زياد هاز في يدو سلاح، كتفي يوجع دم.. دم في كل بلاصة  كان يحكي مش قادرة نسمع،شفت ابتسامتو كان يضحك، ياربي اديني ليك هز امانتك هههه نتلاقى مع مارك ايه ايه مارك راني جاية ليك

فتحت عيني ووجع في كتفي لقيتو دواه هههههه واش كنت نستنى يخليني نموت ونرتاح لالا كان الامل تاعي الوحيد باش نرتاح انو نموت وهو سلبني هاذ الامل

درت منا ومنا وملقيت حتى واحد رحت فتحت الطاقة ههههه راح نرتاح وهاذ المرة لازم نموت ميهمني في والو، وقفت عند طاقة وانا نضحك
طلقت روحي..... مش حاسة روحي نطيح راني نتنفس نورمال فتحت عيني لقيتو حاكمني

رماني على سرير حتى تفتح الجرح تاعي
نيفيا: اطلقنييي بعد.. بعد خليني نرمي روحي بالعياط
زياد: هبلتي باغية تنتاحري بالعياط
نيفيا: هيه ننتاحر وانت مكان مدخلك هاذي حياتي انا فهمت
زياد: كي نحبك تموتي تموتي وكي نحبك تعيشي تعيشي فهمتي
وخرج ههههههه انا انا حابة نموت وحنموت رحت نجري عند الطاقة عاود حكمني قاومتو ضربتو وانا نحاول نبعدو عليا ونرمي روحي زيرني عندو ودارلي برة خدرني بعدها غير ظلام