سوف تندم (مكتملة)

💞 الجزء 11 💞

َلَهّمً صّلَِّ وٌسِلَمً عٌلَﮯ سِيَدٍنِآ مًحًمًدٍ وٌعٌلَﮯ آلَهّ وٌصّحًبًهّ أجّمًعٌيَنِ

______________________________________

ليل كامل وانا نبكي مش قادرة نستوعب انو ماثيو 
تزوج عليا..  وعلاش زعما انتقام والحاجة لي راهي قاهرتني انو بغاني نكون خدامة تاعها هذا مخصني غير يجيب وحدة من برا باين عليها *** وبغاني نكون خدامتها

لحق الصباح وعينيا حمرين من كثرة البكا هبطت لتحت لقيتها قاعدة فوقو وتهدر بواحد صوت قريب مارجعت صباح ربي...  وجعني قلبي ورحت ديراكت للكوزينة 

يوليا: ماسيليا ارواحي
وين تعرف اسمي هاذي ااا اكيد حبيب القلب هو لي قالها،  سمطتها خليها
يوليا: مااسيلياا قتلك ارواحي
قولي ولا اندبي منيش جاية، كنت راجعة للشومبرة حتى دخلت في عبد
ماثيو: مكيش تسمعي؟
ماسيليا: وش نسمع
حكمني من شعري وداني الصالون ورماني تحت رجلها متخيلين انتو وهي حاطة رجل على رجل وتشوف فيا وتبتاسم.
هذا وين شفت فيها مليح تعرفو لمن تشبه للاشرار هذوك تاع المسلسلات شعرها صفر هذاك لي يشفوه من الجزائر لي يشعشع وجعتني عيني وانا نشوف فيه عينيها زورق زعما ليلونتي وحدة اكبر من وحدة راسمة حواجبها كيما لي يخونك معاها بنفس لون تاع شعرها يشعشع حتى هو.  فمها منفخ لوكان تبوس واحد تشفطو نورمال 😂 اي والله مقدرت وصدرها باين منفخاتو منبعد نكملكم خاطر كانت تهدر وانا كنت نتنمر مسمعتش وماثيو راح يطرطق

يوليا: علاه راكي تضحكي
اوو كنت نضحك مفقتش والله
ماسيليا: ونتي واش دخلك
يوليا: بلاك شفتي جني قدامك
ماسيليا: والله نشوف الجنون والشياطين ولا نشوف هاذ الشبيهة

بدات تبكي زعما تاثرت ويجيني الكف من حيث لا ادري وشكون لي عطاهولي ماثيو لافوكا تاعها ياخي مسنطح ياخي  استغفر الله 😂

يوليا: سمعت ماثيو واش قالت
ماثيو: راهي غايرة منك
تعرفو قالها بدون مشاعر ببرود يعني هو عارف وانا عارفة انها متشبه لوالو....  قال غايرة منها غايرة من شعرها هذاك 😂😂

خرج ماثيو وانا كنت في شمبرتي قاعدة حتى تفتح الباب ودخلت مولات الشعر المشعشع والله اسم يهبل يخرج عليها
يوليا: مالا تشوفي الجنون ولا وجهي
ماسيليا: هيه عندك مشكل؟ شفتي روحك في المراية ولا جامي هههه باين جامي علابالي كون توقفي قدام المراية تتكسر من قوة اشعاع شعرك
وطرطقت بالضحك والله تخيلت الموقف 😂
يوليا: والله ندمك
جات عندي زعما راح تضربني حكمتلها يدها ودورتها
ماسيليا: بلاك تهزي يدك عليا ولا اقسم بالله نكسرها
وضرك قودي من شمبرتي
خرجتها وانا مزالني مدورة يدها وخبطت عليها الباب لكان هاذي راح تحكم عليا السما