سوف تندم (مكتملة)

💞 الجزء 9 💞

آلَلَهّمً صّلَِّ وٌسِلَمً عٌلَﮯ سِيَدٍنِآ مًحًمًدٍ وٌعٌلَﮯ آلَهّ وٌصّحًبًهّ أجّمًعٌيَنِ

______________________________________

دخل عليا ماثيو شاف فيا وانا مديتهاش فيه بسبب الاتهام لي اتهامني فيه وهو معندو حتى دليل 😂 بصح والله نموت ونعرف  كيفاه عرف بلي انا متاكدة انو مشافنيش لكان شافني راهو قتلني المهم
ماثيو: غدوا رايحين لكندا
سوطيت من بلاصتي وشفت فيه راه يحكي سيريو مش يتمسخر
ماسيليا: قول والله وانا نجي معاك من بكري نجي
ماثيو: غدوا صباح
ومشى وخلاني هاذ لعبد يحكي بدراهم ول حتى الكلمات بخل فيهم، طرت نجري نوجد حوايجي واخيرا راح نخرج تخنقت
لحق الصباح نضت بكري مرقدتش اصلا كنت بزاف متحمسة لبست ودرت مكياج عدلت روحي مليح وهبطت لقيتو لتحت
ماثيو: هيا
رحت معاه ومشينا للمطار ركبنا في طيارة فيها غير انا وهو ورجال تاعو بزاف يعني طيارة تاعو
قاعد يخرب في تلفونو وانا قتلني الفيد ملقيتش واش ندير حتى تلفون معنديش ايه صح هذا هو الوقت المناسب
ماسيليا: ماثيو جيبلي تلفون
ماثيو: لا لا
ماسيليا: وعلاه لا لا
ماثيو: قلت لا لا يعني لا
ماسيليا: وعلاه متجيبليش؟
ماثيو: تزيدي حرف نطيشك من طاقة
سكت شحال سامط ورقدت حتي وصلنا لكندا

لقينا طاكسي تستنى فينا ركبنا وماثيو لي كان
يسوق... وصلنا للفندق لي راح نقعدو فيه وانا بزاف فرحانة، طلعنا لشومبرة تاعنا 😱 يعني راح نرقد معاه في نفس السرير لا مستحيل
ماسيليا: راح نقعدو لزوج في شومبرة وحدة؟
ماثيو: هيه
ماسيليا: وعلاه مش انا في شومبرة وانت في شومبرة
ماثيو: تقعدي تحت عيني
ماسيليا: وعلاه زعما راح نهرب 😐
مردليش وراح تكسل فسرير وانا دوشت ورحت رقدت من تعب باينة فكنابي كان لثم مش قدامو يعود يتحمس ويدير كاش حاجة
نضت على 9 تاع ليل ولقيت ماثيو يحكي فتلفون
ماثيو: هيه راني هنا
...........
ماثيو: ضرك نجي انا ونقتلهم بيدي

خرج وانا درت روحي راقدة بش ميعرفش بلي سمعتو واش هدر يقول كانت تتجسس عليا
يعني هو رايح يقتل عبد علابالي مافيا وكذا بصح جاتني صعيبة انو راجلي يقتل ناس قررت نتبعو ونشوف تراه مقدرتش نتحكم في فضولي

هبطت وراه شفتو كان يحكي مع راجل وطاكسي تاعو كانت مفتوحة فتحت لامال كاين زر تضغطي عليه من لقدام فطاكسي يفتحلك لامال وركبت بشوي باه ميحسش علابالي ريسك كبير بصح حبيت نتاكد اذا كان صح يقتل هو بيدو ولا.......

حبست طاكسي وهبط وانا ستنيت شوي وهبطت وراه بشوي شفت رانا في بلاصة مهجورة بعيدة على المدينة كاين رجال يمشيو ورا ماثيو ودخلو لواحد لبناية تخوف كيما تاع الرعب مشيت وراهم من غير ميحسو عليا