سوف تندم (مكتملة)

💞 الجزء 25 والاخير 💞

اَلَهّمً صّلَِّ وٌسِلَمً عٌلَﮯ سِيَدٍنِآ مًحًمًدٍ وٌعٌلَﮯ آلَهّ وٌصّحًبًهّ آجّمًعٌيَنِ

______________________________________

نمشي بكل ثقة وغرور واخيرا راح ننتاقم من زياد وراح نكسرو كيما كسرني ونحرمو من لحوايج لي يحبهم كامل

دخلت للمكتب تاعو وهو تشوكا
زياد: ميلا واش ديري هنا
نيفيا: لازم يكون سبب بش نشوفك
زياد: لا نورتي تفضلي اقعدي
فعدت مقابلاتو ونشوف عندو
نيفيا: كشما تحب نعاونك
زياد: لا لا  ارتاحي برك
نيفيا: هات نعاونك راني فارغة شغل عادي
بتاسملي وبدينا نخدمو وهو كل شوي يشوف عندي ويضحك

زياد: لقيتيه ولا
نيفيا: مكانش وين تكون حطيتو
زياد: منعرفش كان هنا وفجأة راح هاذ الملف نروح نشوف فدار بلاك نلقاه
نيفيا: نجي معاك
دارلي ايه براسو وانا تبعتو للقصر تاعو

وصلنا وهبطنا ودخلنا قعدت فصالة وهو راح شوي وجا وجاب الملف وبقينا نخدمو فيه وانا كل شوي نشوف عندو

ناض وراح هدر فتلفون وبعد ربع ساعة جا وجاب معاه الماكلة مزيا فهم روحو راني قريب راح نموت بشر

بدينا ناكلو حتى بدا يقرب عندي وانا نبعد
زياد: ميلا!
نيفيا: انعم
زياد: تكرهيني؟
نيفيا: شكون قالك بلي نكرهك؟!
زياد: من تصرفاتك يعني كل منحكي معاك تردي بطريقة تقول حتاكليني واذا نقرب ليك تبعدي عليا
خاطر انت رخيس وانا منحملكش وكي تقرب عندي نتفكر الماضي تاعي ونحب ندفنك هنا
نيفيا: اسمحلي مشي بلعاني بصح عندي ماضي مش مليح مع الرجال ووليت نتعامل معاهم كامل كيما نتعامل معاك نتا
زياد: نقدر نفهم وش هو الماضي تاعك

بداو يتعمرو عنيا بالدموع وباينة تمثيل وهو قرب عندي وحكملي يدي
نيفيا: كي كنت نقرا في الجامعة كنت نخدم ونكمل فليل.. واحد المرة خرجت كي العادة وكنت رايحة لدار لي راني كريتها حتى خرجولي ثلاث رجال
طرطقت بالبكا وهو يمسح على شعري
تحماو فيا ووغتاصبوني في ثلاثة بعدها رماوني ومن هذاك نهار وليت نكره الرجال
بصح معاك نتا بديت نحس بمشاعر غريبة وبديت نطيح فيك بصح كل مرة نتفكر هذوك...
زياد: يعني نتي تحبيني! بصدمة
درتلو ايه براسي حضني عندو وبدا يمسح على شعري وظهري وانا نبكي
زياد: لوكان نلقاهم نشرب من دمهم صاي راح نعوضك على كلشي

بعدت عليه ومسحت دموعي
زياد: ميلا انا نحبك بزاف مش نحبك برك فت هذيك المرحلة... انا مهووس بيك وراح نعوضك على كلشي ابقاي معايا برك
درتلو ايه براسي وهو طار من الفرحة وانا ثاني فرحانة صح
كملنا خدمتنا وانا نضت
زياد: وين رايحة؟
نيفيا: لداري!
زياد: هاذي هيا دارك
نيفيا: مكلاه خلي نروح لداري خير
جبدني من يدي وداني لشومبرة
زياد: ارقدي هنا وغدوا نقولهم يجيبولك حوايجك وراح تعيشي هنا معايا
خرج وانا بديت نسوطي فسرير واخيرا الخطوة الاولى كملتها وضرك اللعب بدا يخشان