سوف تندم (مكتملة)

💞 الجزء 21 💞

آلَلَهّمً صّلَِّ وٌسِلَمً عٌلَﮯ سِيَدٍنِآ مًحًمًدٍ وٌعٌلَﮯ آلَهّ وٌصّحًبًهّ أجّمًعٌيَنِ

______________________________________

ناض ماثيو وجا ركع قدامي وحكملي يدي
ماثيو: علابالي راكي مشوكية من واش يصرا بصح اسمعيني حتى لخر....  انا كان الهدف تاعي من اني نتزوجك انو ننتاقم منك ومن باباك بش يعطيني الزعامة..  بعدها بديت نحس بمشاعر غريبة تجاهك وكنت خايف بزاف... تجاهلت هذوك المشاعر لي نحس بيهم اول مرة ورحت تزوجت يوليا وعذبتك وهنتك هههه كنت ننتاقم بصح كنت نتوجع كي نشوفك هكاك جسمك كلو دم كنت نحب نحبس ونحضنك ونقولك مكان والو .... حتى واخيرا اعتارفت انو نحبك... هيه ماسيليا انا نحبك مش نحبك نعشقك ومهوس بيك... كي دخلت للقصر وملقيتكش هذاك النهار هبلت خفت تكوني هربتي ولا رحتي وخليتيني منقدرش نبعد عليك ماسيليا
علابالي متقدريش تنساي بهسرعة بصح نعطيك وقت وراح نحاول نسيك في واش صرا بيناتنا
ونوعدك نبدا معاك صفحة جديدة ومنيش راح نزعفك ولا نبكيك....  وراح نخليك تحبيني ماسيليا
شفت فيه ودموعي يهبطو وانا في صدمة هههه يعني ماثيو يحبني انا، ناض ومسح دموعي
ماثيو: منحبش نزيد نشوف دموك ولي يبكيك راح ندمو... حتى كون جيت انا

طرطقت بضحك كي تفكرت هذيك ليلة علابالكم ولا كل ميحكمني الاكتئاب نتفكر هذيك ليلة ونولي نضحك حتى نغلب...  وكيما العادة عييت نحبس من الضحك

دخلت نيفيا ولقاتني نضحك متشوكاتش والفت تلقاني نضحك هكذا
نيفيا: ماسيليا حبسي خلاص.. لازم تجي عندنا اجتماع ضرك

حبست من ضحك وعدلت حوايجي كنت لابسة سروال جين مزير وتريكو بيض سامبل مدخلاتو داخل سروال. فيستا حكلة وصباط كحل ثاني ولامة شعري كوتشيفال

رحت انا وياها لقاعة الاجتماع وبدينا الاجتماع.. فاتو ساعتين وخرجو بقيت غير انا ونيفيا
نيفيا: علابلك هاذي شركة وهمية
ماسيليا: هيه علابالي بصح خلي نديرو رواحنا معلابلناش ونكملو معاهم تراه

خرجت من قاعة الاجتماع ومن الشركة طول ورحت للقصر

دوشت وبدلت لبست بيجامة تاع دار وتكسلت فسرير راح نرقد تعبت بزاف اليوم  وغدوا يوم مهم يعني لازم نشبع رقاد مليح

بقيت عامين في هذيك البلاصة.. سميوها كيما تحبو خاطر انا ملقيتلهاش اسم
قتلت وعذبت وتعذبت وصراو بزاف حوايج كل مرة نحكيلكم حاجة اي والله هتحمسو شوي سمعوني عياطكم...  وتسفيق. تسفيق لو سمحتم بش نحكيلكم 😂😂

خرجت وتعلمت ادارة اعمال من ارون ووليت انا المديرة تاع الشركات تاع بابا كانو بزااف ومديت شركة وحدة لنيفيا  كي كنا في هذيك البلاصة وقفنا مع بعضنا وضرك رانا مع بعضانا وراني حطتها كيما ختي

نيفيا تبدلت بزاف مبقاتش نفسها نيفيا لي نعرفها ولات عندها شخصية قوية مشي كيما كانت..  تجيب حقها بيدها

وليت زعيمة تاع المافيا وسمعت بلي ماثيو كي عرف انو كاين واحد دا الزعامة لي دار كلشي باش تكون ليه هبل اييي كون شفتوه ااح

طبعا ميعرفوش شكون انا في المافيا ندير ماسك ونغطي وجهي متسقسونيش علاه خاطر مزاج برك
ماثيو معلابالوش بلي راني حية وفتت عليه شحال من مرة ومعرفنيش راح تقولو علاه زعما مخفية نتي متبانيش

تبدلت ااا والله ربع سنين ومنتبدلش هو صح متبدلش بزاف بصح انا طبعا نغير من روحي مثلا سبغت شعري رمادي من لفوق وازرق من تحت...  ندير ليلونتي (عدسات) زروقا ونبدل ملامحي بالمكياج يخي تعرفو المكياج لوكان بطاطا ديرلها مكياج متبانش بطاطا
عليها معرفنيش

مزالو متزوج مع يوليا ومعندهمش ولاد علابالي  بلي مراهش مهتم بيها خلاص يعني كيفها كيف الباب اوموا الباب عندو اهمية اكثر منها وهاذ شي يوجعها عليها تروح تخونو مع رجال خرين فهمتو المقصد احم احم

هيه ملي خرجت من هذيك البلاصة وانا نعس فيه ويوليا ثاني علابالي بكلشي عليهم حتى وكتاه ياكلو ووكتاه يرقدو

ماثيو راهو يحاول بعرف شكون انا ودار كلشي بش يخرجني ويدخل هو ويحكم في المافيا كامل بصح مقدرش
متنساوش راني تدربت عند هيتلر رقم ثنين لي هو لوكا.. مبقيتش ندرب عندو في باطل

عييت نعرف علاه بغا ماثيو زعامة لهاذ الدرجة مفهمتش بصح مع الوقت راح نعرف علاه

......

واقفة قدامو وهو يشوف عندي  مربوط وباين ارون تعامل معاه شوي هههه وجهو كامل زرق كاين بزاف خايف متوقعش اني راح نكشفو بهاذ السرعة
ماسيليا: توحشتني صح علابالي عندي بزاف مجيتش عندك بصح متقلقش راح تولي تشوفني بزاف.. بزاف
جاد: اسمحيلي والله علابالي بلي غلطت بصح نوعدك راح نوقف معاك ومنيش راح نخونك مرة خرى
ماسيليا: تؤتؤ لي غلط واش لازملو
شفت عندو نستنى فيه يكمل الجملة تاعي وهو بدا يبكي
مديت يدي ومسحت دموعو
ماسيليا: بصح انا مزال مبديتش احوبي وغمزتلو
بدا يحاول فيا نسامحو
ماسيليا: انا خليتك مدير وكنت واثقة فيك كنت نكذب خاطر انا منوثق في حتى واحد ضرك بصح انت عماك الطمع وكنت راح تمد وثائق بزاف مهمين لشركة وحد خرى وزيد راح تسرق دراهم الشركة تاعي وكنت ثاني تخطط بش تستولي على شركات تاعي الباقين لي تعبت عليهم بزاف
على واش نسامحك بضبط
سكت ومردليش وانا ضحكت وخرجت مزال خليه يرتاح شوي قبل منبدا نلعب معاه نحبو يكون واحد

وضركا راح نبدا الانتقام راني متحمسة بزاف بزاف ونتوما راكم متحمسين ولا؟ 🤔