سوف تندم (مكتملة)

💞 الجزء 19 💞

اَلَهّمً صّلَ وٌسِلَمً عٌلَﮯ سِيَدٍنِآ مًحًمًدٍ وٌعٌلَﮯ آلَهّ وٌصّحًبًهّ أجّمًعٌيَنِ

______________________________________

واقفة قدام هذيك الفيلا ونستنى فيه يخرج عارفة انو هذا هو وقت خروجو

جازو سمانتين وانا نعس في هاذ الفيلا وليت نعرف وقت خروجو وقت دخولو

سعات نشوفو يجيب رجال هنا استغربت واش يديرو زعما بعدها قلت بلاك يجيو على جال خدمة ولا

ارون: هاهو خرج
ستنيناه حتى ركب طاكسي تاعو وراح..  ستغربت من حاجة ثاني انو مكانش حراس هنا وزيد هاذ الفيلا  جاية فبلاصة مهجورة ومستحيل تجي في مخ واحد انو هنا كاينة دار ومخبية مليح

كان صعيب على ارون  يلقاها وراني متأكدة انو نيفيا راهي هنا

مشينا بشيوي ونا كنت نعس بلاك يرجع هنا
دخلنا وكانت تهبل من الداخل
مشيت وبديت نحل في البيبان
ماسيليا: نيفيا... نيفيا
فتحت البيبان تاع الفيلا كامل ومكانش حتى سمعت صوت جاي من اخر رواق  صوت بكا

ركت نجري وفتحت الباب لقيتها نيفيا متكمشة فسرير وحالتها حالة  شغل ميتة
ماسيليا: نيفيا
طلعت راسها وشافت عندي
نيفيا: ماسيليا!
ماسيليا: هيا نيفيا راح نخرجك منا
مخليتهاش حتى تستوعب ونوضتها عيطت ل-ارون وهزها وخرجنا وهيا ماهي فاهمة والو

بعدنا على الفيلا ورحنا وين طاكسي تاع ارون خبيناها بعيدة على الفيلا بش ميفيقلناش
ركبنا ورحنا وقلبي كان مرتاح انو نيفيا راهي معايا ومنيش راح نخاف عليها
نيفيا: مسيليا واش راكي ديري هنا وشكون هذا
و...
ماسيليا: شش ارتاحي نيفيا ومنبعد نفهمك كلشي

وصلنا للقصر تاع بابا مخبي على الناس وواحد ميعرفو غير بابا وارون  ديت نيفيا لشومبرة
ماسيليا: ادوشي وارتاحي وغدوا نحكو
بتاسمتلي وانا ثاني بتاسمتلها وخرجت خليتها

دخلت لصالة وين قاعد ارون وقعدت مقابلاتو اصبرو نوصفلكم ارون عمرو 32 سنة وبابا لي رباه عندو ودارو كيما ولدو ملي كان عندو 10 سنين لقاه برا بعد مالعائلة تاعو تخلات عليه ويعتابر بابا هو باباه كان يعاونو فالشركة تاعو قبل ميدخل للمافيا
كان عندو 20 سنة كي دخلها ملغري بابا مبغاش بصح
هو حب بش يعاونو ثاني في المافيا
هذا هو السبب لي خلاه يحب بابا ويكون يدو اليمنى في كلشي (يعني كي رباه وخلاه كيما ولدو)

....  ضرك نروحو للوصف للشكل تاعو علابالي تحمستو هنا  عنيه ازرق داير عليهم الرمادي وشعرو كحل يوصل عند رقبتو وكون تشوفوه رطب يهبل خير من شعركم لي يشبه للخزم تاع الماعن 😒
طويل بلاك 1.92 وعندو عضلات مطراسيين
بشرتو حنطية وهذا مازده رونقا وجمال حيث انه يشبه احدى تماثيل الآلهة الاغريقية بعضلاته التي تكاد تمزق القميص من صلابتها فعندما تراها تفكر كم من الوقت قضاه للحصول على جسم جذاب الى هذه الدرجة  كما انه يشبه  احد الابطال من قصص ديزني الخيالية...  وصفتلكم بالعربية بش تتخيلوه مليح 😂
واهم حاجة مهوش مرتبط الوغ لي مهتمة تخلي الرقم تاعها وحنا نتواصلو معاها 😉