سوف تندم (مكتملة)

💞 الجزء 6 💞

لَلَهّمً صّلَِّ وٌسِلَمً عٌلَﮯ سِيَدٍنِآ مًحًمًدٍ وٌعٌلَﮯ آلَهّ وٌصّحًبًهّ آجّمًعٌيَنِ

______________________________________

فتحت عيني بشوي لقيتني فصالة وفاصمة على خشمي (الاسق الطبي ولا منعرفش كيش تسموه مهم فهمتو) وسي ماثيو واقف عند راسي ويخزر فيا ومطلع حاجبو انا لي نورمالمو نطلعو مش هو في جرتو تكسر خشمي ويزيد يشنف عليا من لفوق
ماسيليا: وشبيه قسامك تشنف عليا؟ وعلاش كنت تجري ورايا وركبتلي الرعب والخلعة وكلش!(كنت نهدر بنيفي مش عادي ولي تضحك نشقالها ونخش فيها بدماغ 🙂)
ماثيو: كنت باغي نكسرلك خشمك بيدي بصح الله غالب وضك شوي يزيد يتكسر فمك
ماسيليا: وعلاش يتكسر فمي؟ انت فمي هذا جاك فطريق تضل تشارشي عليه واش؟
ماثيو: نتي راني سكتلك بزاف ولقيتي رايك بزاف عليا بصح اصبري نقعدلك وتشوفي راه مبقاش بزاف
مشى وخلاني زعما خوفني وش قصدو هيه علابالي انا منحكمش فمي وهو متبري مني بصح هو لي يوصل روحو لوكان جات دنيا دنيا نوض يفرح ولا يسقسي عليا اقل حاجة يديرها يديني لسريري مش يطيشني هنا ويشنف عليا وحيحكم عليا سما
يكرهني وتزوجني غصب تبالي واحد ماضربو على يدو وقالو اديني ذراع هو لي بغاني مالا مكلاه يتحمس بزاف ويلعبها 😒😑
انا جعت نضت رحت للكوزينة وفتحت لفريجدار لقيتو يصفر فيه غير بيض وطماطم زعما عندو دراهم منقدرش نستناه علابالكم لوكان نستناه ويطول ناكلو نورمال مالا قررت نطيب طماطم وبيض (جز مز لكان تعرفوه😅) خير منموت بشر هيه اني نعرف نطيب لكان تبالكم فحلة الله يبارك بصح وشنو فنيانة برك 😂

1 تاع صباح وهو مجاش وانا جعت هذوك مشبعونيش يدرا وين راه معنديش حتى بواش نعيطلو وجربت رحت عند هذوك الحراس يجيبولي الماكلة بصح تقول نهدر مع لحيط ميفهموش ولا هوما مخدومين هك راكم تقولو هاذا كامل على جال كرشها تقول جامي كلات لكان تشفاو كنت عند هذاك سكولات وبخلني الوغ مكنتش ناكل مليح راني حابة نعوض ضرك اصلا واش دخلكم سالولي انا تبالي نروح نرقد خير وغدوا ان شاء الله يجي ونروح معاه وناكل 🙂

ماثيو
خرج من عندها وهو مقلق راهو يتحكم في اعصابو مبغاش يخسرها ضرك بغاها تتعذب بشوي تحس وتتألم خاطر لوكان يتبع غضبو راح يقتلها وهاذ شي ميخليهش يرتاح ويستمتع ثاني، حاب يقعد معاها ويتعرف عليها بش يعرف وش يوجعها ونقاط ضعفها ويستخدمهم ضدها ركب طاكسي تاعو
و راح للشركة يخدم وفنفس الوقت ينقص من قلقتو
صونا تلفون تاعو شاف الاسم تبسم وجاتو خطة فراسو بش ينتاقم من ماسيليا ولا نقولو يفتتح انتقامو بهاذ الخطة ويستمتع شوي
بصح مش ضرك مزال وهو فطبيعتو يصبر ويتعرف على الفريسة تاعو قبل مايصطادها 🐍

نضت صباح وهرمونات النكد الف عندي و مقلقة ثاني هبطت لتحت ولقيتو قاعد ويقرا في الجريدة
رحت ديراكت للكوزينة ومبغيتش نشوف فيه ولا نهدر معاه
ماثيو: هاذا وين تنوضي؟
ففف واش يحوس عندي صباح ربي مشيت ومرديتلوش
ماثيو: وجديلي الفطور
ماسيليا: تبالي عندك خدامين! اصلا وين راهم منيش نشوف فيهم؟
ماثيو: عطيتلهم عطلة وبغيت لفطور من يد مرتي
بدينا فدصارة
ماسيليا: مكان والو في الفريجدار
ماثيو: البسي راني نستناك
درت ورحت وجدت روحي بلا منهدر معاه قتلكم نضت مقلقة ومهيش نافحتلي نهدر
رحت قضينا لحوايج هو لي قضا انا كنت نمشي وراه برك ونهز غير فشيبس وشيكولا وكذا عادي يخي عندو دراهم وهو ثاني مقال والو مالا انا تحمست اومبعد رحنا رجعنا وتخيلو واش قالي ضرك نقولكم متتخيلوش 🙂😂
ماثيو: روحي ضرك وجدي لغدا كي نرجع نحب نلقاه فوق طابلة
قالها بواحد طريقة كون كانت قدامي كاش حاجة راني فجختو بيها يأمر فيا ومشافش فيا حتى بصح لكان درتهولو مالا راني كلب وحلوف الغابة لوكان قالهالي نورمال راني درت عادي معندي حتى مشكل بصح هو يعرض ضرك نعتلو
هبطت وهو مشى يخي قال نحب الفطور من يد مرتي مزية راح مكنتش راح ندير اصلا على طريقتو في الهدرة برك وثاني قلقني رحت لشومبرتي ديراكت رقدت ولحوايج لي جبناهم رفدوهم هذوك الحراس وعدلوهم مش نافحتلي ندير والو ليوم وهذاك ماثيو لكان لقا لغدا يجي يخرا عليا