سوف تندم (مكتملة)

💞 الجزء 7 💞

آلَلَهّمً صّلَِّ وٌسِلَمً عٌلَﮯ سِيَدٍنِآ مًحًمًدٍ وٌعٌلَﮯ آلَهّ وٌصّحًبًهّ آجّمًعٌيَنِ

______________________________________

راسي يوجع بزاف ولحد الان مش قادرة نستوعب انو دار هاذ كامل على جال غدا برك فاتت على لحكاية يومين وانا في شمبرتي مخرجتش منها مش حابة نشوف وجهو خلاص وهو ثاني محوس عليا ماوالو....  قررت نخرج شوي لبرا قلقت من دار لبست
وخرجت لقيتو قاعد فصالة درت روحي مشفتوش
ومشيت جيهت لباب
ماثيو: وين رايحة؟
سمطتو وكملت طريقي لكان تبالو نسيت
ماثيو: لكان حتهربي غير مكلاه تخممي
فتحت لباب ومرجعتلوش خليه يهدر ميهمنيش فيه حتى تخبط لباب ودورني عندو هاذا كيفاش وصل بزربة خي كان بعيد!
ماسيليا: نحي عليا يدك متمسنيش
ماثيو: كي نحكي معاك تجاوبي بالعياط
ماسيليا: واش تسحق؟
ماثيو: وين رايحة
ماسيليا: وانت واش دخلك؟ لاعودش نشاورك
شفت عنيه ولا حومر وبقا يضغط على سنيه وزير على يدي وخبطني فلباب ولصق فيا
هاذا وين تولهت مش لابس تريكو وليزابدو مطراسيين... ففف مش وقت التكحال
ماثيو: شوفي متلعبليش على الاعصاب خير مندمك
ماسيليا: راح نقعد هنا ونحي يدك عليا متزيدش تقيسيني
قرب عند وذني وهمس
ماثيو: علاه تخافي مني
دزيتو وخرجت منيش في مورال بش نتناقش معاه ولا نحكي معاه
مشيت وعلى الجنب تاع القصر كاين لثما حديقة تهبل فيها الورد بكل الاشكال والالوان وكي دوري تلقاي بيسين كبير والاشجار والاحجار والارض خضراء والعصافير تزقزق 😂😂 كانت 17 الجو يهبل مش سخون ومش بارد دافي باختصار
قعدت مقابلة لبيسين ضك هاذا  عندي شهر ملي تزوجتو ومنعرف عليه والو غير اسمو ماثيو لازم نعرف عليه عمرو اصلو كذا وطبعا هذيك حكاية لغدا مش حتروحلو راح ننتاقم منو 
وانا قاعدة مستمتعة ومكنت نخممت في حتى حاجة  حتى يجي عندي واحد وبدا يكيل فيا ويضحك
زياد: واش ديري هنا
وطبعا لازم يجي شكون ويفزدها عليا
ماسيليا:  باغدو وشكون انت باش دبر عليا واش ندير
زياد: انا زياد صاحب ماثيو
ماسيليا: روح عندو ومتكثرش لهدرا معايا
زياد: وشكون نتي بش منكثرش معاك لهدرة
ماسيليا: انا مرت ماثيو بصوتو (يعني تقلد صوتو فهمتو بش كي نقولكم بصوتو تفهمو ♡)
راح وخلاها مستفزة صح كيما قال ماثيو ولوكان يقعد معاه سور حيدير فيها كاش حاجة

هاذا مخصني غير يزيد يجي هذا ويعرض عليا وحيحكم فيا. مرتحتلوش ونضرتو معجبتنيش راح تقولولي كيفاش عرفتي متنساوش كنت ساكنة وحدي وثاني نخدم فصيدلية وساعات نقعد وحدي  ويجو يشرو عليا يعني نعرف مليح النظرات هذوك وثاني  نعرف شوي من الرجال  وهو ثاني يحكي بجزائرية ممم عربي افففف خلاص بطلت حنرجع لشمبرتي جا فزد عليا وراح خروف البحر

دخل زياد لداخل ولقا ماثيو فصالة ويخدم
زياد: شحال مستفزة صاحبي ربي يعينك عليها
ماثيو: على شكون تحكي
زياد: ماسيليا هدرت معاها شوي قلقتني بصح بلاعقل عليها تعود تقتلها
ماثيو: نخلص من حكاية لكلب هاذا ومبعد نركحها ويبدا الصح، وضرك ارواح ومتكثرش الهدرة