سيف
افف مالي نفس ارووح خليني اشوف سالم وين
سيف :- هلا سالم
سالم :- اهلين
سيف :- وينك
سالم .- فالبيت وانت
سيف :- ابوي قال اليوم بنروح بيت عمي راشد
سالم :- امم بي وياكم متى رايحين
سيف :- بعد شوي انا ريح اتجهز اذا بتي تجهز من الحين
بيت راشد ( ابو ريم )
ساره :- نوره نوره
نوره :- هاااا امي
ساره :- بيت عمج خليفه بيون عندنا زياره تجهزي وخبري اخوانج
نوره :- ليش بيون ؟
ساره :- شو الي ليش يلا بسرعة روحي
نوره :- اوك
نوره رحت عند غرفه حمدان و دقيت الباب
نوره :- حمداااان
حمدان :- هلا نوره شو تبين
نوره :- يعني بتخليني عند الباب افتح
حمدان يفتح الباب و يروح يلعب سوني
نوره :- انتو الاولاد ماخربكم غير السوني طول الوقت عليه
حمدان بتسليك :- اوك شو بعد
نوره تعصب و تسكر السوني
حمدان بهدوء :- ليش سكرتيه
نوره :- احسن يلا قوم تجهز بيت عمي خليفه بيون
حمدان :- مابنزل
نوره :- ومين الي بيضيفهم بس محمد يلا بتنزل انت بعد
حمدان :- خلاص اوك اطلعي برع
نوره :- يعني طرده
حمدان :- سميها الي تبين
نوره تطلع وتسكر الباب بالقوة وتروح عند محمد افتح الباب انا نوره
محمد :- خييير
نوره معصبه :- انت طووول الوقت نااايم
محمد :- مايرد
نوره :- انت ماينفعك معااك غير ريم اسمع بيت عمي خليفة يو يتريونك انزل عندهم
محمد :- اووو يلا يلا الحين نازل
في الشركة
ريم :- شوق يلا انا بروح تبيني اوصلج
شوق :- لا انا ماخلصت عقب الدريول بيمرني
ريم :- خلاص اوك
شوق :- انتبهي فالطريق
ريم :- هيه اوك يلا باي
طلعت و ركبت السياره و توجهت ل باسكن روبنز خذيتلي اسكريم شوكليت و طلعت متوجهه للبيت
سالم
طلعت من البيت رايح بيت عمي راشد يوم قربت من البيت اجوف سياره توقف عند البيت وتنزل منها ريم استغربت ريم من متى تسوق المهم
نزلت و شافتني
سالم :- السلام عليكم
ريم تطالعة :- وعليكم السلام
سالم :- وين كنتي
ريم :- مالك دخل
سالم :- بتقولين ولا كيف
ريم وهي تاكل الايسكريم :- ما بقول شو بتسوي
سالم :- ليش انتي عنيده
ريم تمشي وتسوييله طاااف
سالم
شف الحيوانه انا اراويها رفعتلي الضغطط افف باجر بطلع و بلحقها ف السياره بشوف اذا بتطلع ولا لا
في الميلس في بيت راشد الله يرحمة
خليفه :- اخبارك يا محمد شو مسوي
محمد :- الحمدالله وانت كيفك ياعمي
خليفه :- بخيير الحمدالله في شي ناقصكم ولا شي
محمد :- لا ياعمي الله يطول بعمرك اخباركم انتو سالم و سيف و بدر ( قلتلكم قبل ان بدر اخو سيف وهو نفس عمر سالم 21 و سيف 20 )
كلهم :- والله تماام وانت علومك
محمد :- الحمدالله
سالم
يلسنا و تمينا نسولف سوالف عاديه و بعد شوي عمي خليفه يقول ل حمدان ينادي عماتي سلمى و ساره و البنات ايلسوون ويانا فالميلس شوي يدخلون و انا ادور بعيوني على ريم لكنها مب بينهم غريبه اريد اسئل بس مب من حقي طبعا بعد السلام وهاي الاشياء المعتاده
خليفة :- ام محمد وين بنتج ريم
ساره ام محمد :- راحت بيت ربيعتها الصبح
سالم :- لا عمتي قبل شوي شفتها عند المدخل
ام محمد :- والله! مدري مايت عندي
حمدان :- بروح اشوفها
ريم
دخلت البيت ورحت على طول غرفتيي ويلست على مكتبي القديم الي اشتراه لي ابوي قبل
يلست ابكي ليش ابوي خلاني ورااح انا بحمي خواتي و اخواني مثل ماقلت لي يا ابووي بس انا مين بيحميني مين بيساعدني مين بيحسسني بالامان
ذكريات .......
راشد :- رييم يابنتي
ريم :- ها بابا
راشد :- اريدج تكونين قويه اقوى من كل حد اريدج تثقين في نفسج و ما اريد حد يجوف دموعج او يضن انج ضعيفه انتي بنتي و اول فرحة لي لا تحسبين في يوم اني اكرهج صح اني خليت كل ها الهم فوقج بس انا صدق احبج واعرف انج قد ها كله لنج بنتي و حبيبتي و صديقتي ثقي ف نفسج ولا تخلين حد يهزمج اي حد كاان لا تنسين ها الكلام حفضيه مثل اسمج اوك حبيبي
ريم ببرائه :- بابا مافهمت شو تقوول
راشد :- بتفهمينه يابنتي لنج ذكيه و عقلج اكبر عنج
ريم :- اممم اوك بابا
راشد :- لاتنسيني بابا و اهتمي في نفسج
ريم :- وين بتروح بابا ف
راشد :- رايح بعيييد بعيييد
ريم :- لا بابا انا احبك لا تروح
راشد قام و حضن بنته و باسها و طلع ورااح ولا رد
الواقع .......
ليش يا ابوي لييش مين قالك اني قدها كنت صغيره ذاك الوقت كييف تحملني هاا كلة امي و اخواني لازم اهتم فيهم مثل ما انت قلت بس انا ماقدررر ماقدررررررر ( بصراخ )
حمدان بخوف :- ريم ريم فيج شي ليش تصارخين
ريم تمسح دموعهها بسرعة و تفتح الباب :- هلا حمدان حبيبي لا مافيني شي انت فيك شي تبي شي
حمدان لاحض دموع اخته الكبيره و على طوول حضنهااا :- ريم انا اخوج ابكي طلعي كل الي فيج لاتكتمين على نفسج انا اخوج وراح اكون دايما ويااج انا و محمد ونوره و امي احنا بنحميج و بندلج ل الطريق الصحيح لا تحسبين اننا اذا كنا اصغر عنج يعني احنا مانقدر نحميج او نساعدج وان الهم و الثقل كله عليج لا ياريم لاتنسين اننا ويااج دايما و ابدا ..
مدري شو كان شعوري يوم حضني حمدان وقال ها الكلام فرحت بكيت على كتفه دموع فرح امان احاسيسي كانت متلخبطة مسحت دموعي
ريم :- شكرا حمدان
حمدان :- ولو انتي اختي الكبيره الي اعشقهاا
ريم بحيا :- و انا بعد احبكك يا اخويي
حمدان يبتسم :- اوه صح ذكرتيني عمي خليفه يبيج تحت كلهم تحت عمتي سلمى وعيالها و سالم
ريم ايوا علشان جي جفت سالم برع :- خلاص اوك
دخلت الغرفه بعد ما حمدان نزل تحت و رحت سويت ميك اب خفيف عند عيوني عشان مايبين اني بكيت ونزلت
أنت تقرأ
سأنتقم 💔
Randomروايتي خياليه لكن مافيها اي من الاحداث الخارقه للطبيعه ك شخص يطير او له قوه وجي روايتي تتكلم ب اختصار عن بنت اماراتيه عايشه و يا خواتها وامها في بيت قريب من بيت يدها ( ريم ) هي بطله روايتي اهم شي عندها اهلها و اخوانها بس هدفها ف الحقيقه هو الانتقام...
