سأنتقم 💔

البارت 29

شذى :- لا ريم ماسوتلي شي بس غصبا عني
شيخة :- ليش
شذى سكتت
شيخة :- قولي عشان اعرف كيف اساعدج
شذى :- ااا في وحده كانت ربيعتي قبل و بعدين خونت فيني و صارت تهددني بصوري الي عندها و هي مادري كيف حبت سالم وحاطه عينها عليه
شيخة تفكر :- ايواا انزين خلي موضوعها علي امم عطيني رقمها و عنوان بيتها
عند ريم
نمت وانا اتذكر كل الكلام الي سمعته
يعني ابوي مات محترق فالمستشفى
بسبب احمد اممم

اليوم الثاني
ساره
سرت عند غرفه ريم اقومها بس كل عاده الاقيها دايما تقوم الصبح وتطلع هاي المره ما ارتحت وقلبي ماطمني عليها في شي بيصير اكيد في شي طلعت من غرفتها وسرت عند محمد
ساره :- حمود قوم
محمد نايم
ساره :- حمود قوم بسرعة ابيك فموضوع
محمد :- هممم امي بعدين
ساره :- اختك ريم مب فالبيت قوم شوف وين سارت
محمد :- وين بتكون يعني اكيد ف شغلها
ساره :- المشكله ان اليوم اجازه
محمد يصحصح :- هيه صح يلا الحين ببدل وبنزل

عند ريم
طلعت من البيت و سرت اتمشى بدون ماحد يعرف و الحراس معطيتهم اجازه
وقفت عند بيت الشاي خذيتلي براته و كرك وحركت ( فوني يدق )
ريم :- الوو
،،،،،:- هلاا ريم
ريم :- مين
،،،،:- وحده بتطيحج ف داهية
ريم :- اوك يعني
،،،،،،،:- سمعي اذا مافصختي خطبتج من سالم والله لا اخلي سمعتج تنزل للارض
ريم تمثل الخوف :- لاا لا تامرين امر برفضه وانتهينا لا توهقيني ( عقب تضحك ) هههههه تحسبيني بقولج جي يعني ،،،،،،:- ترى انا اعرف انتي وين الحين وادري انج سرتي بيت الشاي و الحين تتمشين في شارع ال،،، ريم بدون مبالا :- اوه يالسه تراقبيني وااو حسيت نفسي من الشخصيات المهمه ،،،،،:- اوك يعني ماخفتي صح انا اروايج ( وسكرت الخط )
ريم تكلم نفسها :- شو هاي البلوه الي طاحت فوق راسي ياالله ، شوي وتشوف سيارتين تلحقها
ريم تزيد السرعة :- اففف لازم جوي يخترب
دقيت عليه
ريم :- الو سالم
سالم :- همم
ريم :- نايم
سالم :- لا غريبه متصله ها الوقت
ريم :- لانه في سيارتين تتبعني و
سالم يقاطعهاا:- شو مسويه ليش يلحقونج
ريم :- وحده من معجبينك تقول ارفضي سالم ولا اطيحج ف داهية
سالم :- اوف اوف من متى توني ادري انتي وين بييج
ريم :- مايحتاي الحين بضيعهم
سالم عصب :- قولي ولا والله
ريم تقاطعة :- محمد يتصل باي برد عليه

سكرت من سالم  و رديت على محمد
ريم :- هلا محمد شلونك
محمد ماسك اعصابه :- وينج ريم
ريم عرفت انه معصب :- والله طلعت اغير جو
محمد :- انزين وينج
ريم :- في شارع ال****
محمد :- ومتى تردين البيت
ريم :- شوي وراده فالطريق
محمد :- اوك اترياج فالبيت
سكرت منه و حتى الحين ملاحضه ان السيارات يتبعوني زدت السرعة اكثر عن قبل و تميت ادخل بين البيوت و الشوارع الضيقه
بس المشكله انهم يعرفون يلاحقون محترفين سواقه ماقدرت اضيعهم و انا فالطريق عرفت خلاص انهم بيمسكوني ف اتصلت فالشرطه
ريم :- الوو شرطة
الشرطي :- هلا تفضلي اختي
ريم مستعجله لان وحده من السيارات الي تتبعها صارت قدامها :- في سيارتين تتبعني انا في شارع ال**** حاليا و ابيكم تعرفون موقعي و رقم سيارتي ##### و تعرفون رقم فوني اسمي ريم راشد لانهم بيخطفوني اكيد
الشرطي :- كيف اعرف انج ماتكذبين
ريم :- شو الي كيف اعرف انج ماتكذبين بسرعههه ( وسكرت الخط لان السياره الي قدامها خففت وانجبرت هي تخفف لين وقفت سيارتها و الي معاها
سكررت ابواب السياره علي نفسي ويلست اراقب مين الي بينزل من السياره
عند سالم
طلعت من البيت و يلست ادور ف الشوارع العامه ادورها ماخطر على بالي ابدا انها تدخل الشوارع الي بين البيوت
دقيت عليها اكثر من مره بس ماترد ف دقيت على محمد
سالم :- الو محمد
محمد :- هلا
سالم :- وينك
محمد :- فالبيت
سالم :- و ريم وينها
محمد :- شدخلك فيها
سالم :- سمعت انها طلعت و انه في سيارتين يلاحقونها ماتدري
محمد وقف منصدم :- نعمم كيف عرفت
سالم :- عرفت وانتهى الحين قوم دور على سيارتها معاي
محمد :- مب لازم لانه اكيد حراسها معاها
سالم يلس يفكر :- اوه صح نسيت محد يقدر عليها خلاص عيل اذا رجعت اتصل فيني اطمن الي عندي
محمد :- اها حمده الي قالتلك صح
سالم :- هيه هي خبرتني ولا كيف بعرف خبرني اذا يت عسب اطمنها ( كذاب )) محمد :- اوك
سكرت منه وسرت على البيت

عند ساره
يلست احاتي ريم ماعرف ليش بس ابدا مب مرتاحه
ساره :- حموود
محمد:- هلاا امي
ساره :- وصلك خبر عن ريم
محمد :- لا تحاتين اكيد معاها الحراس
ساره :- حتى لوو قلبي مو مطمني
محمد :- خلاص امي عادي

عند ريم

بعد ماسكرت السياره على نفسي شفت ريالين ينزلون من السياره الي قدامي و اثنين من السياره الي وراي خفت صراحة بس ماعرفت شو اسوي اول مره يستويلي جي اكيد بخاف وبتوتر بس لازم امسك نفسي وابين اني قويه ومب خايفه
قرب واحد من الرياييل عند دريشه سيارتي ودق الدريشه و حاول يفتح الباب وانا اطالعه
ماكان في بالي اني افتحله ابدا بس يوم شفتهم يطلعون فاس من سيارتهم خفت ونزلت من السياره قربوا مني الاربعه
ريم بصوت قوي :- نعمم شو تبوون خيير
رامس بصوت يخوف :- ههههه ترى نحن الحين مب فالشركة يعني لا تتكلمين كأنج مديرتنا انتي في موقف ماينحسد عليه حاليا

رامس عمره 22 شخص قوي و حقود يحب يلعب على الناس فوضوي و معروف ب مشاكله الي ماتخلص و فقير بس ف نفس الوقت حلو ووسيم ويلعب على البنات عشان ياخذ فلوسهم
ريم :- شو تبا مني
رامس يقرب من ريم :- اباج انتي
ريم تبعد :- وانا ما ابيك
رامس :- محد طلب رايج
واحد من الي معا رامس :- رامس لا تخرب الخطه الي متفقين عليها
رامس يلف ويعطيه نضره معصب :- لا تتدخل
و يلف عند ريم يمسك يدها ويسحبها سيارتهم
ريم تحاول تفك منه :- وخر عني انا بمشي بدون ماتسحبني مب انا الي تنسحب
رامس يضحك ويفكها
في الشرطه
الشرطي 1 :- توه اتصلت بنت وتقول ان حد بيخطفها وهي في شارع ال ***
الشرطي 2 :- تتوقع انه كذب
الشرطي 1 :- انا ها الي يا فبالي بس يوم قلتلها عصبت و هزئتني حتى انها عطتني رقم سيارتها و موقعها
الشرطي 2 :- قوم قوم نلحقها ونشوف كيف
شرطي 1 يقوم :- اوك يلا
عند ريم
دخلت معاهم السياره و علي يميني رامس واثنين قدام و واحد يسوق السياره الي ورانا
لفيت جهته :- ممكن اعرف شو تبون مني
رامس :- ولا شي
ريم :- تبون فلوس عطيتكم بس وخرو عني
رامس :- يعني انتي تحاولين تبينين انج قويه ومتمسكة
ريم تسويله طاف
رامس :- دايما الاغنياء امثالكم متكبرين
ريم :- يعني انت فقير خلاص فكني وانا عطيتك فلوس
رامس يلف يطالعها بنضره احتقار ويلف لدريشة
ريم :- الي من امثالكم قليلين ادب وتربيه و لازم يمسكونهم الشرطة ف اقرب وقت
رامس :- والي مثلكم مدللين وعايشين في احسن عيشه مب حاسين ف النعمه الي عندكم و متكبرين مثلج .