عند سالم
وصلت باسكن روبنز وطلبت اسكريم شوكليت و يلست انتضر بدر نص ساعة و. وصل
سالم :- كان تاخرت اكثر
بدر مبتسم :- الطريق زحمة شو اسوي
سالم :- شو هو الموضوع المهم الي تبي تقولي
بدر :- سلم اول بعدين ترى موضوع عادي بس عندي مهم
سالم :- اوك شو هو
بدر :- تدري اني حبييت
سالم بنرفزه :- سخييييف انتضرتك نص ساعة و فالنهايه تقول حبيت افف عادي اضربك
بدر بضحكة :- ههههه انت اسمعع ماخلصت كلامي
سالم يقوم :- ماريد اسمع
بدر يكمل :- حبييت ريم راشد
سالم يحسب انه سمع غلط :- ها شو قلت
بدر بزعل :- شفيك ادري انك تحبها بس ترى قلبي هو الي اختارها مب انا اذا علي كان خليتها لك بس قلبي يريدها ومتمسك فيها
سالم مب مستوعب ابدا :- ويت ويت فهمني من البدايه مين ريم راشد
بدر بهدوء :- مين غيرها يعني بنت عمي راشد
سالم :- ايوا
بدر :- شو ايوا اقولك احبهاا وادري انك تحبها
سالم تلعوز مايريد يخسر بدر بس بعد مايريد يخسر ريم و معصب في نفس
الوقت :- ممم مين قالك اني احبها انا ما احبها بس عسب يدي قلت اتزوجها لا اكثر ولا اقل وقام طلع من المكان
بدر يالس بروحة يفكر بالي سواه اذا كان صح ولا غلططط ( شرايكم انتو يالي تقرئون صح ولا غلط )) ؟؟
عند ريم
ساره :- شخبارج يابنتي اشتقنالج والله لج وحشهه
ريم :- اشتقتلكم اكثر والله بس مو بيدي
محمد :- اسمعوا شرايكم نطلع المول
نوره :- ايوا ابا اشتري اغراض
محمد :- هيه اشتري حق عرسج
نوره بضيقه محد لاحضها غير ريم :- هيه هيه اكيد
ساره :- يلا قوموا تجهزوا عسب نسير المول
—- فالمول ——-
البنات يدورون و الاولاد خلصوا بخمس دقايق و يلسوا ف الكوفي
محمد :- اففف انا ليش يبت فكره اننا نروح المول مايخلصووون اخر شي مايشترون شي
حمدان مب معاه :- مين هم
محمد :- مين بعد امك و خواتك
حمدان :- شفيهم
محمد عصب :- اقول خليك ع الفون احسن
حمدان بهدوء :- صدقت
عند ريم ونوره
ريم :- اقولج نوره
نوره :- هلا
ريم :- في شي بينج وبين سيف صح
نوره :- شعرفج
ريم :- شكلج بين يوم تضايقتي من محمد ف عرفت
نوره :- حاولت ما ابين بس ماقدر عليج
ريم :- المهم مب وقته الحين اليوم يوم نرد تخبريني
ساره تنادي :- نوره ريم شرايكم بهاي القطعة
عند سالم
طلعت متضاايق من الي سمعته افف شو هاي المشكله الي طلعتلي رحت البحر شوي وسلامه تتصل فيني
سالم بدون نفس :- هلا
سلامه :،،،
عند سلامه
قلبها ماطاوعها انها تتم جي مع ريم دايما هي وريم كانوا ويا بعض و مايخبون شي عن بعض ماكانت تعرف شو تسوي تبا تفضفض حق حد
و ماتعرف لمين بس بعد ماعرفت انه سالم بيسير عند ريم مره ثانيه من ابوها اتصلت فيه
سلامه :- هلا شخبارك
سالم :- الحمدالله
سلامه :- مشغول
سالم حس انه عندها شي تبي تقوله :- لا ليش
سلامه :- تعال بيتنا ابي اقولك شي ضروري
عند ريم و نوره في شقه ريم
ريم منسدحة عالشبريه وتكلم نوره :- الحين انتي متضايقه من الكلام الي قالج اياه في ملكتج
نوره :- ليش انتي تشوفين ها شي هيين انه يحب وحده غير عن الي بتكون زوجته
ريم :- طيب هو قالج انه يريدج تخلينه يحبج عسب تكون حياتكم ماشيه تمام ها كله بيدج انتي ، انتي الي بتخلينه يحبج او يكرهج
نوره :- ريم تعرفين اني احبه من زماان ماتحملت انه يقولي ذاك الكلام في هذاك الوقت بالتحديد
ريم بهدوء :- امم خلاص امشي على الي بقولج اياه و الباقي خليه علي
عند سالم و سلامه
سالم بطفش :- ها شو
سلامه :- امم تعرف كيف ابوي عرف مكان ريم انا الي خبرته عنها تدري ليش
سالم مستغرب :- ليش
سلامه :- كرهت تصرفها مع ابوي مهما شو ماصار انا ماقدر ارضى على ابوي الي قالته كان وايد كبير بالنسبالي و كنت وقتها معصبه بس تدري
سالم ساكت خلاها تطلع الي فخاطرها
سلامه :- ماقدرت اشتقتلها ابي نرجع مثل قبل اشتقت لهبالها صح الي قالته عصبني بس اكيد عندها اسباب
سالم بهدوء :- شو المطلوب مني ليش خبرتيني انا بالذات
سلامه بدموع :- ابيك تساعدني في ،،،،،،
سالم بضيق :- ابشري خليها علي
عند سيف
سيف بهدوء :- لازم نقطع هاي العلاقه
البنت :- ليشش
سيف :- لاني بتزوج
البنت :- واناااا الي وقفت معااك سنيين ، بتتركني
سيف بحزن :- احبج والله بس ماقدر اخون بنت عمي
البنت :- تذكر اول ايام تعارفنا فيها
سيف ببتسامه :- كيف ما اذكر احلى صدفه كانت يوم هاوشتيني فالمول
البنت :- بعدين يوم عصبت وتميت تلحقني
وعرفت وين بيتنا
سيف :- مادري ليش لحقتج الصراحة بدون ما احس شفت نفسي قدام بيتكم
البنت :- وانا مادري كيف رضيت اني اكلمك وادري انك مابتكون لي ابدا
عند بدر
راجعت نفسي و قررت اني اروح بيت سالم عسب اخلص الي بديته خليني اشوف رده فلعه يوم يشوفني عندهم هههه اكيد بينفجر بس ماعليه
عند ريم
بعد ما نامت نوره طلعت من الغرفه بدون ماتحس و طبعا على طول اتصلت فيه
ريم بهدووء :- السلام عليكم
،،،،،:- وعليكم السلام مين
ريم :- بهاي السرعة نسيت صوتي
،،،،،:- هيه نسيت ذكريني
ريم :- ريم بنت عمك ياغبي المهم مو موضوعنا اتصلت فيك عشان
يقاطعهاا :- اذا عشان سالفه اختج ف انا
ريم ترد تقاطعةة :- اسمعني وخليني اخلص عقب قول الي عندك اول شي انا بعترف لك اني انا الي رسلت رساله التهديد في يوم العيد اذا تذكرر
سيف بصدمه :- تدرين كنت حاسس بس ماتوقعتج تعترفين بس ممكن اعرف السبب
ريم :- اممم مب انا الي اللف و ادور بعطيك الي صار و خلاني اخليك غصب تخطبها بس قبل هاا
نهايه البارت ،،
اتمنى انه عجبكم 😤❤️
لاتنسون تعطوني رايكم ، رايكم يهمني 😊🤍
أنت تقرأ
سأنتقم 💔
Randomروايتي خياليه لكن مافيها اي من الاحداث الخارقه للطبيعه ك شخص يطير او له قوه وجي روايتي تتكلم ب اختصار عن بنت اماراتيه عايشه و يا خواتها وامها في بيت قريب من بيت يدها ( ريم ) هي بطله روايتي اهم شي عندها اهلها و اخوانها بس هدفها ف الحقيقه هو الانتقام...
