الضهر ساعة 2:30
ساره
طلعت اشوف ريم حتى الحين مانزلت دقيت باب غرفتها بس محد يرد ف دخلت مالاقيتها ف الغرفه قلت يمكن تكون ف الحمام يلست ع الشبريه اترياها دقيقه ثلاث خمس محد طلع رحت ادق باب الحمام و فتحته مب موجوده يااا وين طلعت بعد
ريم
طلعت الصبح من البيت و رحت المكان الي تشتغل فيه مهره دخلت مكتبها
ريم :- السلام عليكم
مهره من طرف خشمها تتكلم:- وعليكم السلام هلا اختي شو تبين
ريم :- ابي اكلمج ضروري
مهره :- مشغوله يوم اخلص بييج انتي انتضريني برع
ريم :- ماعندي وقت اقولج ضروري
مهره :- وانا بعد مب فاضيتلج توكلي
ريم تيلس فالكرسي الي مقابل مهره وتعطيها بطاقتها مال الشركة
مهره انصدمت وعلى طول تغيير اسلوبها مع ريم
مهره :- اوه هلا هلا سمحيلي ماعرفت انج مديره الراشد شو تبين امري
ريم ب ابتسامه مصطنعه :- سبب شخصي والله
مهره :- امريني
ريم :- ييت اخطبج حق اخوي انتي عندج حد فحياتج او تحبين حد
مهره استانست و تصنعت الخجل :- اوهه بس انتي كيف عرفتيني
ريم :- سمعت عنج و عن اخلاقج الزينه ها شو ردج عندج حد
مهره :- لا ابدا مافي اي شخص فحياتي
ريم :- ايوااا سمعت انه في واحد اسمه سيف بيتقدملج وانه بينكم علاقه
مهره تصرف الموضوع :- لا ابدا انا ما احبه هو يلاحقني و مسويلي ازعااج و حبني يبي يخطبني بس انا رافضه مستحيل اخذ هاي الاشكال
ريم بصوت شبه عالي :-،،،،
ريم بصوت شبه عالي :- هاي الاشكال انتي ماتساوين ربع الي عندهم و سيف ولد عمي ،، تحسبين اني ماعرف عن سوالفج مع الشباب هه وبعدين صح سجلت ها الكلام كله و براويه سيف و انا ريم الي سكرتي بويهي اذا ماتتذكرين
مهره منصدمهه وساكته
ريم :- ماعندج شي تقولينه صح يلاا بايي مهاري الجميله اقصد الجنيه ههههه
طلعت من عندها وسرت شركتي وعلى طول على مكتبي وانا يالسه اندق الباب ودخلت منه بنت
ريم طالعتها بنضره وسكتت مسويتلها طااف
وهي تعرف ليش
عند سالم
تميت افكرر ف الي قالته انا اعرف انها تبي تنتقم من يدي بس انا شو ذنبي اسوي الي بتسويه واعرف انه غلط ليش ما اجاريها و اقول اني بسوي الي تبيه و عقب ماتكون لي ارفض لانه يدي ومستحيل اسوي شي مايرضيه
عند سلامه
حتى ها الوقت مايتني الفرصه اني ايلس بروحي مع ريم وا احاول فيها انها تسامحني ادري انه قلبها طيب وبترضى علي بسرعة خلاص شكلي بروح شركتها ها الوقت تكون هناك
وصلت شركتها و توجهت مكتبها ودخلت
شافتني و ولا عبرتني
سلامه :- اخبارج
ريم ساكته
سلامه :- ليش ماتردين علي
ريم ***
سلامه :- خلااص رييم يكفي تعبت لين متى بتتمين جي
ريم ب استهزاء :- تعبتي ! من شوو ؟
سلامه :- اشتقت لايامنا قبل
ريم :- امم
سلامه :- الحين كلمه وحده بتسامحيني ولا لا
ريم :- مب فاضيتلج الحين عندي اوراق مهمه لازم اخلصها
سلامه :- بس بتفضين عشاني
ريم تترك كل الي ف يدها وتسكت تترياها تقول الي عندها
سلامه :- والله اسفهه ماكان قصدي جي بس تدرين انتي غلطتي على الي اعتبره اول سند لي ابوي حتى لوو شو ماصار ما اقدر ارضى وانا اشوفج تغلطين عليه و ترى هو يدج ياغبيه كيف تسوين فيه جذي
ريم بصوت خفييف مكسور :- ادري انه يدي بس شوو اسوي لاازم
سلامه :- شو الي لازم هو مهما سوى ل راشد اخوي بيتعذب معاه لانه ولده و الاب يحس ب عياله يعني انتي مالج دخل ف علاقتهم اب و ولده و بعدين صدقيني انه ندم يوم تبرا منه و يوم عرف بوفاته
ريم :- بسس
سلامه تقاطعها :- انسيي خلااص ابدي صفحة يديده
ريم :- تدرين اخر مره شو قالي
سلامه :- شو
ريم :- يقول انه كل الي فهمته غلط
سلامه :- كيف !
ريم :- يوم كلهم راحو يدي يلسني عنده وقال انه يبي يكلمني انا وافقت ماقدر ارفض واايد طبعا يدي حتى الحين ماخذ مكانه فقلبي
ف الي صاار انه قالي كلاام ما ادري اصدقه ولا لا
سلامه :- شوو هوو قوليلي
ريم اول ماتبا تتكلم يندق الباب وتدخل منه شوق و وراها محمد وحسن
ريم مستغربه :- شو صاير
شوق :- الشركة في حاله صعبه الحين و الارباح تتضاعف
ريم تقوم من مكانها :- ليش ايش فيه
محمد :- في شركه يديده طلعت و اشتهرت بسرعه والحين هي وحده من خصومنا
حسن :- و مدير الشركة ناوي يقابلج او ب الاخص يقابل رئيس شركتنا وهو انتي
ريم تلف عند سلامه :- سلامه انا مشغوله الحين مثل ماتشوفين
سلامه فهمت الطرده المحترمه :- اوك الحين بروح عقب نتفاهم باي
ريم تكلم شوق :- بسرعة اجتمااع ضروري
شوق :- اوك الحين بجهزه
ريم :- استعيلي وتلف تكلم محمد :- محمد ابيك تكلم مدير شركتهم و تحدد موعد اقدر ازورهم فيه
محمد :- اوك
ريم :- وانت حسن ييبلي كل المعلومات عن شركتهم
حسن :- المعلومات كلها موجوده ف الاجتماع بنقولها
ريم :- اوك
عند سالم
خبرت ابوي نروح نخطبها و وافق ف كلم امي تكلم امها وتحدد يوم زياره
عليا :- السلام عليكم شخبارج ساره وكيف ريم و العيال
ساره :- هلا ام سالم تمام الحمدالله انتي اخبارج و اخبار ريلج وعيالج متى ناويين تزورونا وتنوروونا
عليا :- هيه انا اتصلت لج عسب نحدد يوم نزوركم فيه و مره وحده نخطب
ساره :- تخطبوون !
عليا :- هيه ولدي سالم حق بنتج ريم
ساره توترت :- بس ريم ماعرف شو مقرره
عليا بجديه:- والله مابتلاقي احسن من ولدي يحفضها و يصونها
ساره :- اكيد ولد عمها مابتلاقي احسن منه بس تدرين لازم اشاورها و بعد نحدد يوم واردلج خبر
عليا :- خير ان شاءالله
عند سيف
عشرين اللف مره دقيت حق مهره بس ماترد علي غريبه شو صايرلها لا يكون اكتشفو اهلها انها تكلمني اوه فوني يدق يمكن هي ( خذيت فوني و رديت بدون ما اقرا الاسم )
سيف :- هلا والله ب ها الصوت شفيج من الصبح اتصل ماتردين فيج شي حبي
نوره عصبت :- هيييه احترم نفسك انا مب وحده من الي تلعب عليهم
سيف يشوف الرقم وعرف انها نوره :- هاا خيير شتبين
نوره :- تعال بيتنا اليوم ابيك بموضوع
سيف :- مابي قولي بالفون
نوره :- ماينفع بالفون تعال عندنا
سيف يتمسخر :- شو اشتقتيلي لهاي الدرجة تحبيني وتبين تشوفيني
نوره :- حبك برص ان شاءالله وتسكر فويهه
سيف يوخر الفون من اذنه ( افف متفيقلهاا اناا )) في شركة ثانيه ،،،،،* :- نعم اخوي
محمد :- معاك محمد من شركة الراشد ،،،،،*بغرور :- هيه نعم شو صاير
محمد ماعجبه اسلوبه :- ابد مب صاير شي بس مديره شركتنا تبي تقابل مدير شركتكم اذا ممكن يعني تحددون وقت تزوركم فيه
،،،،* :- امم خيير ان شاءالله اذا فيه وقت تدري مشغولين ب شركتنا
أنت تقرأ
سأنتقم 💔
Randomروايتي خياليه لكن مافيها اي من الاحداث الخارقه للطبيعه ك شخص يطير او له قوه وجي روايتي تتكلم ب اختصار عن بنت اماراتيه عايشه و يا خواتها وامها في بيت قريب من بيت يدها ( ريم ) هي بطله روايتي اهم شي عندها اهلها و اخوانها بس هدفها ف الحقيقه هو الانتقام...
