سأنتقم 💔

البارت 24

ان شاء الله يعجبكم

.
.
.

عند البنات
نوره يالسه بعيد وتسمع بس
سلامه يالسه عند الحريم عشان ريم مب مسامحتها ف ماسارت عندهم
حمده و شيخة و شذى يالسين مع ريم
شيخة :- اقولج ريم نبا نطلع نتمشى نفس قبل
حمده تغريها :- هيه صح ونشتري من باسكن روبنز
شذى :- شو رايج
ريم :- صراحة مالي خلق مشغووله
حمده :- خلي الشغل على اخوانج او سالم اخوي
ريم بنضره لحمده :- شدخل اخوج ف شغلي
شذى تتدخل :- مب هو الي بيصير زوجج ف من الحين لازم تكتبين كل شي ب اسمه
ريم :- على كيفكم هوو ( وقامت عند امها وعماتها )

اليده فاطمه :- هلا حبيبتي ريم شخبارج
ريم تبوس راس يدتها :- تمام طول عمرج اخبارج انتي
اليده فاطمه :- بخير دامج بخير امم متى ناويه تخلينا نفرح فيج ونشوف ضناج
ريم بهدوء عكس الي داخلها :- ان شاءالله يدتي يوم ايي نصيبي

ريم
قمت من عند يدتي شبلاهم كلهم يتكلمون عن الزواج الحين الله يستر ايي يدي و يتكلم فالميلس بعد افف قبل ما اطلع من عندهم شفت نوره يالسه بروحها وشكلها متضايقه سرت عندها
ريم :- نوره شبلاج منو مزعلج
نوره بدون ماتحط عينها ف عين ريم :- ولاشي
ريم فهمت انه في شي :- قومي قومي معاي
نوره :- وين مالي نفس
ريم:- اهني فالحوش
قمت انا و نوره وطلعنا الحوش ويلسنا ع الجلسه الي برع قريب من الباب الي طالع و الي داخل يشوفنا
ريم :- تكلمي
نوره عصبت :- شو تبيني اقوول مافي شي ماتفهمين
ريم متأكده :- الا في شي مدام انج انفجرتي الحين

سيف
مليت من سوالفهم قلت خليني اكلم مهره ابرك لي طلعت الحوش ابا اتصل بس شفت نوره وريم وشكلة في مشكلة بينهم قربت منهم بدون مايحسون

هنري :- يجب علي ان اذهب هناك بسرعة لاخبرها الحقيقه التي اكتشفتها
الممرضه :- من تقصد
هنري :- ريم لقد علمت بالموضوع بشكل خاطئ
الممرضه :- اي موضوع
هنري :- انتقامها من حمد جدها
الممرضه :- هل تريد حجز تذكره للامارات
هنري :- اجل وفي اقرب طائره
الممرضه :- حسنا

عند ريم ونوره
ريم متأكده :- الا في شي مدام انج انفجرتي الحين
نوره نزلت دموعها :- لا تخبين علي قوليلي كل شي انتي شو مسويه
ريم توترت :- اناا
نوره :- ايي انتييي
ريم :- ماسويت شيي شفييج ف اي موضوع تتكلمين
نوره :- سييف شوو قلتييله شووو مستحيل يخطبني وهو مايحبني و يحب غيري شو سويت انا فدنيتي شوو
ريم :- هدي هدي ماقلت له شي بعدين يدي هو الي خطبج لسيف صح ولا كلامي غلط
نوره :- في ان فالموضوع ريم بلييز لا تتدخلين فحياتي يكفيي
ريم :- انتي اكثرر وحده تعرفين اني بسوي اي شي بس عشان تكونين مرتاحة
نوره :- انا برتاح اذا حليت مشاكلي بروحي لا تتصرفين بدون ماتخبريني الا اذا طلبت منج
ريم سكتت
نوره تبكي :- ارجووج فهميني
ريم تمسك اختها :- اوك فاهمتج حبيبتي خلاص من عيونيي بس هديي الحين

سيف
سمعت كل كلامهم بس ماحبيت اتدخل ماعرف شو بيستوي اذا تدخلت بس بنتضر وبشوف شو بيستوي عقب

ريم
خذيت نوره للحمام عسب تغسل ويهها و بعدين رحنا الميلس شوي ويدخلون الشباب ومعاهم يدي واعمامي
قمت انا والبنات وسلمنا على يدي حمد و عقبه اعمامي عبدالله وخليفه
بس يوم سلمت على عمي عبدالله عطاني نضره وقال باذني بصوت خفيف ( بعد كم يووم بني نخطبج جهزي نفسج )
يالييل هاي اسالفه الي ماتخلص متى بيفهمون انيي ما ابيي الضاهر لازم اكلمه
فتحت فوني و دخلت رقمه وسجلته وكلمته على الواتس
ريم (( اسمعني زين خلي عندك كراامه ولا تتقدم لي ابدا لاني برفض ))
سكرت الفون ويلست اراقبه و اشوف رده فعله يوم يقرا الرساله .

عند سالم
وصلني مسج منها انا اعرف رقمها من قبل يشبه رقم اخوها بس اخر رقم غير قبل ما اقرا رسالتها شفتها تراقبني ف قلت اسكر الرساله واقراها عقب

الفليل كل حد سار بيته الا بيت راشد لان الجد حمد كان يبيي يكلم ريم ف موضوع ف يلسو شوي لين ماتطلع ريم من عند يدها،، شوي وتطلع ريم و ويهها مخطووف لونه وعلامات الصدمه باينه ف عيونها

حمدان ومحمد :- ريم شصاير
ساره :- شفيج شو قالج
ريم تحاول تكون طبيعيه :- مافي شي
حمدان :- الا فيه
اليد حمد يطلع ورى ريم :- مافي شي مثل ماقالت بيني وبينها وفي يوم بتقولكم الي صار

عند ريم
ماكنت متوقعه ها الكلام الي قاله يدي بس بعد لازم اتأكد منه المهم طلعت انا وهلي وسرنا بيتنا وكل واحد راح غرفته يرقد اما انا فوصلني مسج من سالم ويلست ارد عليه

عند سالم
وصلت البيت وسرت غرفتي ابي اعرف شو كتبت متحمس فتحت الواتس ودخلت محادثتها
(( اسمعني زين خلي عندك كراامه ولا تتقدم لي ابدا لاني برفض ))
عصبت من ردهاا مادري ليش شايفه نفسها رديت عليها
(( بتوافقين ليش ترفضين في سبب ؟ ))
شوي وترد علي (( مافي سبب ومافي شي ايي بالغصب ))
اوك لازم اتفاهم معاها بالطيب (( ماقلت اني اباج بالغصب ابيج انتي توافقين وبرضاج ))
ردت ((  اذا تبي برضاي ف انا مب راضيه الحين ))
(( الحين يعني تقصدين ان ها الوقت مب مناسب متى يعني يكون الوقت الي يرضيج ))
(( مادري مادري ولا اقول تعال تقدملي بس بشروط انك تساعدني ف الشي الي بسويه ))
استانست بس في نفس الوقت يمكن ما اقدر اوفي شروطها

(( شوهي شروطج ))

(( تساعدني ف انتقامي )) ...

لاتنسون حبايبي رايكم وااايد يهمني ❤️