ذكريات
ساره ببكى :- راشد
راشد :- همم
ساره :- حمدان يصييح ماقدر انام تعبت خلاص
راشد يقوم ياخذ ولده :- شفيك بابا ليش تبكي ( يحاول يسكته )
ساره :- خذه وطلعوا برع ابا انام بس ساعه خلوني ارتاح
دق دق دق ( الباب )
راشد :- مين
ريم :- انا ( وتفتح الباب وتدخل ) امي عطيني حمدان انا بنومه وانتي نامي
ساره تبتسم :- لا حبيبتي روحي نامي
حمدان زاد صراخه
ريم تركض عنده وتشله فحضنها وتغني :- نم ياصغير وانعم بالاحلام ليتها احلى الاحلام نم في هدوء ودع البكاء و استبدله ب ضحكات الانغام نم ياصغيرر
راشد وساره يطالعون ريم ويبتسمون
خف صراخ حمدان لين نام
ذكريات
حمد :- راشد ياولدي لا تكون جي طيب ب زياده
راشد :- ليش
حمد :- اسمع ترى الي يكون طيب بزياده مايعيش و حقوقه تضيع
راشد :- ماعليك ابوي اعرف ادبر اموري
حمد :- عطيتك نصيحتي لاني اعرفك
راشد يبوس راس ابوه :- الله يخليك لي يالغالي
*
*
*
راشد :- ابوي خلاص خليه
حمد :- مستحيل ( و طلع السلاح)
راشد :- لا ابوي الي تسوييه غلط اصحى
اليد حمد :- راشد روح عن ويهي
راشد :- ابوي لاا يا ابوي ساامحةة خلاص
اليد حمد :- كيف تبيني اسامح واحد كان يبي يسرقني و يسرق كل ممتلكاتي
راشد :- بس مب لدرجة انك تقتله خلاص كشفته و كل شي بيرد لك
اليد حمد :- لا لازم اقتله و يصوب على الريال لكن راشد يتدخل و يوقف قدام ابوه و تي الرصاصه ف كتفه و يطيح شوي و يغمى عليه
اليد حمد :- لاا راااشد رااشد كله منك يا احمد كله منكك
*
*
حمد :- انا متبري منك ليوم الدين
راشد :- بس يا ابوي
*
*
نوره :- وعدتني انك تتم ويانا دايما
راشد حضن بنته :- وعدتج ووعد الحر دين
نوره وهي بحضن ابوها :- وتزفني فعرسي
راشد ابتسم :- لي الشرف ازف احلى عروس فهالدنيا
*
ريم :- انت وعدتني انك مابتروح وتختفي وتتركنا مره ثانيه
*
ساره :- واو يعني الحين انا مب ارمله
*
الواقع
ريم
طلعت من الشركة بعد ماسمعت صوت قوي برع لفيت اشوف كل الناس ملتمين بدافع الفضول رحت اشوف شو الي صار
سياره داخله بيدار الشركه و جثتين طايحه وحده يمب السياره و الثانيه طايره شوي بعيد
ماهتميت كثير اتصلت ع الاسعاف وخبرتهم مكان الحادث عقب لفيت بدخل الشركه
راشد :- ريم انا بطلع شوي اتمشى قدام الشركه يوم تخلصين الي في يدج تعالي
اوهه ابوي قال انه بيطلع بدق له
رنه
رنتين
ثلاث مايرد
واحد من الاشخاص :- لو سمحتي
ريم لفت :- هلا
الريال :- تعرفين صاحب ها الفون
ريم ب استغراب مسكت الفون :- ايهه هذا حق ابوي
الريال بحزن :- عضم الله اجرج
ريم مب مستوعبه :- نعمم
الريال :- الجثه الثانيه الي مفروفه بعيد كان ها الفون مفرور وياها
ريم قامت تركض ( مستحيل مب ابوي لا )
أنت تقرأ
سأنتقم 💔
Randomروايتي خياليه لكن مافيها اي من الاحداث الخارقه للطبيعه ك شخص يطير او له قوه وجي روايتي تتكلم ب اختصار عن بنت اماراتيه عايشه و يا خواتها وامها في بيت قريب من بيت يدها ( ريم ) هي بطله روايتي اهم شي عندها اهلها و اخوانها بس هدفها ف الحقيقه هو الانتقام...
