سأنتقم 💔

البارت 8

تسريع الاحداث

في الحديقة
مسوين ليتات ف الاشجار الي تتركب ب الطول يعني تكون في كل الاشجار على شكل دائراه و يايبين طاوله كبيره ف النص حق الكيك و يمبها طاوله مستطيله حق الهدايه و وراها حروف اسم ريم ب البالونات و مسوين سجاده حمرا ف النص تودي لطاوله الكيك و ورود في كل مكان ف الحديقة
محمد :- هلا نوره يلا كل شي جاهز تعالو انتو البنات الحريم كلهم يو عندنا
نوره :- خلاص اوك
نوره تكلم البنات :- بنات تعالو نروح الحديقة
البنات :- اوك يلا
ريم تقوم وياهم
سلامه :- ريم ترييني بيب ماي و بي
ريم :- اوك يلا انتضرج

بعد كم دقيقه
راحت ريم و سلامه

ريم
مدري شو فيهم البنات كل ما اقول يلا نروح الحديقة يتوترون و يغيرون السالفة وااضح عليهم
المهم الحين بروح و بجوف شو عندهم ،، يوم قربت اجوف الكل يالس ف الكراسي و اول ما وصلت على طول اشتغلت اغنيه تاريخ ميلاد و يا محمد عندي
محمد :- كل عااااام وانتي باالف خييير حبيبتي
ريم تطالعة :- وانت بخييير حمووود
سلامه يمب ريم :- عقبال مليون سنه ان شاءالله
ريم :- شكرا حياتي
محمد :- يلا تعالي عند الكيك عشان تقصينه
رحت مع محمد و وقفت عند الطاوله شوي و تي البشكاره وياها الكيك كيك شوكليت من طبقتين الطبقه الاولى دائره كبيره والثانيه دائره صغيره فوقها الي فوق عباره عن ايسكريم شوكليت و الي تحت كيك و مكتوب عليها ( ل احلى بنت ف هالكون اختي حبيبتي ريم كل سنه وانتي طيبه عقبال ما اجوف عيالج هههه ) ابتسمت و قصينا الكيك طبعا اول ماقصيت الكل صارخ و تصفيق و ازعاج
محمد :- يلا وقت الهدايه
رحت عند طاوله الهدايه و يت امي صوبي
ساره :- كل عام وانتي بخير ريومتي
ريم :- وانتي بخيير يا الغاليه ) عطتني طقم ذهب هادي بس فخم ) شكرا ع الهديه الحلوه
نوره :- الله يحفضج يا احلى اختت ) وعطتني الهديه شنطه ميك اب
حمدان :- الله يوفقج رييم احبج يا اجمل ريم فهالدنيا ) ساعة يد
محمد :- والحين دور هديتي ( طقم ذهب)
ريم :- دومك ماتقصررر يالغالي
كل حد عطاني الهدايه من اعمامي و عماتي و الاولاد و البنات حتى يدي و يدتي

بعد ماخلصت الحفله الوقت كان متأخر ف رحت غرفتي بنام بس وصلتني رساله
.... :- استانسي اليوم باجر بتبكين
ما اهتميت كثيير للرساله و رحت نمت

اليوم الثالث ف المزرعه

نوره
قمنا كلنا و رحنا صوب الخيول لبست بنطلون و قميس مال الخيل مع الكاب و البوت الطويل و شيله كلنا تقريبا نفس اللبس بس الالوان تختلف انا لون ملابسي كان وردي و ابيض اما ريم كان احمر و اسود ركبت الحصان و بديت امشي شوي بعدين خليته يركض و كاان وااييد سريع رحت عند اختي
نوره :- ريم بطلع مع الحصان نتمشى برع
ريم :- وين برع
نوره :- اقصد برع الاسطبل مو المزرعة
ريم :- خلاص اوك
طلعت و يالسه اتمشى مع الحصان و يالسه اغني و مستمتعة شوي اسمع صوت حصان ثاني ياي وراي
سيف :- هلا نوره
نوره ب احراج :- اهلين
سيف :- ليش طالعه بروحج
نوره :- كلمت ريم و وافقت عادي
سيف :- انتي موافقه ع الزواج صح
نوره تنزل راسها من كثر الاحراج :- هيه موافقه )
بعد ما قلت له ضربت الحصان و خليته يركض عشان ابعد من سيف

ريم
تميت امشي ويا حصاني ( هي راكبته ها )
تقريبا نص ساعة افكرر ف الشغل و ف الرساله الي و صلتني و اذا اهلي اعرفو شغلي شو بتكون رده فعلهم
سالم :- هلا ريم
ريم ماردت عليه
سالم :- شفيج
ريم :- ولا شي
وصلتني رساله من نفس الرقم الي قبل
.....:- هههههه الحين بتبكيين
ريم :- خيير من انت
.....:- مب لازم تعرفين المهم الحين اختج ههههههه
ريم :- اختي !
اللتفت بسرعة يمين يسار ادور نوره بس ما اجوفها و بسرعة اخلي الحصان يركض و ادور عليها و سالم لحقني فوق حصانه مريت يمب سيف
ريم :- سييف
سيف :- هلا
ريم بخوف :- جفت نوره
سيف :- ايوا راحت هناك و يأشر
توجهت للمكان الي قاله طبعا سالم و سيف وياي

نوره
بعد ما حسيت اني بعيده عن سيف وايد وقفت و ربطت اللجام ع الشجره و يلست تحت شجره يمبها سرحت اتأمل المكان صراحة حبيته ورود بيضه في كل مكان مع العشب الاخضر الطويل و النهر الاصطناعي بينهم شوي اجوف شخصين يقربون عندي
نوره بصرااخ :- مين انتو شو تبوون
1.....:- امم مسكينه انتي
2.....:- ها بسبب اختج ريم
نوره بخوف :- وينها رييييم
1......:- انتي ف خطرر تخافين على اختج ليش
نوره ببكى :- وينهااا اقولك
1.....:- تتمشى مع سالم ) يكلم ربيعه :- يلا نفذ
يا واحد منهم عندي و ماحسيت ف نفسي الا و اطيح ع الارض
2:- نفذنا المهمة يلا بسرعة بنروح