عند شيخة
سكرت من حمده وطلعت الصاله شفت شذى يالسه وتكلم حد و شكلها معصبه سرت عندها ومن شافتني سكرت
شيخة :- مين تكلمين
شذى :- ربيعتي
شيخة :- وليش سكرتي كان كملتي معاها ولا انا مضايقتج
شذى :- لا شدعوه عادي
شيخة :- اذا عادي كان كملتي
شذى :- شفيج انتي الحين شو تبين
شيخة :- امم يوم قلتلج انه سالم بيخطب ريم ليش انعفستي و تلعوزتي
شذى توترت :- ولاشي انتي تتوهمين
شيخة تقوم :- اوك برايج انا رايحه غرفتي
عند شذى
من راحت شيخة على طول اتصلت
شذى :- اوك شو تبين قولي
البنت :- ابيج تخربين ملكتهم
شذى :- خير شو اخربها
البنت :- مثل ماسمعتي سوي اي شي ولا صورج بتضيع
شذى :- شوو كييف شوو اسوي عشان اخرب ملكتهم ماقدر
البنت :- ماعرف واذا استوت انتي الي بتتوهقين
شذى تسكر الفون ويلست تفكر مادرت انه شيخة كانت واقفه وتسمع كل شي
عند ريم
رديت البيت و استقبلتني امي ونوره وهم طايرين من الوناسه
ريم :- ان شاءالله دوم هالفرحة بس على شو
ساره :- تحدد يوم ملكتج بعد اسبوع
ريم فتحت عيونها على وسعها :- نعممم
نوره :- هيييه شفييج
ريم :- لا لا مافي شي بس مب كنه استعيل
ساره :- لا وين استعيل تأخر وايد
ريم :- شو امي تبين الفكة مني
طلعت غرفتي بعد ماتميت مع هلي شوي تسبحت و رحت احاول انام بس وين وانا اتذكر الي صارر قبل فتره واليوم
ذكريات
في يوم عزيمه ريم لردتها من السفر يوم دخلت عند يدها بروحهم
ريم :- خير يدي حمد شو فيه
الجد حمد :- كل خير ان شاءالله بس ابي افهمج الي صار قبل مع ابوج عسب ماتضلميني
ريم تقوم :- مب لازم لاني فاهمه كل شي
الجد حمد :- لا مب فاهمة شي و الي تقولينه كله غلط يلسي و خليني افهمج
ريم :- يدي بلييز لاتفتح هاي السالفه مالي خلقها
الجد حمد عصب :- شفيج انتي سمعي الكلام ويلسي
ريم تتأفف :- اوك ها يلست قول الي عندك كلي اذن صاغيه
الجد حمد :- تتمصخرين انتي وويهج ماعلينا المهم سمعي بقولج القصه الي استوت من البدايه لين ما توفى ابوج
ريم :- مع اني اعرفها بس اوك قول
الجد حمد :- لاتقاطعيني وسمعي (( في هذاك اليوم كنت مع ربيعي احمد ف الشركة نتناقش عن موضوع الاسهم وجي المهم انا طلعت وخليته ف مكتبي كنت واثق فيه حيل بس هو ابد ماكان قد الثقه الي عطيتها اياه تدرين يوم طلعت من مكتبي خذ هو اكثر الاوراق المهمة و اسرار الشركة والمعلومات الي تخصها و بعد خذ فلوس من ارباح الشركة المهم انا ما اكتشفت الا بعد كم يوم يوم انتشرت معلوماتنا و اسرارنا عند منافسينا و اكتشفنا ان ارباحنا نقصت ف كل الموضفين اللتهموني ان انا اني الي ضيعت وطيحت الشركة لان كل الاوراق كانت عندي فمكتبي
ريم :- انزين شو دخل ها الموضوع ف موضوع ابوي
الجد حمد :- انتي سمعي الي اقوله ولا تقاطعين عسب تفهمين وابيج تركزين في كل كلمه اقولها
ريم :- اوك
الجد حمد :- يوم اكتشفته هو شرد مني لاني كنت معصب و مب فوعيي خلاص صرت ما اشوف قدامي المهم ابوج عرف فالموضوع و عرف اني بسوي شي ف راح ولحقني
انا تنكرت بشخصيه الكترونيه و جبرته انه ايي مكان حددته وخليت واحد من حراسي يقابله و عقب يقوله انه بيسير الحمام وراد بس هو اصلا بيروح وانا بطلع اادبه
ريم مندمجة :-*****
الجد حمد :- المهم اني سويت كل الي خططت له
ذكريات حمد *
*
*
الجد حمد :- ها هو يالس الحين
الحارس :- هيه طال عمرك
الجد حمد :- خلاص تقدر تتوكل ( ترييته لين راح وبعدين دخلت عند احمد ومعاي السلاح بس انصدمت انه راشد ولدي يا ووقف يدامي )
الجد حمد :- شو يابك هني
راشد :- خفت تتهور وييت
الجد حمد بعصبيه :- روح بسرعة
راشد :- هدي ابوي هدي
الجد حمد بصراخ :- قلت لك روح مالك دخل في الي بسويه
سمعهم احمد و عرف انه حمد ف قام يبي يشرد و حمد راح لحقه
راشد :- ابوي خلاص خليه
حمد :- مستحيل ( و طلع السلاح)
راشد :- لا ابوي الي تسوييه غلط اصحى
اليد حمد :- راشد روح عن ويهي
راشد :- ابوي لاا يا ابوي ساامحةة خلاص
اليد حمد :- كيف تبيني اسامح واحد كان يبي يسرقني و يسرق كل ممتلكاتي
راشد :- بس مب لدرجة انك تقتله خلاص كشفته و كل شي بيرد لك
اليد حمد :- لا لازم اقتله و يصوب على الريال لكن راشد يتدخل و يوقف قدام ابوه و تي الرصاصه ف كتفه و يطيح شوي و يغمى عليه
اليد حمد :- لاا راااشد رااشد كله منك يا احمد كله منكك
احمد :- انا مالي دخل انت ليش ماسمعت كلام ولدك
اليد حمد :- لازم تمووووت لاازم و يصوب لكن احمد قدر يشرد و يختفي من انضار حمد
ريم تكمل عن يدها :- هيه بعد ماشرد ، ابوي عرف وين مكانه وقرر يساعده و انت تبريت منه يوم كشفته
اليد حمد :- هيه تبريت منه قلتلج كنت معصب و مااشوف يدامي بس بعدين ندمت ورحت ادور عليه تدرين يوم تبريت منه هو طلع من عندي وراح بيتكم سلم عليكم وسافر
ريم جذبها كلامه عن ابوها :- هيه اذكر يا عندنا يسلم علينا و راح
اليد حمد :- تدرين وين سافر راح الخارج يتعالج
ريم :- ليش شووفيه ما اذكر كان مريض
اليد حمد :- قبل ما اتبرى منه فهذاك اليوم يوم يت الرصاصه فكتفه الاسعاف ماوصلت بسرعة و نزف واايد و فصيله دمه كانت نادره وحتى يوم وصلوا الاسعاف ماقدرو يوفرون له متبرع الا بعد يوم كامل ابوج واايد تعب و سووله عمليه وطلعوا الرصاصه منه المهم انه واحد من الدكاتره غلط ولخبط العمليه في هذاك الوقت قيمت القيامه عندهم وعصبت عليهم ف قالوا انهم بيسفرونه الخارج يتعالج ف انا خبرته وقال يبا يسلم عليكم وعلى يدتج و بعدين طلع الحوش واتصل على احمد و اناعرفت ف سالفته و تبريت منه هو راح عندكم و عقبها سافر يتعالج
ريم :- انت كيف تتبرا من ولدك وتعرف انه وراه سفر علاج وحاله كيف طاوعك قلبك
الجد حمد :-قلتلج اني ندمت بس مثل مايقولون اول الغضب جنون واخره ندم
ريم :- بعدين شو صار
الجد حمد :- سافر ابوج و بعده بكم يوم ردلي قلبي و سرت اشوف اخباره سافرت ل ايطاليا كان يتعالج هناك و اعتذرتله وتميت عنده اسبوع عقب رديت ابوظبي و يوم رديت سمعت انه المستشفى الي كان مرقد فيها احترقت و هو كان واحد من الي ماتوا
ريم منصدمه
الجد حمد :- الحين انتي كيفج تلتهميني اني انا الي قتلته او تفهمين موقفي
ريم يالسه تفكر في الي قاله
الجد حمد :- خلاص روحي يابنتي اخرناهم من اول كانو يبون يروحون
ريم قامت وطلعت
حاليا
عند شيخة
انصدمت من اختي والي يالسه تسوية مين هاي البنت الي تكلمها ؟ ، عشان جي تلعوزت يوم عرفت انه سالم بيخطب ريم يالله الحين اكلمها ولا لا امم لا لازم اوقفها هي والي معاها بس اخبرها ولا من وراها شكلي بخبرها
سرت عند شذى ف غرفتها دقيت الباب ودخلت
شذى :- هلا شيخة شوفيه
شيخة :- لازم يكون فيه شي عشان ايي غرفتج
شذى :- هيه لانه غريبه مب منعوايدج تيين عندي
شيخة بصراحة و عصبيه :- هيه ييت عشان اهزئج بالي تسوينه وتعرفين انه غلط
شذى تهد الفون الي بيدها :- شو سويت بسم الله
شيخة :- اهاا يعني ماتعرفين والي كلمتيها قبل شوي شوو كان
شذى توهقت وماعرفت ترد
شيخة :- ماعندج جواب صح
شذى منزله راسها
شيخة :- يوم اكلمج حطي عينج بعيني انا ابا افهم شو الي مخليج تسوين جي ريم مسويتلج شي
أنت تقرأ
سأنتقم 💔
De Todoروايتي خياليه لكن مافيها اي من الاحداث الخارقه للطبيعه ك شخص يطير او له قوه وجي روايتي تتكلم ب اختصار عن بنت اماراتيه عايشه و يا خواتها وامها في بيت قريب من بيت يدها ( ريم ) هي بطله روايتي اهم شي عندها اهلها و اخوانها بس هدفها ف الحقيقه هو الانتقام...
