ريم :- مين قالكم اننا متكبرين و عايشين احسن عيشه انت جربت تعيش الي عشناه
رامس :- ماجربت ولا اريد اجرب ترى الفلوس مب كل شيي
ريم :- ادري
رامس :- تدرين وكل الاشياء الي تسوينا وتتعاملين معاها ب هاي الفلوس و اذا راحت او انسرقت هاي الفلوس شو بتسوين بتموتين على طول ياحلوه صح
ريم تضحك :- ليش تحسبني من هذيل الناس المتكبرين ترى مو كل الي عندهم فلوس متكبرين جي ويت ويت انا اصلا ليش يالسه ابررلك افف مع نفسك
رامس ساكت يفكرر
عند الشرطة وصلوا عند مكان سياره ريم
الشرطي 1: - مافيها حد و مبركنه ف الشارع شكله صدق حد يا وخطفها
الشرطي 2 :- شوف الشارع يبين انه سياره وقفت يدامها و وراها
الشرطي 1 :- السياره بعدها فيها حراره يعني قريب تسكرت قوم خلينا نعرف موقعها من فونها رقمها عندنا
الشرطي 2 :- اوك
عند ساره
ماقدرت ايلس وانا افكرر فيها خلاص بشوف اذا حد يعرف ارقام حراسها بس مين يعرف اخوانها مايعرفون هييه صح يمكن شوق تعرف مب هي سكرتيرتها خليني اشوف
ساره سرت عند محمد :- حمود قووم وديني بيت شوق
محمد :- ها ليش شو فيه
ساره :- بسألها عن ريم
محمد :- اتصلي فيها
ساره عصبت :- ماعندي رقمها قووم يلااا
محمد :- اوك اوك يلا
سرت تجهزت وعلى طول بيت شوق
عند شيخة
طلعت من بيتنا وركبت مع الدريول وخليته يوصلني بيت ربيعه شذى المهم وصلت ودقيت الباب وفتحتلي بنت صغيرونه حلوه شعرها اشقر فاتح حسبتها اجنبيه
شيخة :- هلوو
البنت :- هلا
شيخة :- انتي اخت ***
البنت :- لا ماعندنا حد بها الاسم
شيخة :- متأكده حبيبتي
البنت :- هيه بس انا وامي و اختي واخوي هني
شيخة :- شو اسم اختج
البنت :- اسمها ظبيه
شيخة :- خلاص اوك سلمي عليهم اوك حبيبتي
البنت :- اوك مين انتي عشان اقولهم
شيخة :- لا تقوليلهم هم يعرفوني
عند ريم
دخلت السيارتين فله كبيره و انا ف السياره اشوف وحده تطلع من البيت مب غريبه علي ابدا ايوا هاي بنت
رامس يكلمها :- يلا نزلي
ريم تفكر شو موديها هني
رامس :- هييي تسمعيني
ريم :- اوك اوك
عند شيخة
وانا طالعه شفت سيارتين تدخل لحوش البيت المهم سويتلهم طاف وطلعت متوجهه لبيتنا
عند ساره
وصلت بيت شوق ودقيت الباب
الخدامه :- نعم مدام ادخل
ساره :- وين شوق
الخدامه :- مافي شوق روه برا
ساره :- متى بتيي البيت
الخدامه :- مايهرف مدام
ساره تضايقت :- اوك يوم تي عطيها رقمي وقوليلها تتصل فيني ضروري فهمتي
الخدامه :- اوك مدام
عند ريم
نزلت من السياره ودخلت معاهم ميلس الرجال
ريم :- خلاص فكوني شتبون بالله
رامس :- اصص ولاكلمه
ريم تسكت وتتأفف
رامس يتصل :- الوو نحن فالميلس ****:- اوك يلا الحين بييكم
رامس :- الفلوس ييبيها معاج ****:- اوك يلا سكر
رامس يسكر الفون
ريم تضحك :- قلتلك بعطيك فلوس وفكني والحين يبتني هني و الي كلمته بيعطيك فلوس ماتدري يمكن كنت بعطيك اكثرر
رامس :- صح اني محتاج فلوس بس كرامتي ماتسمحلي اخذ منكم انتوا
ريم تستهزء فيه :- هيه تسمحلك تخطف بنات الناس صدق انك قليل تربيه
رامس قرب منها :- اسكتي لاتخليني امد يدي عليج
ريم :- مدها شو تفرق ليش انت تحسب نفسك ريال يعني
رامس عصب وصفعها كف خلاها تطيح على الارض من قوتها
ريم تمسح الدم الي طلع من شفايفها و تقوم وتصفق له :- براافوو الحين صدق اثبتلي انك مب ريال
رامس تلفت اعصابه يبا يضربها مره ثانيه بس دخلت البنت الميلس ووقف
البنت راحت عند ريم ووقفت تطالعها :- انا ابا اعرف شو شاف فيج عشان يحبج ويخطبج
ريم مستغربه :- انتي فيج شي ف عقلج
البنت تلف عند رامس والي معاه :- ها خذوه هاي فلوسكم
ريم تشوفهم وهي ساكته
رامس :- شوتبين منها الحين
ظبيه :- مالك دخل
ريم مم اسمها ظبيه :- هو ماله دخل بس انا لي دخل قولي شو تبين فيني هاا
ظبيه :- الحين اباج تتصلين في سالم وتقوليله انج ماتبينه ومقرره تفصخين الخطوبه ومابينكم شي
ريم تبتسم :- الحين ها كله عشان سالم ههههه وانا احسب اني سويت شي
ظبيه تمد فوونها عند ريم :- يلااتصلي
ريم :- يعني تحسبيني حافضه رقمه
ظبيه :- عندي رقمه اتصلي فيه وقوليله الي قلته
ريم مبتسمه :- اوك ( دقت عليه و رد )
سالم :- الو
ريم :- هلا سالم
سالم مستغرب :- رييم ؟
ريم :- هيه انا ريم
سالم :- وينج شو صاار عليج
ريم :- مسكوني السيارتين الي قلتلك عنهم و يابوني بيت وحده معجبه فيك شكلها هي الي قلتلك عنها
ظبيه :- مين قالج سولفي معاه ها شو قلتلج اناا
ريم تبتسم :- اوك اوك لاتموتين
ظبيه تطالعها بحقد
ريم تفتح السبيكر :- سالم تعرف وحده اسمها ظبيه
ظبيه فاتحة عيونها على الاخر :- هيييي
ريم تكمل :- تعرفها ولا لا هي تتحبك
سالم يفكر :- لا مادري ما اعتقد
ريم :- اوك خليني اوصل رسالتها الي قالتلي اقولك اياها
سالم يسمع :- شو هي
ريم :- تقولي قولي لسالم انج ماتحبينه و لا تبينه يخطبج و ترفضينه اذا خطب
سالم ساكت
ريم :- ها شو ردك
سالم يضحك :- ههههه يعني الحين اذا سمعت كلامها يعني بروح اخطبها هي
ريم :- يب هي تباك
سالم بجديه :- سمعي ريم انتي وين الحين بي اخذج
ريم :- اسئل شيخة
ظبيه تسحب من ريم الفون وتسكر قبل لا تقوله ريم مكانهم
ريم :- ارتحتي قلتله الي تبينه
ظبيه صار ويها احمر من كثر الاعصاب وبصراخ :- اسكتيي
ريم بهدوء ينرفز :- مب انتي الي تسكتيني
ظبيه :- انا اراويج وطلعت وقفلت الباب على ريم
ريم تبتسم :- الغبيه نست تاخذ فوني من عندي ( دخلت ايدي فجيبي عشان اطلع الفون بس مالاقيتيه دورت فكل جيوبي مالاقيته ) يالله ليكون نسيته في سيارتهم لاااا
عند سالم
غريبه وين حراسها عنها اوووف خليني اروح عند حمده اسئلها
سالم يدق باب غرفتها
حمده :- ميين
سالم :- انا فتحيي
حمده تفتح الباب :- غريبه ياي غرفتي شو صاير
سالم :- اتصلي في شيخة ابا اكلمها
حمده :- ليش
سالم :- عن الفضول واتصلي
حمده :- لا والله شو فضول انت بعد
سالم عصب :- بعدين تعرفين خلصيني موضوع مهم
حمده تتصل فيها
شيخة :- هلا والله حمده شخبارج
حمده :- تمام وانتي
شيخة :- بخير
حمده :- وينج
شيخة :- فالطريق راده البيت
حمده :- سمعي سالم يبا يكلمج ها خذيه
شيخة قبل ماتعترض كلمها سالم
سالم :- الو شيخة قبل شوي وين كنتي
شيخة :- ليش
سالم :- قولي وين كنتي بسرعةة
شيخة مستغربه :- شدخلك فيني
سالم :- ميت عليج انا قولي خلصيني
شيخة عصبت :- مابقول مين تكون عشان اقولك
سالم :- ياالييل سمعي ريم انخطفت وقالت انج تعرفين وين يلا قولي وين كنتي قبل شوي
شيخة منصدمه :- اووف انخطفت كييف
سالم صارخ :- وين كنتييي
شيخة :- اوك لاتصارخ في بيت *** بطرش موقعه عند اختك
سالم :- اوك بسرعة
حمده :- صدق الي قلته
سالم :- لا امزحح
أنت تقرأ
سأنتقم 💔
Randomروايتي خياليه لكن مافيها اي من الاحداث الخارقه للطبيعه ك شخص يطير او له قوه وجي روايتي تتكلم ب اختصار عن بنت اماراتيه عايشه و يا خواتها وامها في بيت قريب من بيت يدها ( ريم ) هي بطله روايتي اهم شي عندها اهلها و اخوانها بس هدفها ف الحقيقه هو الانتقام...
