سأنتقم 💔

البارت 6

شوق
طلعت من المكتب و انا مستغربه مين يكون هذاك الريال والله انه حلوو يمكن اخوهاا لا لا هي اكبر وحده من اخوانها عيل مين بيكون واضح انه اكبر منها بكثير لازم اسئلها عقب

سالم
يلست اسئل ريم كم سؤال ونصهم تجاوبهم والنص الثاني تسحب استغربت صراحة يوم جفتها في مكتب المدير و تطلع هي المديره بعد كم دقيقه دخل علينا واحد
الموضف 2 :- لوسمحتي عندي شغل برع الشركة ممكن اذن خروج
ريم :- امم اوك ممكن اعرف شو ها الشغل الي اهم من الشركة
الموضف 2 :- مشكلة مع الاهل و هاي الاشياء ولازم اكون عندهم
ريم :- اوك تقدر تاخذ اجازه ثلاث ايام و يوم يتحسن الوضع عندك تعال
الموضف 2 بفرح :- شكرا مديره
ريم :- لا تقول مديره قول ريم
الموضف 2 :- حاضر ) وطلع
سالم منقهر :- خيير يقولج ريم
ريم تطالعة بنضره :- انت شعليك عطيتك ويه اكثر من الازم تقدر تتوكل الحين
سالم :- واذا ماطلعت شو بتسوين
ريم :- اقدر انادي كل الامن يطلعونك بس لانك ولد عمي مابسوي جي ف لو سمحت اطلع بكرامتك
سالم :- مابطلع
ريم بهدوء :- اوك اقعد لاتطلع ) وكملت شغلها مسويتلي طاااف قمت وطلعت وانا متنرفز رحت صوب مكتب السكرتير اريد اجوف من ها الريال
الي وياها دقيت الباب و دخلت
سالم :- السلام عليكم
شوق تطالعة :- هلا وعليكم السلام
سالم اوه بنت الحمدالله مب ولد :- انتي سكرتيره ريم
شوق :- هيه نعم
سالم :- امم اوك متى بتطلع ريم
شوق :- ب صفتك مين اقولك مابقولك
سالم يفكرر :- بصفتي ولد عمها و خطيبها
شوق تفتح عيونها :- خطييبهااا
سالم :- بتجاوبين ولا كيف الحين
شوق :- اوك اوك هذا جدول اعمالها
سالم يطالع الورقه :- يعني بعد شوي عندها اجتماع
شوق :- هيه
سالم :- بحضر ها الاجتماع
شوق :- عفوا ماراح تقدر تدخل
سالم :- ليش
شوق :- الاجتماع سري
سالم :- عن شو الاجتماع
شوق :- اقولك سري تقولي عن شو
سالم :- خلاص اوك اوك بعد الاجتماع بترد البيت صح
شوق :- صح
طلعت من عند شوق و دخلت مكتب ريم
سالم :- هلا ريم
ريم :- شف انت عدك مارحت
سالم :- قلتلج اني مابروح
ريم :- انا عندي شغل انت شو تريد بالضبط
سالم :- ولا شي
ريم :- عيل روح ليش يالس
سالم :- بس جي
ريم تنرفزت :- انت هيييي لا انت اخوي ولا محرملي تيلس عندي سكتلك وايد يلا اطلع
سالم :- قريب قريب بكون محرملج هههههه
ريم :- صدق ماتنعطى وجهه ) طلعت من المكتب وراحت غرفه الاجتماعات.

ريم
بعد ماخلص الاجتماع رحت خذيت اغراضي من مكتبي و سالم مو راضي يطلع المهم طلعت بدون ما اكلمه حسيت فيه و هو يقوم يلحقني بس ما اهتميتله ركبت سيارتي و توجهت للبيت
ريم :- الوو نوره
نوره :- هلا
ريم :- يلا انا قريب ع البيت نزلي تحت
نوره :- اوك يلا
و صلت البيت و خذيت نوره و جفت سالم حتى الحين يلحقني

نوره
نزلت بعد ما اختي دقتلي و اول ما اريد اركب السياره جفت سياره سيف حتى الحين تلاحقها
نوره :- ريم بسألج سؤال
ريم:- سألي
نورة :- انتي تحبين سيف
ريم تلف و تطالعني بعيون معصبه :- تستهبلين صح لا لا امانه قولي انج تستهبلين انتي تعرفين شقد احبج و مستحيل احب الريال الي بيكون زوج اختي و ها الشي اعتقد انج تعرفينه
نوره بتفكير :- عيل ليش قبل امس كان يجوفج و انتي طالعه الدري اكيد كلمتيه و رحتي و اليوم من الصبح اجوفه يلاحقج حتى الحين هو ورانا
ريم تبتسم :- بقولج كل شي قبل امس كنت اقوله انه اذا زعلج او خلاج تبكين او ضربج اني راح اكسر يده و قلت له انه مايفكر ابدا انه ماوراج حد يحميج او وراج سند قلتله رااح اقتله اذا سوى شي فيج
و الي يلحقني الحين مب سيف لا
نوره :- هاي سياره سيف
ريم :- ها سالم الي يلحقني مدري شو يريد
نوره :- اونه سالم ماغيره ولد عمي عبدالله
ريم :- ايوا
وصلنا بيت يدي و ركبت سلامه ( ربيعة ريم بروح يعني اكثر وحده وهي الوحيده الي تعرف انه ريم عندها شركة من بدايتها عمرها 19 نفس عمر ريم وتكون عمتها اخت ابوها )
سلامه :- هاااي
ريم و نوره :- هايات
سلامه :- وين رايحين
ريم :- بناخذ شيخة و شذى بنات عمي خليفه و حمده بنت عمي عبدالله و بنروح نتمشى
سلامه :- شذى النشبه بتي ويانا
ريم :- انتي ليش تكرهينها تراها بنت اخوج
سلامه :- كلكم بنات اخواني و احبكم كلكم بس شذى فيها غييره مب طبيعيه شوفي انتي بس بتخرب ام الكشته
نوره :- ماعليج منها

تسريع الاحداث
البنات كلهم فالسياره
ريم تسوق و يمبها سلامه
ورى نوره عند الباب و يمبها حمده عقب شيخة و اختها شذى
شيخة :- امم ريم وين الحين رايحين
ريم :- باااسكن روبنززززز
نوره :- باشكن روبنزز يامامي
سلامه :- من زمان ماكليته خاطري فيييه
ريم :- يلا كلكم شو تبون على حسابي
شذى :- من كثر فلوسج يعني
شيخة تقرص اختها و تغير الموضوع :- انا اريد اسكريم اوريووو
حمده :- وانا كاراميل
نوره :- فانيلا مع شوكليت مكس
ريم :- وانتي شذى
شذى :- اي شي عادي
سلامه :- انا شوكليت نفسج ريم
ريم :- شدراج اني باخذ شوكليت
سلامه :- مايحتاج تخبريني اعرفج
المهم يلا انا بنزل سلامه نزلي وياي بنييب الايسكريم و بني انتو يلسوا فالسياره