سأنتقم 💔

البارت 39

بعد شهرين
عليا تكلم ريم بالفون
ريم :- هيه عمتي سالم راقد
عليا ام سالم :- ريم قولي شوفيه سالم صارلي شهرين كل ما اتصلل يكون راقد ولا فالحمام لاتخبين عني شي هو بخيير صح
ريم متوهقهه :- افا عمتي ماتثقين فيني وبعدين شو اسوي اذا هو مايكون يمبي ولا مشغول
عليا عصبت حيل مشتاقه لولدها :- ريم روحي قوميه قوليله اني ع الخط
ريم تحاول ترقع :- بس هو
عليا :- لاتلفين وتدورين انا اذا ماسمعت صوته الحين ، بحجز على اول طياره ل ايطاليا
ريم :- اوك دقي عقب كم ساعه هو بيقوم
عليا :- اوك
سكرت ريم الخط وتحاول تطلع كذبه يديده تساعدها يوم تتصل عليا ،،
عقب تجهزت وسارت المستشفى
اول مادخلت شافتها وحده من الرسبشن
الممرضه :- انتي السيده ريم صحيح
ريم مستغربه :- نعم
الممرضه :- هذه الرساله لك
ريم تاخذ الورقه :- من من.
الممرضه :- المريض صاحب غرفه 77
ريم ماستوعبت رقم الغرفه :- حسنا
وسارت وهي ف الطريق فتحت الورقه (( هلا ريم تعالي السطح مال المستشفى انا انتضرج هناك )) غريبه من الي ينتضرني اكيد ابوي ولا مين يعرفني غيره هو وسالم
المهم بروح عند سالم عقب بروح السطح
وصلت عند الباب وفتحته ودخلت
ريم :- السلام عليكم
لفيت اشوف سالم بس مالاقيته غريبه انا مخربطه ف الغرفه ولا شو ؟ لا اغراضه موجوده فالغرفه بس هو وين
وحده من الممرضات تدخل :- نعم سيدتي ما الامر
ريم :- اين سالم المريض الذي كان في غيبوبه
الممرضه تشوف الغرفه :- لا ادري ربما استيقض وخرج
ريم
لا مستحيل خليني اطلع اشوف الدكتور و انا طالعه من الغرفه ركزت ف رقم الغرفه وتذكرت الممرضه يوم قالت مريض 77
مستحيل اكيد مخربطه لازم اكلم الدكتور
رحت عند الدكتور
ريم :- دكتور اين المريض سالم
الدكتور :- في غرفته بالطبع
ريم :- ليس هناك اين هو
الدكتور :- اوه صحيح ربما خرج
ريم منصدمه :- خرجج
الدكتور :- اجل في الصباح استيقض من غيبوبته
ريم تحاول تستوعب :- انه بخير صحيح
الدكتور يبتسم :- اجل بخير ويستطيع الخروج من المشفى
ريم تفكر يعني هو فالسطح لازم اتاكد :- شكرا لك
الدكتور :- عفوا
ريم سارت بسرعه بخطوات كبيره للسطح فتحت باب السطح و طلعت

ريم فتحت باب السطح وطلعت
ريم
طلعت ادور عليه واثقه اني بلاقيه ( دقايق وعيون ريم تتوجه لضهر سالم شافته واقف ومعطيها ضهره ) ريم تحاول تستوعب انه موجود قدامها
سالم انتبه لها ولف وبتسم:- تعبت وانا اترياج ليش اتئخرتي
ريم ساكته
سالم :- تعالي
ريم قربت منه بهدوء وحضنته
سالم يبتسم :- اشتقتيلي صح
ريم بصوت باكي :- لا مين قال
سالم يضحك :- ههههه مين الي كان يبكي طول الشهرين عندي فالغرفه
ريم قلب ويها احمر :- تتوهم
سالم :- ايه ايه اتوهم انزين تدرين  انتي وهقتيني
ريم تبعد عنه وتطالعه بنضرات استغراب :- كيف !
سالم :- الحين شو اقول حق امي اذا اتصلت بتقولي شهرين و انا اتصل فيك ماترد
ريم :- كيف دريت انها اتصلت
سالم :- كنت اسمع ترى كل الي يصير ( سالم يقلد صوتها ) لا عمتي سالم راقد تعرفين نومه ثقييل حتى انا ماقدر عليه كذااابه
ريم :- يعني تبيني اقولها الصدق
سالم يضحك :- ايه عشان تدعيلي اقوم بسرعه
ريم :- امم ماقدر بعدين بتكرهني
سالم :- امي مابتكرهج  اذا انا احبج
ريم تسلك :- ايه ايه صح
سالم يطالعها :- في واايد اشياء تغيرت في هاي الشهرين
ريم :- شو هم
سالم :- اولهم انتي  ريم :- انا كيفف شو تقصد
سالم :- انتي ماكنتي تعامليني بها الاسلوب قبل الي صار
ريم نزلت راسها
سالم :- الي صار حنن قلبج علي و صرتي وايد تستحين ( ويضحك)
ريم بصوت هامس :- اسفهه كنت مغمضه عيوني
سالم يسحبها لحضنه :- لاتعتذرين انا ادري ف الي مريتي فيه وبعدين انا نفسي مادري كيف حبيتج مع اني كنت مقرر اخليج تلحقين وراي وتحبيني بس صار العكس
ريم بصوت خفيف :- القرار الي كنت تبيه تحقق والحين انا ملكك
سالم يبتسم :- اخيرا
ريم توخر عنه وتروح بعيد :- يلا بنروح لازم نحجز تذكره ونرد وايد طولنا
سالم :- ليش نرد توه شهر العسل بدا
ريم :- لاا مشتاقه حق امي والاها وبعدين لاتنسى ابوي بيخبرهم الي صار وانا لازم اكون موجوده وهيه مادريت شو صار ف الفتره الاخيره
سالم :- شو
ريم :- سيف ونوره تحدد عرسهم و معاهم اثنين بعد من العائله
سالم :- مين
ريم :- عقب بتعرف يلا بنروح
سالم يلحق ريم :- قوليي مين فيني فضول
ريم :- ااا الحين بتعرف انتضر
نزلو تحت سالم وريم و خلصوا اجرائات الخروج حق سالم وطلعوا متوجهين للفندق
سالم يطالع في شخص مستغرب
ريم :- شفته
سالم :- هذا بدر صح
بدر متوجهه لهم
ريم :- ايهه
بدر يكلم سالم :- هلا والله يالنسيب اشتقتلك والحمدالله ع السلامه
سالم ركز على كلمه نسيب :- ليكون انت المعرس بس تعال ليش انا نسيبك
بدر يضحك :- وين راح عقلك اكيد مابكون نسيبك الا اذا خذيت اختك
سالم :- يعني الحين انت ماخذ حمده اختي
بدر يبتسم :- لا
سالم يقاطعهه :- عيل كيف نسي
بدر يقاطعهه :- ليش تقاطعني انا ماخلصت كلامي انا ماخذيت اختك بعدي بس خطبتها وبس
سالم :- كيف وانا مب موجود
ريم :- عمي موجود هو ولي امرها مب انت
بدر :- صح انت مالك دخل
سالم بفرحه يحضن بدر :- والله مابلاقي احسن منك ل اختي
ريم :- شكلنا غلط ونحن واقفين ف نص الشارع تعالوا ندخل الشقه وعقب نحجز تذاكر
بدر :- حجزت لكم معاي باجر طيارتنا
ريم :- انت ماشاءالله رايح راد
بدر :- هيه لازم مشتاق حق سالم
سالم :- بس ترى نحن لازم نكون بروحنا انت ليش تنشب فينا
بدر :- خلاص تميتوا بروحكم اكثر عن شهر يعني خلاص يكفي
سالم :- ايهه صح صح

ردوا سالم وريم وبدر للامارات
في المطار
حمدان ومحمد استقبلوهم
ريم تسلم على اخوانها :- اخباركم
حمدان :- طولتوا واايد
محمد :- هيه مشتاقينلكم
حمدان :- الحمدالله انه ماصارلكم شي
ريم تبتسم :- عندي لكم بشاره حلوه بس خليها باجر
محمد :- لازم تقوليلنا كل الي صاار من أ ل ي
سالم :- بعدين اسئلوا الحين يلا فيني نوم تعبان
حمدان يضحك :- ويين نوم ماافي الحين الاهل كلهم يتريونكم ف بيت يدي حمد
محمد :- ايه مسوينلكم حفله لين الفليل يعني احلمم تروح ترقد
سالم :- الله يصبرنا
كلهم ركبوا سياره محمد
ترتيبهم فالسياره
محمد و بدر
ريم حمدان سالم
وصلوا بيت يدهم
ونزلوا البيت هدووء مافي اي حركه
ريم :- غريبه مافي صوت ولاكانه في حفله
سالم :- يمكن حسوا اننا تعبانين وأجلو
حمدان ومحمد ابتسموا
بدر :- تعالوا ندخل يلا
كلهم دخلوا ووصلوا عند باب الميلس
سالم فتح الباب :- السلام عليكم
خالد و سيف ماسكين المتفجرات و فتحوها على سالم بدون مايحس فيهم
سالم متفاجئه :- بسم الله
خالد وسيف يسلمون عليهم :- توه الناس تفكرون تيون واايد تاخرتوا
سالم :- ضروف
عليا تروح عند ولدها وتحضنه :- كيف حالك ياولدي ليش ماتتصل لاحس ولا خبر كله نايم نايم ترى زعلانه منك
سالم يبتسم :- اسف امي بس تعرفين اختلاف التوقيت بينا و بين ايطاليا وانا ماريد ازعجج ب اتصالاتي