سأنتقم 💔

البارت 2

ريم
قمت طلعت من الميلس و انا فرحانه اني خليت سيف ياخذ نوره صح انه خذها غصب بس اعرف انه نوره تحبه و بتهتم فيه و بتعيشه ملك و عقب هو اكيد بيحبها الا يعشقها المهم و انا رايحة الطابق الثاني ياني مسج من شغلي السري و يلست ع الدري ارد على رسايل الفون بعد كم دقيققه اسمع حد يناديني
$$ :- رييم

سالم
جفتها طالعة من الميلس و استغليت هاي الفرصه انه كل الاهل داخل و مااعتقد حد بيطلع قمت متوجهه للباب و انا امشي مسكني سيف
سيف :- على وين
سالم :- والله طالع اشم هوا
سيف :- عيل بي وياك
سالم توهق :- عادي عادي اقعد و انا شوي وبي
سيف بحزن :- لا ابا اطلع احس نفسي مخنوق
سالم حزن عليه :- خلاص اوك قم نتمشى
قمت انا وسيف و اول ماطلعنا اشوف ريم يالسه ع الدري كان ودي اني اكلمها بس سيف معاي ف توجهت على طول الباب الخارجي و طول ما انا امشي افكر فيها و دخلت سيارتي اتريا سيف بس استغربت انه طلع مب وراي ماركزت فيه كان عقلي مشغول فيهاا يمكن راح المطبخ او نسى شي وراح اييبه افف ما احب اترياااا

سيف
طلعت مع سالم و الا اجوف ريم قربت منها و ما اهتميت ل سالم اريد اسئلها سؤال واحد بس ( حتى هو ما لاحض انه سالم راح )
سيف :- رييم
ريم :- هلا ياولد العم
سيف :- حبيت اسئلج سؤال اذا ممكن يعني
ريم :- هيه اكيد تفضل يا اخوي
سيف :- ليش يدي يريد يزوجني نوره ادري انج تعرفين انتي الوحيده الي عادي تكلمينه بدون رسميات و هاي السوالف الا اذا انتي الي طلبتي منه هذا و عطاها نضره
ريم :- ليش ؟ انت ماتريد نوره ؟
سيف :- اعتقد انج تعرفين الجواب زين
ريم :- اسمع انا مستحيل اخليك انت او غيرك يأذي مشاعر اختي مدام انك قد الي صار و خلاص بتكون زوجها ف اعرف ان نوره وراها سند و ضهر يحميها لا تحسب انه اذا ابوها مات ماعندها حد يحميها لاياخوي نوره عندها توئمها محمد و طبعا اكيد انا معاها و بكل خطوه تخطيها و اي شي يوقف ضدها او ضد اي احد من اخواني راح اوريه عيني الحمرا
سيف
بعد ماخلصت كلامها عطتني نضره تخوف وراحت فوق طبعا انا كنت احسب اني حتى لو تزوجت نوره ف ماراح احبها ماراح اهتم فيها بعيشها ف عذااب بس بعد ها الكلام خفت و حسيت اني مااقدر اسوي شي بس انا اراويك يا ريم شو تحسبين نفسج تراج بنت نفس كل البنات عندج نقطه ضعف و راح اندمج قرييب

نوره
كنت ف الميلس يالسه ومستحيه وايد كل حد يطالعني قمت ورحت عند شيخة اسولف وياها
طبعا عشان اخلي انه الموضوع طبيعي ومحد يركز فيني
نوره:- هلا شيخة شوتسوين
شيخة بصوت شبه عالي :- هلا والله ب مره اخوي
نوره ب احراج :- اص اص فضحتيني الله يفضحج
شيخة :- هههه شو فضحتج انتي الي وايد تستحين و معطيه الموضوع اكبر عن حجمه
نوره :- والله اتخيلي انتي مكاني و بتعرفين كيف شعوري
شيخة :- اما اتخيل نفسي اتزوج مستحيل وتضحك بصوت عالي ههههههههه
نوره :- يا مفضوحة اسكتي
شيخة :- هههههههه
نوره :- والله اقوم اكلم ربيعتي بثينه احسن من ما ايلس وياج

قمت و طلعت من الميلس و انا طالعة شفت ريم رايحة فوق و سيف يطالعها وهي رايحة غريبه شو بينهم دخلت بسرعة داخل اترياه يروح ما اريد اكلمه او اسبب لنفسي احراج اترييت شوي لين ما راح اول ما راح طلعت و رحت الحوش الخلفي و يلست ع الكرسي بين الاشجار و دقيت على بثينه
نوره :- الووو
بثينه بصرااخ :- الوووو نوره
نوره :- صمختي اذني خفي صوتج
بثينه :- هااااا ما اسمعع مشغله اغااني bts ف الغرفه تريي شوي بطلع وبكلمج
نوره :- اوك
بثينه :- هلا نوره كيفج
نوره :- الحمدالله تمام انتي علومج
بثينه :- والله زين الحمدالله شو تسوين
نوره :- والله صارتلي احداث اليوم خطييره
بثينه بحماس :- والله شوو صار
و تخبرها نوره كل الي صاار
بثينه :- اوف يالحمااس كل هذا صار اليوم
نوره :- شفتي كيف المهم شو كنتي تسوين ازعااج عندج
بثينه :- كنت مشغله اغاني bts و ارقص عليهم
نوره :- حتى الحين تحبينهم
بثينه :- اكثر مما تتصورين انني
نوره تقاطعهها :- خفي علينا يا اللغه العربيه
بثينه :- ههههههه المهم انا مشغوله الحين بكلمج عقب
نوره :- اوك بثبث يلا باي

Stop ✋

بعرفكم على بثينه
هي ربيعة نوره من الطفوله طيبه و حبوبه تعيش في كوريه مع اخوها الكبير تكمل دراستها هناك عمرها 17 مثل نوره حلوه شعرها اسود لين نص ضهرها و جسمها حلو اسلوبها شكلها كل شي تقريبا ماخذته من الكوريين