سأنتقم 💔

البارت 41

شيخه تقوم :- ايهه لازم نوره وين الشموع
نوره :- هناك فوق الطاوله
خذينا الشموع وحطينها فالنص و سكرنا كل الليتات و يلسنا حولين ريم
ريم تبدا القصه :- اوك سمعواا زيين اول شي هاي اخرر مره اعيد القصه و
سلامه تقاطعها :- اوك اوك يلا
ريم :- في منطقه شبهه خاليه من السكان في حي فقير شوي ناس يسكنونه من الطبقه الفقيره كانت بطله قصتنا داليا تسكن بروحها فشقه ف الطابق الاول من العماره الي لها طابقين بس الارضي والاول داليا كانت تشتغل في منطقه ثانيه اوك المهم انه داليا كانت كل ماتطلع من باب شقتها تصادف جارها خالد تسلم عليه وتروح شغلها  ومرات هو يوصلها لشغلها في طريقه خالد كان اكبر منها بكم سنه بس وكان دايما موجود ف الاوقات الي هي تحتاجه فيها لدرجه انها تعلقت فيهه مرهه و مايكمل يومها اذا ماشافته صارت تزوره فشقته وتطبخله وتسهر معاه وفي يوم من الايام الفلييل دخلت داليا شقه خالد ولاقته ينتضرها بملامح جديه و عنده موضوع يبي يكلمها فيهه )
ريم توقف :- نسيت شي
سلامه و البنات تأففو :- كملييي كنا مندمجيين
ريم تقوم بعد ماتذكرت الرساله :- بعدين ماقدر الحين عندي موعد مهم
شيخه :- موعد مهم تالي اللييل
شذى ب ابتسامه خبيثه :- مع سالم صح
ريم :- لاا
ريم
طلعت من الغرفه وتوجهت لشقتي دخلت وشفت سالم يالس فالصاله ورحت يلست يمبه
سالم يطالعها :- غريبه ماسهرتي وياهم ممم اشتقتيلي صح
ريم تبتسم :- لا كنت ابي اسهر وياهم بس تذكرت شي ضروري
سالم :- شوهو
ريم تعطيه الورقه :- اقراها
سالم قراها :- من مين
ريم :- اعتقد انه ابوي
سالم بشك :- تعتقدين يعني مب واثقه واذا كان عمي ليش قال بدون سالم
ريم :- اكيد شي خاص بيني وبينه عيل ليش بيقول جي
سالم بتنهد :- يعني تبين تروحين
ريم :- فكرت كثير صراحه بس لازم اشوف شو يبي مستحيل اتم جي مع ابوي تدري انه هو كل دنيتي بعد امي
سالم ابتسم وقام :- يلا اوك تجهزي
ريم تطالعهه :- على ويين قلت بروح بروحي
سالم :- بوصلج بس مابنزل
ريم تفكرر :- امم اوك يلا
تجهزت انا وسالم وطلعنا وعند الباب شافتنا نوره ابتسمت ودخلت غرفتها
في البحر
كنت يالس وهاي المره بروحي بدون ممرضتي ولا حد من الحراس خلاص انا خلصت خطتي ونجحت و افتكيت من احمد و مشاكله و الحين لازم ارد لاهلي بس اول شي لازم اتفاهم مع ريم
ترييتهاا كثيير بس مايت الساعه صارت 3:5 وهي محد 3:30 فقدت الامل انها تي اول ماقمت لفيت بروح شفتها وراي
راشد :- رييم
ريم :- هلا ابوي

ريم تقدمت من ابوها بهدوء وباست راسه وحضنته
راشد شد على بنته :- وينج من زمان عنج
ريم ابتسمت :- حتى انا اشتقتلج بس
راشد يقاطع بنته :- يلسي بفهمج الي صار
ريم تيلس يمب ابوها على الرمل
راشد :- تذكرين يوم ييت غرفتج وانتي صغيره قبل ما اطلع واختفي
ريم :- هيه  اذكرر كان اخس يوم
راشد :- انتي تعرفين الي صار بعدها ويوم ابوي تبرا مني و بعدين يوم سافرت علاج كل ها تعرفينه
ريم :- هيه
راشد :- انا فقدت كل ذكرياتي بسبب الحادث الي استوالي فالمستشفى  الي احترقت بعدين واحد ايطالي ساعدني و عشت معاه كم سنه اسست نفسي في هاي السنوات و صار اسمي معروف في كل مكان ( هنري ) عقب قابلت ممرضتي ماكنت اعرف انها تقرب حق احمد المهم انها كانت تي معاي في كل مكان و تساعدني في ذاك الوقت ريولي كانت متكسره فكنت اقعد على الكرسي المتحرك في يوم من الايام الممرضه ماكانت عندي و انا كنت ابا انزل من الدري المهم اني تهورت وطحت على راسي واغمى علي و يوم قمت ردتلي الذكريات عقب عرفت انه سبب الحريق كان احمد و انه كان ناوي يقتلني ويقهر قلب ابوي وصدق صار الي يباه بس ماكان متوقع اني  عايش
ريم كانت تسمع ابوها بهوء ويوم وقف تكلمت:- ليش ماقلتلي انك ابوي في اول مره اللتقينا فيها فالبحر ليش يوم قلت لك انت ابوي رديت على بالاجنبي وانك ماتعرف عربي ومافهمتني وانت تعرف اني ريم بنتك
راشد :- ماريد ادخلج في مشاكل انا اعرف انه احمد ريال خطير بس المشكله انه انزرع في قلبج الانتقام ف حاولت اني اشغلج ف الشركه و الشغل و تنسين الانتقام بس ابد كنتي مصره  ريم ابتسمت :- لنك كنت دايما تطلعلي ف احلامي ف ماكنت اقدر انساك ابدا والانتقام كان دايما يزيد فقلبي
راشد :- يوم عرفت مبتغاج و شو ناويه دخلتج معاي في خطتي بس كنت احاول ابعدج عن الاشياء الخطيره و عشان جي ماكنت جاهز اني اقوللج اني ابوج او اني ارد لعيلتي
ريم حطت راسها ع كتف ابوها :- مهما شو قلت او سويت بتبقى ابوي الي احبه والي افتقدته سنين
راشد يبتسم :- حبيبتي
عند البنات
نوره دخلت غرفتها :- بنات بنات
شيخه :- شو
نوره :- شفت ريم وسالم طالعين قبل شوي
شذى تبتسم :- ماقلتلكم مع زوجها
سلامه :- الحين نحن عندها تروح مع سالم ليش
نوره :- يوم تي بنذلها
حمده :- ايه لازم تتادب امم نوره وين الكيك ليش مايبتيه
نوره تقوم :- اوه نسيت يلا بروح اييبه
دقايق وتدخل معاها الكيك :- بنااات بناات
شيخه :- شو فيه بعد
نوره :- شفت سالم راد بروحه بدون ريم
سلامه :- اونه
حمده :- يعني صدقها عندها شغل
نوره :- يمكن

عند ريم وراشد
ريم :- باجر بعزم الكل في بيتنا
راشد :- ليش
ريم :- عشان هو الوقت الي لازم تضهر فيه وتقولهم انك حي
راشد :- بس لازم شوي شوي مب فجئه اصدمهم
ريم :- ماعليك انا بجهز كل شي برتب كل شي بخبرهم السالفه من البدايه لنهايه
راشد :- اوك
ريم :- ابوي تذكر يوم قلتلك اني ابا انتقم من يدي عشان انه هو سبب موتك زمان
راشد ابتسم :- ايه اذكر بس كنت متاكد انج مابتقدرين
ريم :- ليش مابقدر
راشد :- لاني انا ماقدر وهو ابوي وانتي بنتي وتشبهيني
ريم تضحك :- اشبهك صح بس انا اقوى عنك
راشد :- هههههه
مر الوقت و بدت الشمس تشرق
ريم :- مع ها الشروق بنبدا صفحه يديده بيضه بدون زعل بننسى كل الي صار قبل و
راشد :- بس اول شي لازم اعتذر منهم كلهم عقب بنطوي صفحات الماضي
ريم :- امم اوك يلا ابوي انا راده البيت انت وين ساكن الحين
راشد :- بفندق قريب
ريم :- نوصلك انا وسالم
راشد :- اوك يلا
اليوم الثاني
في بيت راشد
ساره :- ريم شو فيه ليش تبين تعزمينهم كلهم
ريم :- امي بقول شي ضروري يوم كلهم ايون بتتغير حياتج وحياتنا بس قبل ما ايون ابيج تتجهزين تتكشخين كانج عروس
ساره مستغربه :- خير كاني عروس
ريم :- امي تخيلي اذا ابوي يا شو بتسوين
ساره سكتت
ريم :- اوك اوك لاتتكشخين بزياده بس ترتبي كانه ابوي بي
ساره عصبت :- شفيج انتي اليوم ابوي بي و ابوي بي تراه مات من زمان شفيج وتروح
ريم ابتسمت وراحت تكلم الاهل وتستعجلهم ايون
في غرفه نوره
كل البنات قاموا وتجهزوا بعد ماريم قلبت الغرفه عليهم
نوره بكسل :- اففف الصبحح الحيننن ليش نقووم
شذى :- شفيها اختج الغبيه ماتخلينا ننام
شيخه تقوم :- تقول عندها شي ضروري بتقوله
سلامه :- هيه وعزمت كل الاهل عشان تقول ها الشي
حمده :- الله يعين يكون شي مب حلو
سلامه :- لا ما اعتقد شكلها مرتاحه مب متوتره
نوره :- ان شاءالله شي حلو
ريم تدخل عليهم وتشوفهم كلهم متبهذلين وحالتهم حاله ومحد قام تجهز :- يا حيواناات يلاا قوموااا تاخرتوااا
شذى :- شو تاخرنا شوفي الساعه كم 8:30
شيخه :- ايهه توه بدري
ريم :- كلهم الحين بيوصلون وانتوا بعدكم يلا بسرعه