سأنتقم 💔

البارت 7

حمده :- اوك انتو روحو بسرعة
رحت انا وسلامه و دخلنا و طلبنا و انا اتريا يا اللصقه
سالم :- او عمتي هني هلا اخبارج
سلامه تطالعة بنضره :- شو اونك متفاجئ ترى ادري انك كنت تلحقناا ب سياره سيف
سالم :- قلتي سياره سيف شو دراج اني انا
ريم :- انا قلتلها
سلامه :- شو تريد فيها خلاص اتركها فحالها يكفي انك دريت شو كانت تسوي
سالم :- ريم شو رايج تبيعيلي شركتج او تخلين واحد من اخوانج يديرها وانتي يلسي ف البيت الرياييل بس يشتغلون و الحريم يتمون فالبيت
ريم :- انت من وين طالع احنا تعرف في اي سنه صح 2019 يا بابا وقريب ندخل 2020 شو الي الرياييل بس يشتغلون ما اقول الا الله يعين زوجتك
سالم :- يعني الله يعينج انتي
ماسمعت شو قالل لانهم نادوا على دوري ف خذيت الايسكريم انا و سلامة و رحنا السياره

سالم
الحمدالله قلت كل الي عندي هههههههه يعني اكيد فهمت انها هي الي بتكون زوجتي مع اني مادري ليش اخترتها يمكن بسبب غموضها او جرائتها مدري
سالم :- لو سمحت عطيني واحد اسكريم كبير شوكليت
خذيت اسكريمي وطلعت

عند البنات
ريم :- وين تبونا نروح
سلامه :- شرايج نروح ياس مول
ريم :- اوك يلا
شيخة :- حطي اغنيه الوتر الحساس ل شرين
ريم :- اوك
نوره :- اخررر صووووت يعاملني بطيبه واحساس
شيخة :- يدلعني قدام الناس
حمده :- بيعرف اني رومنسيه
سلامه :- بيلعب على الوتر الحساس
شذى :- ايواااا عاااشووو بنااات يعاملني بطيبه و احساس ،،،،،،،
ريم تخفي الصوت :- يلا وصلناا
نزلو كل البنات و دخلو المول وهم يمشون شوي ايي واحد
الولد :- هلا ياحلوات
شيخة :- نعم يا الاخ
الولد يفر عليهم الرقم ف يطيح تحت و ريم تمسك الرقم :- لو سمحت
الولد :- ياحلوه كلميني الفليل طيب
ريم :- طيب جوف ) وتقطع الورقه قدامه وتفره في ويهه :: يلا بنات
شيخة :- اووو يالقويه انتي
ريم :- يستاهل

مرر اليوم على خيير و البنات استانسوا مع ريم وكل حد راح بيته على طول ع الشبريه نووووم

محمد
قمت من النوم الصبح مدري شو الي قومني مع اني دايما اتأخر يوم اقوم ولازم ريم او نوره يقوموني كل يوم طلعت و رحت المطبخ اسويلي شي اكله امم وين الكرون فليكس
ساره ب استغراب :- محمد ! شو تسوي هني
محمد ب ابتسامه :- والله مدري شو الي مقومني ها الوقت ف قلت اروح افطر اي شي
ساره :- معجزه صراحة انك تقوم ساعة 8:30 ههههه
محمد :- هههههه امي تعرفين وين الكرون فليكس
ساره :- هيه ف هذاك الكبت
محمد :- اوك شكرا يا احلى ام ف الدنيا
ساره :- هههههه العفو حبيبي
كليت و خلصت و رحت غرفتي يلست ع الفون
اعلان ،،، شركة الراشد هي اقوى الشركات و اشهرهم حاليا في الامارات و لقد تسرب مؤخرا ان مدير الشركة ليس رجل بل فتاه في مقتبل العمر تدير الشركة منذ حوالي 8 سنين تقريبا وهي التي اسستها و يقال ان عمر هذه الفتاه 19 و ستدخل 20 اليوم 7/17 و انها اغنى فتاه حاليا ف الدوله
محمد او توني ادري ان شركة الراشد مديرتها بنت والله انها كفو من وهي صغيره سوت ها كله هييه صح اليوم 7/17 تاريخ ميلاد ريم بتدخل العشرين
صدفه نفس مديره الراشد المهم شو لازم اييبلها خليني اطلع و اجوف ف المول

تسريع اليوم

في بيت اليد حمد كلهم ملتمين هناك

حمد :- اليوم مثل ما خططنا نحن الكبار بنسير مزرعتي و بنتم فيها خمس ايام كلكم تجهزوا بنسير العصر
شيخة :- واو حمااس
حمده :- يب

السياره الاولى

سالم و اليد حمد و اليده شيخة و بنتهم سلامه

السياره الثانيه
عبدالله و زوجته عليا و عيالهم حمده و خالد

السياره الثالثه
خليفه و زوجته سلمى و بناتهم شيخة و شذى

السياره الرابعة
محمد و امه ساره و حمدان و نوره وريم

السياره الخامسه
نوف و زوجها و عيالها ريم و مها

السياره الاخيره
سيف و بدر مع الخدم

الكل حرك مع بعض و كلهم عايشين الاجواء الي مشغل اغاني و الي نايم و الي ياكل لين ماوصلو المزرعه

باب المزرعه كبيير لونه ابيض و اول ماينفتح تجوفون ورود ع اليمين و ع اليسار و ف النص مكان مال السياره تمشي ب الرمل الابيض و قدامكم ب مسافة شوي بعيده نافوره كبييره عباره عن دوار الجهه الي ع اليمين يودي ع المسابح و الالعاب و الجهه الي قدام يودي ع الفله طبعا الفله كبيره لونها بيج و ابيض و الي ع اليمين يودي ع الحيوانات و الحدايقه
كل حد راح يناام من بعد تعب الخط

اليوم الثاني ف المزرعه

محمد
قمت اول واحد و قومت الشباب عشان يجهزون وياي حق حفله ريم اباها تستانس
سالم :- لا تقومني شو تريييد
محمد :- ياخي قوووم اريد اسوي حفله
سالم :- مين فاضيلك انت و حفلاتك و خر عني
محمد :- مب حقيي حق ريم تاريخ ميلادها
سالم يقوم :- اونه متى و كيف
محمد بنذاله :- لا خلاص نام سويتلك ازعاج
سالم :- يا حيوان
محمد :- هههههه امزح امس كان تاريخ ميلادها و اليوم اريد اسويلها حفله
سالم :- يلا طيب بنجهز كل شي امم يبت كيك
محمد :- لا قبل شوي قمت شو رايك انت تروح و تشتري الكيك
سالم :- خلاص اوك
و رحت الميلس الكبير
محمد :- السلام عليكم
اليد حمد :- هلا و عليكم السلام كيف حالك يا ولدي
محمد :- الحمدالله امم يدي انا اليوم اريد اسوي حفله تاريخ ميلاد ريم
اليد حمد :- ليش ماخبرتني من اول عشان نجهز شي حلوو ومحترم
محمد :- لا ماعليك بس اريدك ماتخلي ريم تي الحديقة لاني بسويها هناك
اليد حمد :- خلاص اوك
رحت و خبرت نوره عن الي بسويه وطبعا نوره خبرت كل البنات و راحوا اشترو هدية حق ريم و ريم يلست مع سلامه ف المزرعه
سلامه :- مللل
ريم :- ليش مارحتي مع البنات المول
سلامه :- مالي نفس
ريم :- طيب تعالي نروح نتمشى برع
سلامه :- لا لا ريولي تعورني مافيني امشي
ريم :- ههههه شفيج انتي اليوم
سلامه :- ماشي والله