عليا :- اي ازعاج والله اني مشتاقتلك
حمده تروح تسلم على اخوها :- والله ريم نستك اهلك
سالم يبتسم :- كيفج يا دبه وصرتي عرووس ها.
حمده تحط يدها بسرعه على فم سالم و بئحراج :-اششش لا تقول بصوت عاالي
سالم يضحك :- اوك اوك يلا قومي خليني اسلم على الشيبان
عبدالله ابو سالم :- شيبان بعينك تعال بس
سالم :- هههههه انا قلت شيبان متى انا قلت شباب بس انت ماسمعت
سالم و ريم و بدر. يروحون يسلمون على يدهم و اعمامهم
سالم :- كيف حالك يدي
الجد حمد :- الحمدالله وانت اخبارك كيف الكشته
خليفه :- اكيد حلوه مدام انه كان مع ريم و طولوا بعد
سالم يبتسم :- شفيكم معلقين كل شوي طولوا وطولوا خلوني استانس ياخي
سيف :- والله اشتقنالكم و اشتقنا حق جديتكم يوم رحت سالم سحبنا بدر خليناه اهبل نفسنا
خالد :- ايهه صح ماتشوف كيف صار مينون نفسنا
بدر :- يلا مناك انت وياه خلاص سالم رد يعني من الحين انا ماعرفكم
محمد :- شف الكلب مين كان كل يوم ايي عندنا طفشان ويقول ( يلا تعالوا بنلعب سوني )
سالم يضحك عليهم
عبدالله بصوت عالي :- اعقلوااا خلاص
الجد حمد يبتسم :- خليهم والله مشتاق لهاي الاجواء
ريم واقفه قريب منهم وتبتسم
نوره تمسك ريم من كتفها من ورى
ريم تلف وتشوفها :- هلاا نورهه اشتقتلج
نوره :- من اول استناج تلفين تسلمين علينا بس مالفيتي
ريم :- السموحه حبيبتي انتي تشوفين الي يصير ماقدرت اللف من الضحك والله
شيخه راحت عندهم :- ايه والله صادقه تخيلي ريم صارلنا فتره ماعشنا هاي الاجواء
ريم تسلم على شيخه :- ليش
شيخه :- يدي يقول اللمه بدونكم مب حلوه
ريم تضحك :- فديته يدي الله يحفضه
ريم تلمح امها يالسه ورى :- بنات بروح عند امي
ريم تروح سلم على امها وتحضنها :- اخبارج يالغاليه والله مشتاقتلج حييييل
ساره :- الحمدالله انتي كيف حالج و ليش طولتي
ريم :- باجر امي بتعرفين كل الي صاار او يمكن بعد شوي مدري
ساره تبتسم :- والله اشتقنالج البيت ضلام مندونج والحمدالله على سلامتج
سالم يا عندهم :- سلامتها هي بس وانا
ساره تسلم على سالم :- انت وياها غلاكم واحد عندي
ريم :- بس طبعا انا غيرر
سالم يبتسم :- اكيد غيير
سلامه تقرب منهم :- ريم ملاحضه انج سحبتي علينا
ريم تضحك وتسلم عليهم كلهم سلامه و سلمى و الكل
سالم بعد السلام :- ها عندكم شي ولا فيني نوم بروح انام
سلامه :- خيير توكم ييتو شو تروح
سالم :- الناس يسوون حفله بعدين مب على طول من المطار للحفله انتي شوفي كيف اشكالنا تعبانه
ريم :- هيه صح والله
سلامه تبتسم :- صح والله اشكالكم تحفهه رحمتكم
ريم و سالم وبدر استاذنوا وطلعوا بعد ماتموا شوي عند الاهل و قضوه اليوم كامل نووم
اليوم الثاني
محمد يدق باب شقه ريم وسالم
سالم يفتح وعيونه مفقعه نوم :- هاا شو فيه
محمد :- ابا ريم وينها
سالم :- ناايمه
محمد :- كذاب مستحيل
سالم :- ايهه والله نايمه ويت دقيقه اشوفها ( راح سالم اللغرفه ماحصلها دق باب الحمام هي مب فيه عقب طلع عند محمد )
سالم بستغراب :- غريبه هي مب موجوده يمكن نزلت عند امك
محمد:- لا انا كنت عند امي وكنا ننتضركم تنزلون
سالم يفتح فونه و يلاقي رساله منها :- طلعت
محمد :- وين
سالم:- راحت شركتها الراشد
محمد يضحك :- بدون ماحد يدري دايما تسويها كنها حراميه تطلع وتدخل بدون صوت
سالم :- ايهه
عند ريم
دخلت الشركة و لاقيت شوق
ريم :- اخبارج
شوق :- الحمدالله وانتي علومج و متى رديتي و ليش ماقلتيلي انج بتين
ريم :- امس ييت و ادري انه ها الوقت تين الشركه ف حبيت اني افاجئج عند الباب
شوق تبتسم :- حركاات والله
محمد ايي بعد ماشاف ريم وعرفها :- هلا والله بالمديره نورتي
شوق تنزل راسها مستحيه منه
ريم لاحضت شوق :- النور نورك تسلم
محمد يحط يده على كتف شوق :- شخبارج اليوم وكيف الشغل
ريم تطالع منصدمه
شوق :- الحمدالله
محمد انتبه انه ريم منصدمه منه :- ههههه شفيج منصدمه شو شوق ماقالتلج انها خطيبتي
ريم :- من متى
شوق :- قبل شهر
ريم ( رحت كم شهر ورديت الا كل حد خطب ماشاءالله ) يلا عن اذنكم بروح لشغلي
شوق ومحمد :- اذنك معك
عند نوره
كنت فغرفتي اكلم سيف و نرتب حق القاعه وكيف نبيها انا وحمده بعد ماخلصت منه نزلت ابا اكلم ريم بس مالاقيتها
نوره :- امي وين ريم
ساره :- طلعت الشركة
نوره :- بسم الله توه امس ييت
ساره :- تعرفين اختج انتي
نوره :- اوك بروح المول انا وحمده والبنات و بكلم ريم تيي هناك
ساره :- اوك
طلعت بعد ماتجهزت مع الدريول و رحت المول وهناك التقيت ف البنات
حمده ، شيخه ، سلامه ، شذى ، بثينه
نوره :- سمعوا بنات انا وحمده بنروح بروحنا نشتري وانتوا بروحكم وعقب بنلتقي في مطعم
بثينه :- ليش كلنا مع بعض احسن
سلامه تضحك :- هههه على اساس انهم عرايس و يبون يشترون اشياء خاصه
شيخه :- مالت عليكم اشياء خاصه قالت يلا بس خليكم هني معاي انا الي بختار المحل وانتوا تشترون قدامي
حمده :- خيير خيير اميي
ريم و شوق يو قربوا من البنات
ريم :- شوفيكم صوتكم واصل اخر الدنيا
ريم :- شوفيكم صوتكم واصل اخر الدنيا
حمده :- سمعي شوتقول هاي الغبيه
ريم بعد ماقالولها السالفه :- اهاا انزين عادي كلنا مع بعض وترى هاي بعد عروس يديده ( تاشر على شوق )
سلامه :- اونه صدق شوق مين
شوق :- محمد معاي فالشركه
سلامه و البنات :- مبروك الله يوفقكم
نوره :- خلاص عيل انا و حمده وشوق مجموعه وانتوا مج
ريم تقاطعها :- لا كلنا مع بعض ولا نسيتي يوم كلكم ييتوا ونشبتولي يوم كنت اشتري حق العرس
سلامه و شيخه يضحكون :- اييه ماخليناج في حالج لاننا نعرف شو بتشترين و كيف ذوقج
شذى :- انصحكم لا تخلون ريم تاخذلكم شي ولا بتلبسكم مخور
ريم :- هوا في احلى من المخور
شوق تضحك :- انا خلاص اشتريت وخلصت وافتكيت
حمده ونوره مع بعض :- حضجج
ريم :- انا بروح اشتري
سلامه تقاطعها :- ييبيلي وياج
شيخه و شذى و بثينه :- حتى انا
ريم تطالعهم :- شو حتى انا انتوا تعرفون شو بشتري
سلامه :- ايهه في حد مايعرف
ريم تاشر ل نوره و حمده و شوق :- وانتوا
ردوا عليها :- نسوي رجيم ورانا عرس
ريم :- كلكم تبون اسكريم شوكليت نفسي
البنات :- هيه
ريم
خليت البنات ورحت بروحي ل باسكن روبنز
وصلت عند الكاشير وطلبت
الموضف :- سيده ريم
ريم ب استغراب :- نعم
الموضف :- تفضلي ( عطاها ورقه )
ريم :- مِن من
الموضف :- كان هناك رجل كبير فالسن قبل لحضات ذهب عند مجيئك
فتحت الورقه ( هلا ريم تعالي اليوم الفليل للبحر المكان الي دايما نلتقي فيه بس لاتيبين حد معاج ولا حتى سالم اتمني انج تيين انا اتريااج )
سكرت الورقه خذيت الاسكريم ودفعت وطلعت
وصلت عند البنات و رحنا نفرفر بين الاسواق
عقب يوم خلصنا وصلت شوق و بثينه بيتهم ورحت انا والبنات بيتنا لانهم مبيتين عندنا اليوم
في غرفه نوره
حمده :- بناات شو رايكم نقول قصص رعب
شيخه بحماس :- اييه فكره حلوهه
سلامه :- ماعندي قصص مين بتبدا اول
نوره و شذى بصراخ :- ريييم
ريم فاتحه عيونها :- على كيفكم مابقول ماعندي شي في بالي
سلامه :- تذكرين القصه الي قلتيلنا اياها زمان ونحن صغار
ريم :- اي وحده
سلامه :- قصه البنت الي كانت ساكنه بروحها ب الشقه
نوره تذكرت :- الي اسمها داليا
سلامه :- هيه هي
ريم بتأفف :- كم مره قلتلكم اياها حتى انكم حفضتوهااا
حمده :- يلا قوليها عشااني
نوره وشيخه قربوا من ريم :- اييه يلا نسمعجج
ريم تنهدت :- اوك يلا امم اول شي لازم نسوي اجواء
أنت تقرأ
سأنتقم 💔
Alteleروايتي خياليه لكن مافيها اي من الاحداث الخارقه للطبيعه ك شخص يطير او له قوه وجي روايتي تتكلم ب اختصار عن بنت اماراتيه عايشه و يا خواتها وامها في بيت قريب من بيت يدها ( ريم ) هي بطله روايتي اهم شي عندها اهلها و اخوانها بس هدفها ف الحقيقه هو الانتقام...
